Македонија ја доби Шведска во баражот за СП

Женската ракометна репрезентација на Македонија за противник ја доби селекцијата на Шведска во баражот за пласман на Светското првенство 2017 година што ќе се игра во Германија. Македонија на извлекувањето што се одржа во Гетеборг беше рангирана во „вториот шешир“ и за ривал ја доби Шведска од „првиот шешир“. Македонија за баражот се избори откако успешно ги мина квалификациите каде во групата го освои второто место зад Австрија, а пред Исланд и Фарските Острови. Првиот натпревар нашата репрезентација го игра на домашен терен од 9 до 11.јуни 2017 година, а реваншот ќе се игра од 13 до 15.јуни 2017 година во Шведска. Победникот од двомечот ќе се пласира на СП, каде учество имаат обезбедено: Германија (домаќин), Норвешка (светски првак) и Франција, Данска и Холандија (полуфиналисти на Европското првенство 2016). Покрај дуелот Македонија – Шведска се играат уште осум бараж дуели: Црна Гора – Белорусија, Италија – Србија, Русија – Полска, Унгарија – Словачка, Романија – Австрија, Украина – Шпанија, Хрватска – Словенија и Чешка – Турција. Светското првенство во Германија ќе се одржи од 1 до 17. декември 2017 година. 

Exclusive.mk зеде изјави од селекторот Симе Симески и директорот на женските репрезентации Д-р Емил Угриновски:

Д-р Емил Угриновски изјави: " Македонската женска ракометна репрезентација го врати победничкиот дух на квалификацискиот турнир за Светското превенство 2017 на Фарски острови. Подмладената екипа докажа дека има квалитет и дека е спремна за поголеми предизвици. Нашата стратегија на подмладување и транзиција на екипата вроди со плод, ако пред една година губевме со 7 разлика од Исланд на турнирот ги победивме со исто толку разлика и обезбедивме бараж за едно големо натпреварување. Ова што го сторивме е 100% македонски производ, како никогаш досега нашата репрезентација е чисто македонска без странски ракометарки и без странци во стручниот штаб. Ова е доста битен сегмент на нашиот успех и Македонија е горда на тоа, бидејќи така успехот има посебна тежина. На ждрепката ни се падна Шведска која не беше посакуван противник, но и не е непобедлива репрезентација што се покажа на тековното Европско првенство. Едно е сигурно, а тоа е дека нашите ракометарки, стручниот штаб и РФМ максимално ќе се вложат за да влезат што поспремни во баражот и да се обезбеди пласман. Кај ракометарките се гледа еуфорија и волја да го дадат максимумот во баражот, а нас како стручен штаб и на РФМ ни е должност да обезбедиме што подобри услови и на највисоко ниво ги подготвиме играчите за дуелот против Шведска. Првиот натпревар се игра на домашен терен и сум сигурен дека ќе ја добиеме поддршката од публиката. Очекуваме "вулкан" од трибините и ќе се врати големата поддршка од нашите навивачи.  Јас сум оптимист и мислам дека со добри припреми и добра организација може да ја постигнеме нашата цел, а тоа е пласман на Светското првенство."

Симе Симески изјави: "Како противник ја добивме репрезентацијата на Шведска која е доста квалитетна репрезентација која игра современ, брз ракомет. Шведска ја следевме на тековното Европското првенство на кое прикажа добра игра, но покажа и слабости кои мислам дека може да ги искористиме. Сега наша задача до баражот во јуни 2017 е да имаме добри припремни натпревари, да ја следиме формата на нашите ракометарки и да го анализираме противникот. Јас сум оптимист дека со максимално посветување може да направиме да постигнеме успех и да се пласираме на Светското првенство 2017. По однос на тоа дали ќе има измени во нашиот тим, не можам ништо да ви потврдам сега. Нас како стручен штаб ни е битно кој играч е во добра форма, а не кој е млад или стар. Така, екипата ќе се формира согласно формата и прикажаната игра на ракометарките."


 

Популарниот пејач Џстин Бибер го унакази своето тело - нема веќе стомачни, обожавателките тагуваат (ВИДЕО)

Канадскиот поп-пејач Џастин Бибер, успеа целосно да ги шокира своите фанови на Инстаграм со само една објава.

Имено, тој објавил фотографија од своите тетоважи.

Станува збор за една голема тетоважа, која ги прекрива неговиот стомак и градите.

На неговото тело наѕираат и стари тетоважи, а најдобро може да ги видите преку следното видео:

 

A post shared by Justin Bieber (@justinbieber) on

Актерката Тања Кочовска без срам го покажа своето тело во костим за капење! (ФОТО)

Добропознатата македонска актерка Тања Кочовска е обожувана меѓу своите колеги и меѓу публиката.

Таа е секогаш расположена за шега,дури и на своја сметка. Како актерка во Театарот за деца и младинци, таа е една од најсаканите ликови кај малите.

Овој пат на својот Фејсбук профил објави фотка во костим за капење каде гордо ја покажа својата фигура, и безсрамно покажа дека килограмите не се важни ако ЖИВОТОТ ТИ Е ПРЕКРАСЕН, како што и самата Тања искоментира под својата фотка.

Позната состојбата на повредените во страшниот инцидент на трките во Скопје

Страшен инцидент ги прекина кружните трки, кои прв пат по пауза од седум години повторно беа организирани во Скопје, повредените во инцидентот беа итно префрлени во болница и што е најдобро се надвор од животна опасност.

Хрватот Бркиќ кој возеше Хонда Сивик изгуби контрола во седмиот круг и притоа буквално го покоси Александар Димушевски, кој инаку е еден од организаторите на трката. Тој итно беше префрлен во болница и според последните информации неговата состојба е добра и тој е надвор од животна опасност.

Поради инцидентот на кој настрада еден од повредените, трките беа прекинати. Овој инцидент остави дамка на трките кои на голема радост на фановите на мото спортот се вратија во Скопје после седум години.

Најчитани

Твитови