ГО ПРЕЖИВЕАЛ ХОЛОКАУСТОТ: Има 112 години и е најстариот човек на светот (фото)

Израелец стар 112 години кој ја преживеал втората светска војна и нацистичкиот концентрационен логор Аушвиц, е најстариот маж на планетата, објави Гинисовата книга на рекорди.

Во соопштението е наведено дека Јизраел Кристал бил стар 112 години и 178 дена на 11 март.

Шефот на Гинисовата книга на рекорди Марко Фригати му ја предал на Кристал потврдата во неговиот дом во Хаифи.

„Не ја знам тајната на долговечноста. Верувам дека се е одредено од горе и дека никогаш нема да ја дознаеме причината зошто е тоа така. Имаше попаметни, посилни и позгодни мажи од мене кои повеќе не се живи. На нас само ни останува да работиме колку можеме и повторно да го градиме она што е изгубено“- споделени се зборовите на Кристал од соопштението за Гинисовата книга на рекорди.

Според податоците на Гинис, Кристал е роден во 1903 година во ортодоксно еврејско семејство во близина на градот Зарнов во Полска. Се преселил во 1920 во Лоѓ за да работи во семејната фирма за слатки. Во текот на нацистичката окупација на Полска тој прво живеел го гето, а подоцна е депортиран во Аушвиц и во други концентрациони логори. Неговата прва жена е двете деца убиени се во холокаустот.

Кристал ја преживеал и Втората светска војна и кога се завршило имал само 37 килограми и бил единствениот кој преживеал од неговото големо семејство. Се преселил во Израел во 1950 година со втората жена и синот. Во Израел Кристал продолжил да ја развива семејната работа со слатките.

Пред него најстариот маж на светот беше Јасутаро Коиде од Јапонија кој почина во јануари на 112 години и 312 дена. Сузана Мушат Џоунс е стара 115 години, Американката е родена во 1899 година и е најстарата жена на светот според Гинисовата книга на рекорди.

Дерматолозите откриваат: Кокосовото масло е одлично но не делува лековито на сите типови кожа!

Веќе подолго време се зборува дека кокосот е лековит, и за бјути предностите од кокосовото масло, за неговите својства кои одлично делуваат на кожата и косата, за лекување на лузни и спречување на стареењето на кожата.

Според дерматологот и научник Џошуа Зејкнер, кокосовото масло е сепак “тешко” за лицето.

“Ова масло има многу бенефиции, но ги затвора порите. Во основа, кокосовото масло е многу заштитено и наместо да се апсорбира во кожата, останува на неа. Посебно не се препорачува за лицата кои се склони на акни и митесерии”.

Иако кокосовото масло е богато со витамин Е, линолска киселина која ја смирува иритантната кожа, сепак ова масло не се покажа како добро за бробата против акни.

Само во одредени случаеви се покажа како одлично против воспаление на кожата и акните:

“Овде мора да ги имаме во предвид гените отколку лековитите својства на маслото. На одредени типови на кожа, маслото од кокос им одговара, а на други не. Некои се многу чувствителни на овој производ, други не и во тие случаеви генетиката игра важна улога”.

Кафето е лек за луѓето со срцеви заболувања!

Новото истражување вели дека секојдневното пиење кафе и чај може да биде од корист за луѓето кои имаат проблеми со срцето и ја поврзало консумацијата на кофеин, како состојка на овие два популарни пијалаци, со намалувањето на стапката на аритмии и абнормален срцев ритам.

Аритмија е состојба во која срцето бие премногу брзо, побавно или има нееднаков ритам. Многу лекари ги советуваат пациентите со атријална или вентрикуларна аритмија да избегнуваат пијалаци кои содржат кофеин. Но овие научници го покажале спротивното.

Тие анализирале 11 значајни научни студии, во кои вкупно биле вклучени 360.000 луѓе и откриле дека кофеинот нема никакво влијание на вентрикуларната аритмија, пишува Гардијан.

Анализата укажува дека внесот на кофеин од 300 милиграми на ден може да се смета за безбеден кај пациенти кои страдаат од аритмија. Тоа е, приближно, количина која е содржана во три шолји кафе.

Сепак, постојат бројни индивидуални разлики кога е во прашање чувствителност на ефектите на кофеинот, земајќи ги во предвид факторите кои водат до аритмии кај некои одделни случаи.

“Во студиите, во кои бил вклучен голем број луѓе, пациентите кои умерено конзумирале кафе и чај имале помал ризик за појава на проблеми со срцевиот ритам. Можно е тоа да влијаело позитивно на должината на нивниот животот”, заклучува тој.

Студијата беше објавена во научното списание на Американскиот колеџ за кардиологија.

Емотивна исповед: Вељко Ражнатовиќ ја отвори душата и прв пат јавно прозборе за неговото семејство и татко му!

Вељко Ражнатовиќ, синот на популарната пејачка Светлана Цеца Ражнатовиќ, почна професионално да се занимава со бокс. Вељко не крие дека неговата мајка би сакала нејзиниот син да се бави со нешто друго, но, секако го поддржува неговиот избор.

“Искрено, мислам дека мојот татко би сакал повеќе да сум некој дипломат, магистер или слично. Мислам дека би сакал да имам три универзитети, но не се сомневам дека би бил горд на мојот избор и триумфи “, изјави Вељко за српски магазин.

Тој вели дека сака да се ослободи од стереотипите “момче на мама”, па затоа избрал боречка вештина.

“Можеби тој  стереотип ме натера на тој спорт  спорт каде што не постои мајка, татко, баба,  дедо. Сам одам во рингот и се борам за својот живот. Јас сум син на Цеца и од тоа не можам да побегнам. Но,  јас сум исто така, син на Аркан и брат на Анастасија“, продолжува Вељко.

Тој верува дека ќе дојде денот кога ќе се наречат само по неговото  име и презиме. Против предрасудите кои постојат околу него, но поради популарноста на неговата мајка, научил да се бори.

Најчитани

Твитови