Студија вели дека Facebook поттикнува симптоми слични на зависност од наркотици (видео)

За некои од нас шокирачка вест, за некои не толку. Имено, студија објавена во 2014 г. која дури сега станува популарна, укажува на сличноста меѓу симптомите предизвикани од користењето на Facebook и користењето на наркотици како кокаин или коцкањето.

Студијата е означена како „контроверзна“ од некои магазини кои ја пренесоа, веројатно бидејќи ги доближува корисниците-зависници од Facebook до зависниците од дроги и коцкарите. Сепак, постојат некои битни разлики меѓу двете групи.

Студијата

Студијата анализирала 20 студенти од колеџ од САД кои биле скенирани во реално време со Функционална магнетна резонанца (ФМР; fMRI) додека им биле покажувани сообраќајни знаци и знаци и симболи од Facebook. ФМР била употребена за да се измери брзината на реакција на испитаниците, при што било пронајдено дека тие побргу реагираат на симболи од Facebook отколку на сообраќајни знаци, што ќе се согласите дека е потенцијално опасно. Реакцијата ја имале во деловите на мозокот одговорни за импулсивно однесување т.е. системот амигдаластриата, слично како и кај зависниците од кокаин и коцка.

Претходно студентите пополнувале прашалник со кој требало самите да ја пријават својата зависност од Facebook и други социјални мрежи. Тоа што се открило е поклопување на симптомите со резултатите од ФМР. Имено, оние студенти кои пријавиле најголема зависност од Facebook имале најсилна реакција во мозочниот систем за импулсивно однесување.

Резултатите

Сепак, постоела разлика во мозочната активност меѓу наркозависници и Facebook зависници и тоа во системите за инхибиција на импулси (најпредната кора) бидејќи за разлика од корисниците на наркотици, кај „фејсбукчиите“ овој дел од мозочната кора функционирал нормално.

Секако, постојат силни методолошки ограничувања кои оневозможуваат оваа студија да биде целосно релевантна. Таа е изведена на само 20 луѓе што секако не е репрезентативен примерок. Второ, таа наоѓа поврзаност (корелација), но не и предизвикување (каузација) на симптомите меѓу користењето на Facebook и активација на регионите за зависност. Сепак, не дека кажува нешто што не сме го заприметиле и самите нели.

За жал, повеќето корисници нема да бидат загрижени околу оваа вест и ќе си создадат рационализации зошто не можат да се откачат од Facebook, слично како и со зависниците од други „средства“ како опијати, наркотици и разни супстанци (никотин, кофеин).

Сите останати кои се загрижени за користењето на „социјалните“ мрежи треба да имаат предвид дека тие предизвикуваат непотребно оптоварување и трошење на мисловните циклуси во текот на денот; го тренираат мозокот да реагира само на силни, моментални дразби и со тоа ги прави неспособни да уживаат во подлабоки, подолготрајни и потемелни дразби (споредба: модерна поп-музика со концерт на Моцарт); и едноставно го трошат времето кое можело да се искористи да се направи нешто паметно и да се работи кон успехот во животот.

Изборот е, секако, нивен.

Лекарите откриваат, какви се проблеми со очите ни предизвикуваат компјутерите!

Околу 80 отсто од луѓето кои поминуваат повеќе од три часа дневно пред компјутер мислат оти тоа им прави проблеми, а половина од нив велат дека тоа им штети на очите, тврди германскиот Сојуз на офталмолози.

Пацинетите како проблеми ги наведуваат сушење на очите, загалување на погледот, главоболки, чувствителност на светло и замор. Она што е ефикасно е да направите повеќе мали паузи отколку една долга, како и да држите билки во канцеларијата.

Тие се добри за превенција на сушењето на очите зашто додаваат влажност.

Освен тоа, мониторот држите го под прав агол во однос на прозорецот и светилките, избегнувајте индиректно осветлување, а очите држите ги 50 до 80 сантиметри оддалечени од екранот – со што ќе го намалите заморот и проблемот со очите.

Еве зошто треба да имате тврд сапун во секоја соба!

Лекарите откриваат зошто е добро да имате сапун во секоја соба:

Убоди од инсекти

Доколку ве мачат убоди од инсекти, намокрете го сапунот и протријте го од местото каде што се наоѓа убодот.

За подмачкување предмети

Доколку чкрипи вратата, фиоката или подот, протријте сув сапун на местото и уживајте во тишината.

За одглавување заглавени работи

Прозорите кои се заглавиле може да ги подмачкате со сув сапун за лесно да се одглават.

Отстранување непријатни миризби

Наместо да користите миризливи свеќи, освежете го својот плакар, фиока ставајќи сапун таму каде што сакате да мирисаат облеките.

Отстранување флеки

Ако имате жолти траги на крагњата или некои точки на облеката, намачкајте сапун преку нив и оставете го така се до перењето на облеката.

Тесни чевли

Тврда кожа? Намачкајте сапун на деловите каде што ве стегаат чевлите, како што се горниот внатрешен дел и аглите.

Потресна приказна на руска манекенка која била приморана гола да скокне од шести кат во Дубаи!

Руската манекенка, 23 годишната Екатерина Стетсјук, која бегајќи од маж кој сакал да ја силува, скокнала од шести кат во хотел во Дубаи.

Таа тврди дека шефот кој е Пакистанец, кој како сопственик на агенција за модели ја одвел во Дубаи, пробал да ја  силува под закана со нож во хотелска соба, при што подоцна а тој ја обвинил дека сакала да го убие.

Во московската програма „On Air Live“, раскажала дека се спротиставувала на неговите напади, но дека ја повикал во работно време да дојде во хотелот во кој престојувал. 

-Почна сексуално да ме вознемирува, да ми ги допира колената. Сфатив дека морам брзо да одам, вели таа.

-Побегнав во ходник, но тој ме фати за коса и извлечка во собата. Зема нож и ме притисна на ѕид, држејќи ме за врат, почна да ме дави, продолжува таа.

После тоа ја натерал да се соблече.

-Ужасно се плашев, не толку дека ќе ме силува, најмногу се плашев дека ќе ме убие, кажала манекенката.

Таа успеала да се тргне од него и гола скокнала низ прозор, а преживеала само благодарејќи на тоа што паднала на тенда.

Се уште се опоравува во болница од повеќекратните повреди на грбот кога е уапсена. Вели дека два пати е оперирана и дека и вградиле титаниумска плочка во грбот, како повторно би можела да оди.

-Полицијата едноставно ме извлече од кревет. Во тоа време можев само да ги мрднам прстите и вратот. Ме сместија количка, ми го одземаа телефонот и ме однесоа.

Таа додава дека е обвинета дека го нападнала Пакистанецот со нож.

-Тоа е измислица. Тоа е муслиманска земја, во која законот ги штити мажите, вели таа.

Стетсјук се вратила во Русија после три месеци во затвор, додека нејзиниот шеф кој бил депортиран во Пакистан, поминал без казна.

Манекенката сепак признава дека згрешила што ја прифатила работата и вели дека имала „луда среќа“.

Најчитани

Твитови