6 факти за долната облека при фитнес-тренинг

Да се носи или не долна облека под црните растегливи хеланки е само едно од многубројните прашања што си ги поставуваат жените. Еве неколку работи што треба да ги знаете за хигиената на вашата долна облека.

1) ДА СЕ НОСИ ИЛИ НЕ ДОЛНА ОБЛЕКА?

Дали ќе носите или не, тоа е ваш избор, но постојат неколку важни причини што зборуваат дека сепак треба да носите. Бактериите ја сакаат влажната и топла површина, па затоа добро е да носите долна облека бидејќи во неа ќе се впијат потта и влагата. Изборот на долна облека од одреден материјал е многу важен ако тренирате или ако посетувате фитнес-центар. Изберете материјал со поголема моќ на впивање.
2) ТАНГИТЕ НЕ ВИ СЕ ПРИЈАТЕЛИ

Иако многу жени не сакаат да одат на тренинг или во фитнес-центар во гаќички што им се оцртуваат на тренерките, па затоа користат танга, треба да размислите и за негативните страни на тоа.
Обично тангите се тесни и додека вежбате, тие мрдаат напред-назад и така бактериите од анусот можат да стасаат до вагината или до уринарниот тракт. Ова триење и загревање може да доведе до уринарни и до вагинални инфекции, без оглед на видот на ткаенината.

3) ИЗБЕГНУВАЈТЕ САТЕН

Избегнувајте сатен и тантела бидејќи ниедна од овие ткаенини не дише, а тантелата може да ви предизвика иритација. Најдобра ткаенина за вежбање е онаа што дише и што впива – добар е памукот, а за движењата што се повторуваат, како трчање, купете долна облека со рамни краеви што не се абразивни.

4) АКО САКАТЕ МОЖЕТЕ ДА СЕ ДЕПИЛИРАТЕ СО ВОСОК

Многу жени сакаат да немаат влакна на интимните места бидејќи сакаат да се чувствуваат почисто, па се бричат и се депилираат, но тоа може да има и спротивен ефект. Срамните влакна постојат за да ги заштитат гениталиите и чувствителната кожа во тој дел. Кога ќе ги отстраните, вие отстранувате многу важен заштитен слој и го зголемувате ризикот од добивање полово преносливи болести, воспаленија и инфекции.

Но ако морате да ги отстраните срамните влакна, восокот е подобар избор, особено ако имате осетлива кожа.

5) ПАМЕТНО ИЗБИРАЊЕ И ПРЕСОБЛЕКУВАЊЕ 
Ако тренирате за многу важно случување, како тратлон или маратон, морате да бидтете дополнително внимателни со долната облека бидејќи ќе ја носите подолго. Однапред испланирајте што ќе облечете и внимавајте тоа да не биде долна облека што ви ја трие кожата.

 Кога се работи за водени спортови, топлината и влажноста се најлош непријател поради тоа што го поттикнуваат развојот на бактерии, па може да дојде до уринарни или вагинални инфекции. Најдобро е да носите дводелен костим за капење и еден резервен со себе за да можете да се пресоблечете ако долго време поминувате во вода.

6) „ОНИЕ“ ДЕНОВИ

Нема потреба да носите „пензионерска“ долна облека за време на менструацијата или да избегнувате да одите во фитнес-центар. Денес постојат многу начини како се заштитите од крварењето. Тампонот ќе предизвика помалку триење на вулвата, но вие носете го на што ви е попријатно.

Мусака со тестини: Брз ручек кога „не ви е до готвење“!

Денеска едноставно не е ден за готвење. Времето е идеално за проештки, па поради тоа ви донесуваме еден прекрасен рецепт за вкусна мусака која бргу се подготвува…

Потребно е: 200 г тестенини, 200 – 300 г. мелено месо, 1 главичка кромид, 2 чена лук, масло, зачини по вкус, 2 јајца, 200 г кисела павлака, кашкавал, плус 1 јајце.

Подготовка: сварете ја тестенината, исцедете и додајте малку масло, измешајте да не се залепи. На масло пропржете го ситно сечканиот кромид со лукот, додајте го меленото месо, и него испржете го, зачинете по вкус. Тавата намачкајте ја со масло. Изматете ги јајцата со киселата павлака и додајте во тестенината, измешајте. Половина ставете во тавата, израмнете па нанесете го меленото месо. Ставете ја втората половина тестенина. По површината изрендајте малку кашкавал и ставете во рерна загреана на 200 степени., Печете околу 30 минути, додека убаво не поцрвени.

Брутално искрен хороскоп за секој знак!

Како што постојат особини и постапки кои делуваат магнетно привлечни во очите на другиот, исто така постојат и карактеристики и дела кои го предизвикуваат спротивниот ефект. Што вели астрологијата на оваа тема? Прочитајте подолу!

Овен

кажувате работи пред добро да размислите. Последицата на таквото однесување е многу повредени луѓе во вашата околина. Иако тоа не го правите намерно, вашата искреност сепак честопати е многу брутална.

Бик

Цврсто се држите до своето мислење и не се откажувате од него по никоја цена. Дури и кога ви докажуваат дека не сте во право вам не ви паѓа на памет да попуштите со вашите тврдокорни ставови.

Близнаци

За волја на вистината, сакате да озборувате и прераскажувате трачеви кои вам ви се раскажани во четири очи. Поради тоа луѓето лесно губат доверба во вас, бидејќи мислат дека тоа ќе го направите и со нивните тајни.

Рак

Важите за личност која луѓето лесно можат да ја повредат или навредат. Луѓето околу вас имаат чувство дека е доволен само еден погрешен збор за подоцна да се соочат со бурна реакција од ваша страна.

Лав

За вас е важно секогаш да сте во центарот на вниманието. И честопати делувате премногу напорно за туѓите уши и очи. Незадоволни сте кога додека говорите не ве слушаат сите во просторијата, што на другите за многу брзо време почнува да им оди на живци.

Девица

Ситничарите до таа мера што размислувате за непотребни детали, па честопати пропуштате многу поважни работи. На нив воопшто не обрнувате внимание – а треба.

Вага

Поради некоја причина кај луѓето оставате впечаток дека глумите, односно дека не сте ни приближно такви како што се претставувате пред светот. А со лажни личности дружењето навистина е тешко.

Шкорпија

Вие сте големо злопамтило. Кога човек еднаш ќе се замери со вас, не сакате да го оставите на мира. Додека повеќето знаци се смируваат, вие извлекувате стари проблеми кога ви одговара и повторно ги вадите на маса.

Стрелец

Знаете дека на светот постојат и други луѓе, но вам ви се чини дека тие се помалку важни од вас. Не ве интересира она што го имаат да го кажат бдејќи верувате дека вие секогаш имате на ум нешто подобро.

Јарец

Честопати имате песимистички поглед на светот и проблем за секое решение. Со тек на време ова почнува многу да им пречи на луѓето во вашето опкружување.

Водолија

Намерно им пркосите на другите, само за да видат колку сте посебни. Дури и кога се сложувате со некого, вие имате навика да заземете спротивен став, сакајќи вашето мислење да остави посилен впечаток.

Риби

Со бујна фантазија и склоност кон мечтаење вие во реалноста не сте ни малку добар соговорник. Умеете да одлетате со мислите сред реченица, па тогаш станува очигледно дека воопшто не го ни слушате разговорот.

Најсреќниот човек на светот Матју Рикард – 72-годишен француски писател и монах на тибетскиот будизам!

Матју Рикард – тој е 72-годишен француски писател и монах на тибетскиот будизам, роден 1946. како син на филозоф и уметница.

Оваа титула ја добил по учествувањето во 12-годишната студија за медитација за сочувство која ја води невролог од Универзитетот Висконсин, докторот Ричард Дејвисон.

Дејвисон поставил 256 сензори во главата на Рикард, а скенирањата покажале дека кога Рикард медитира неговиот мозок произведува гама бранови, оние кои се поврзуваат со свеста, вниманието, учењето и парите, на ниво какво што науката сѐ уште нема забележано.

Преку скенирањето е откриено дека активноста во неговиот лев префронтален кортекс на мозокот, му дозволува да има незабележано чувство на среќа и многу мала можност за чувствување негативност.

Рикард, кој понекогаш медитира и по цел ден, признава дека се чувствува како среќна личност иако не сака да го нарекуваат најсреќен човек на светот.

Своите тајни ги открил репортерот на порталот businessinsider.com, кој со него разговарал во текот на Светскиот економски форум во Швајцарија. Неговиот прв совет е:

1. Престанете да размислувате јас, јас, јас, одговорот е во алтруизмот. Кога постојано размислуваме на себе, се заморуваме и потпаѓаме под стрес, што конечно доведува до чувство на несреќа. Ако сакате да бидете среќни, бидете добронамерни. Не само што ќе се чувствувате подобро, туку и другите ќе почнат да ве гледаат како подобра личност.

2. Меѓутоа, не дозволувајте другите да ве користат. Стремете се кон тоа да бидете разумно љубезни. Ако вашиот ум е преполн со добронамерност, ентузијазам и солидарност, а тоа е многу здрава состојба на умот која води кон благосостојба и процветување. На тој начин сте во многу подобра ментална состојба. Докажано е и дека ќе бидете поздрави.

Најчитани

Твитови