20 совети од еден од најдобрите психолози во светот

Следните 20 совети од д-р. Михаил Литвака, психотерапевт и психолог кој го разви системот „Психолошки аикидо“, ќе ви помогне во решавањето на многу животни ситуации…

1. Доколку човекот не може да каже ништо добро за себе, а сака нешто да каже, тој започнува да говори лошо за другите.

2. Гризај ја науката, а не грлото на својот ближен, ако навистина сакаш нешто да загризаш.

3. Депресивната состојба му е дадена на човекот за да размислува за себе.

4. Никој никого не отфрла, само некој оди напред. Оној кој застанал, се смета за отфрлен.

5. Ако добро мислите за себе, зошто е потребно уште некој добро да мисли за вас.

6. Работи што сакаш и не прашувај за дозвола. Нема да ја добиеш.

7. Способноста да се сака и добро да се поднесува самотијата е показател за духовната зрелост. Всушност најдобро работиме кога сме осамени.

8. Незрела личност често знае, но не умее. Зрелата не само што знае туку и умее. Затоа, незрелата личност критикува, а зрелата делува.

9. Јас не го знам патот до успехот. Но, го знам до неуспехот – тоа е желбата да им се допаднеме на сите.

10. Нема машка или женска логика, постои способност или неспособност мудро да се мисли.

11. Сакаш да го дознаеш својот главен непријател? Погледни во огледалото. Избори се со него и останатите ќе се разбегаат.

12. Постигни успех – ќе поминат навредите.

13. Со пријателите е пријатно да се разговара, со непријателите е корисно.

14. Постои само една валидна причина за прекин на врската и престанок на работниот однос – неможност на личноста за раст во дадените околности.

15. Треба да делите само радост и со пријателите и со непријателите. Пријателите ќе се израдуваат, а непријателите ќе се вознемират.

16. Не ја бркај среќата, и ќе го најдеш местото каде што таа престојува. И среќата сама ќе те најде. Можам да ти кажам едно место каде што престојува твојата среќа – во тебе. А патот до неа е максимален развој на своите способности.

17. Среќата е нуспроизвод на правилно организираното делување.

18. Ако на некој нешто сакаш да му докажеш, значи дека живееш поради тој на кого сакаш тоа да му го докажеш. Ако живееш поради себе, тогаш нема потреба на некој нешто да му докажуваш.

19. Фантазијата – тоа е глас на нашите способности. Па затоа јас не фантазирам дека пеам во опера. Немам ниту глас, ниту слух. А ако би фантазирал, во согласност со тоа фантазијата би ги подгреала моите способности. Поради тоа, би се трудел да достигнам до опера. Само треба да размислувате како тој сон да се оствари. Тука е главно да не брзате, тогаш соништата се остваруваат релативно брзо. Добро е кога човек може да каже го каже за себе следново: Јас се занимавам само со обиди да ги остварам своите соништа.

20. Подобро е да комуницирате со добра книга, отколку со празен човек.

ОГРОМНА ТРАНСФОРМАЦИЈА- Оваа девојка ја скрати својата долга коса на нула!! МАСАКАР (ВИДЕО)

Промените се дел од нашиот живот и истите носат нешто подобро, или пак во краен случај полошо во истиот.

Оваа девојка има многу долга коса, но се одлучила за неверојатна промена.

Таа собра храброст да се потшиша со машинка на нула. КАКВА ТРАНСФОРМАЦИЈА!

Новиот ривал на Путин за претседател на Русија е ЖЕНА? (ФОТО)

Позната телевизиска новинарка Ксенија Собчак, чиј татко бил близок соработник на Владимир Путин, има намера да се кандидира на претседателските избори во Русија.

Како што пренесуваат светските медиуми, 35–годишната новинарка планира да се кандидира на претседателските избори кои се одржуваат во март 2018 година.

Таа се опиша како кандидат кој одбива status quo, некој кој би внел борбеност во кампањата и би ги предизвикал уморните стари кандидати од другите партии, кои постојат веќе со години.

Таа на своите потенцијални гласачи им порача да ја изберат неа доколку сакаат нешто да направат, ако им е доста од сè, а немаат свој кандидат.

New York Times пренесува и дека таа е ќерка на поранешен градоначалник на Санкт Петербург, Анатолија Собчак, кој бил ментор на Путин со години и кој починал во 2000- та година.

Меѓутоа, New York Times наведува дека кандидатурата на Собчак ќе биде дополнителен удар за и онака слабата опозиција, со потсетување дека главниот руски опозоционер Алексеј Навални нема право да се кандидира бидејќи тоа му го забрани судот, поради постапка која се води против него.

Бремената Ана Ивановиќ го покажа стомачето ! (ФОТО)

Синоќа се одржа големото отворање на првиот бутик на Intimissimi vo Њујорк. Познатиот бренд за долна облека собра бројни славни личности на едно место, меѓу кои и Ирина Шајк, Ана Ивановиќ, Сара Џесика Паркер и Дакота Џонсон.

За свечениот настан, бремената тениска ѕвезда избра фустан во боја на бургундец. 29-годишната Србинка, која го очекува првото дете со Бастијан Швајнштајгер, со широка насмевка позираше пред фоторепортерите.

Најчитани

Твитови