Вести Став-Колумни

Постојано сте несреќни затоа што туѓите животи ви се поважни од вашите

1435

Постојано сте несреќни затоа што туѓите животи ви се поважни од вашите...

Човекот сам по себе е многу себично суштество, но најчесто човекот заборава да го живее својот живот, својот сон замарајќи се со туѓите животи.

Познавам многу луѓе кои се несреќни и секогаш сум се трудела да им објаснам дека единствениот пат до среќата е да правиш работи што те исполнуваат. Единствени одговорни за нашата среќа сме ние. Не можеме да бидеме среќни ако сме завидливи и љубоморни, зошто тој/таа да има јас не. Дали станува збор за добра работа, диплома, момче, девојка...

Животот го трошите оговарајќи и правејќи планови како да уништите нечија среќа, а потоа сакате да бидете среќни, епа не може.

Градење своја среќа на туѓа несреќа не иде...

Постојано некого обвинувате за вашиот неуспех, за вашата несреќа...

Животот е испит, и постојано ќе паѓате на истата лекција додека не ја научите дека можеби така не треба да правите.

Малкумина знаат да живеат вистински, да се трудат за себе, а не за некој да им каже БРАВО. Тоа браво што ќе го слушнете од некој можеби нема ни да биде искрено.

Нема повистинско БРАВО ако од нешто вие сте задоволни и среќни.

Животот е краток и треба да си ја бркате вашата работа, а не да се замарате “комшијата“ колку има и што има, а вие немате, па после крив ви е тој имал врски, знаел да се упика или слично.

Секој на овој свет е роден со одредена мисија, секој живее живот каков што може да поднесе.

Гордоста и нарцисоидноста не се најдобрите карактеристики што можете да ги поседувате.

Живеејќи со помислата дека сте најубави, најдобри на работа, најуспешно правите нешто што добивате? Ништо! Каде се резултатите? Сте со човекот кој го посакувате затоа што сте најубави? Ја работите работата што ја посакувате затоа што сте најдобри во областа? Во друштво сте најзабавни затоа што сте најуспешни?

Никој човек не може да знае буквално се, а ни вие!

Животот ви поминува чекајќи затоа што исфрустрирани сами од себе, а потоа ви поминува цел живот обвинувајќи некој друг за вашата несреќа...

За се во животот треба борба, нема очајување и занимавање со туѓите животи. Ако нешто не оди денес, може ќе тргне утре со нова стратегија, план и упорност. 

Животот е непрекината борба со секое утро, со секој нов ден, со секој момент.

Среќата треба да ја побарате во самите вас и да се потрудите да направите нешто од себе, а не да го обвинувате светот како се здружил и прави теорија за вие да бидете несреќни!

Автор: Е.С.