Премиера на „Пепелашка“ во Театарот за деца и младинци

Надежта дека љубовта доаѓа, вербата која секој ден ја чека среќата, тоа се победниците во нашата „Пепелашка“ - вели кретивниот тим на претставата.

Утре (среда, 22 јуни) во 19.00 часот во Театарот за деца и младинци во Скопје премиерно ќе биде изведена претставата „Пепелашка“, работена по Шарл Перо, Браќата Грим и мотиви од некогашната адаптација на Дизни. Драматизацијата е на Горјан Милошевски, а режијата на Деан Дамјановски.

Тоа е претстава за двајца зрели сонувачи: од една страна, Пепелашка, која не може да се помири со потребата за богатство кај Маќеата и полусестрите Анастасија и Дризела. А од друга, Принцот кој сака сам да ја избере својата жена, наспроти традиционалните погледи на својот татко- Кралот. И двајцата силно мечтаат за вистинската љубов која на крајот и ќе ја најдат - велат од Театарот за деца и младинци.

Претставата се базира врз авторскиот поглед на младиот драмски автор Горјан Милошевски , изведен според режисерската визија на Деан Дамјановски и надограден со актерската игра на Наташа Петровиќ (како Пепелашка) и Ненад Митевски (како Принцот), понатаму, Катерина Илиевска- Силјановска (Маќеата), Симона Спировска (Анастасија), Емра Куртишова (Дризела), Мартин Јорданоски (слугата Меклелеј), Бојан Кирковски(глушецот Попс), Владимир Лазовски (Кралот), Ана Левајковиќ (самовилата Мирабел), Марија Ѓорѓијоска (глувчицата Бабл) и Мики Анчевски (песот Бакстер). За автентичноста на претставата огромен придонес имаат и раскошните костими на Елена Дончева, сценографски асоцијативната визија на Кирил Василев, авторската музика на Сашко Костов, како и разиграната кореографија на Кренаре Невзати. Ликовите на Пепелашка која не губи верба, Принцот кој не престанува да ја бара вистинската љубов, злобната Маќеа, двете полусестри кои луто се караат која е поубава,Кралот кој сака само да го жени принцот, расеаната, добра и весела Самовила, несмасните и симпатични животни и еден Слуга кој прави глупост само што ќе мрдне со малото прсте, влетуваат во брз сплет на смешни, стрмоглави и неизвесни случки со среќен крај.

Премиерата на „Пепелашка“ е во рамките на Скопско лето.

Планините како да не ги сакаат планинарите: Загина 35-годишен планинар

Денеска нов смртен случај на падините на Хималаите, јапонски планинар загинал при осмиот обид да го освои врвот Монт Еверест.

Јапонецот Нобуказу Курики имаше само 35 години, а при претходните обиди да го освои највисокиот врв на Хималаите, ги изгубил сите прсти на рацете. Неговото тело било пронајдено во шатор поставен на височина од 1400 метри надморска височина.

Претходно, тој ги изгубил сите прсти поради премрзнување, но останал упорен во намерата да го освои врвот, што за жал, никогаш не успеал да ја оствари.

Тој своите следбеници на Фејсбук ги известувал за сите планинарски подвизи, а последната објава пред да биде пронајдено неговото тело гласи: „Ја чувствувам болката и тежината на оваа планина“.

Дали сте и вие едни од нив? Познато е зошто луѓето зборуваат во сон

Статистичките податоци покажуваат дека дури 25 проценти од децата и пет проценти од возрасните зборуваат во сон. Многу научници од различни сфери ја истражуваат оваа тема, но руските експерти се чини дека се „најблиски до вистината".

Според официјалните податоци, децата најчесто зборуваат во спиење, бидејќи тие се соочуваат со турбулентни дневни настани и силни емоции. Во исто време, не мора да значи дека детето ќе продолжи да расте со оваа навика, која не може да биде свесно контролирани.

Науката вели дека зборувањето во сонот се случува на многу чувствителните личности, а најдобар доказ за таквото тврдење се студиите. Луѓето кои страдаат од несоница или чувствуваат некаков притисок можат да зборуваат во сон. Овој феномен е исто така погоден од стрес, депресија и консумација на алкохол, како и висока температура.

Може ли говорот во сонот да ги открие нашите тајни?

Многумина се плашат дека, ако зборуваат во сон, нивните тајни ќе бидат небезбедни и ќе бидат откриени. Како по правило, на првата и втората фаза од спиењето се јавува нејасен и неповрзан говор - комплицирани монолози, кои не траат подолго од половина минута. Во третата и четвртата фаза на сон човек почнува со „дрдорење" на звучи. 

Затоа, велат руските истражувачи, не треба да се плашат дека во сон ќе ги откриете своите тајни и скриени мисли.

Ако го имате овој проблем треба да се исклучи од употреба алкохолот, особено во вечерните часови, а исто така да се избегне и кофеинот.

 Ова е рецепт за спиење без проблем!

НАЈНОВА ВЕСТ: Убиен сопственик на позната дискотека (фото)

Непознато лице околу осумнаесет часот пукало во Миодраг Крушчиќ, сопственик на дискотеката „Беагл“. Немилиот настан се случил во терастана на познатиот локал „Палата“ во Стар аеродром - Црна Гора

Миодраг е пренесен итно во Клинички центар, но не давал знаци на живот.

На лице место е полицијата која врши увид и екипа на брза помош.

Најчитани

Твитови