Најромантичната божиќна МАКЕДОНСКА љубов - ВИСТИНСКА љубовна ПРИКАЗНА за двајца студенти

Беше тоа Бадник пред 8 години...

Проклето студен и снежен ко денешниот. Ви текнува на оние празници пред испитна сесија што мора да ги поминете сами во учење. Ете таков Бадник.

Таа остана сама во студентскиот стан што го делеше со најдобрата цимерка на свет, а подоцна и другарка за навек. Личност што не сака осаменост тешко го поднесува отсуството од домот во такви денови. Паричка сама со себе не можеше да си дели, а и уставното право беше веќе научено за пеење.

19:00 време беше за бадникова вечера, а солзите веќе на праг. Прошетка до најблискиот маркет, малку воздух и тон тага.

Само што ја затвори вратата од надворешна страна сфати дека ги заборави клучевите внатре. Кој паметен ги измислил овие смарт врати што се отвараат само од внатрешна страна.

Сега пак беше сама ама не дома. Надвор, на улица, на ладно, на студ, на снег, на мраз, на -10. Си помислила Господе имаш ли милост... Веќе солзите не беа дилема. Дилема беше кој број од именикот да го сврти, на која врата да тропне, каде да ја помине ноќта. Во град каде што немаше роднини, во викенд-зграда каде што немаше комшии...

Последниот повик во телефонот од пред некој час беше од близок другар кој се јави да ја праша како е, дали и треба нешто.

Знаеше дека ја мачи носталгија за дома.

Беше тоа еден од оние искрени другари што знаат да изненадат со деливери палачинки, чоколади, домашна храна, новогодишни поклони... еден од оние што те викаат да му помогнеш во "чистење" без да сетиш дека всушност те поканил на ручек. Еден од ретките жители на тој град што знаеа како е да си студент далеку од дома, иако и самиот тоа не беше. И не, не беше тоа специјален третман што го уживаа двете девојчиња од "третиот цимер". Беше тој другар за во добро и зло со сите. 

Токму така. И сега тој беше "спасителот" што го прибра "девојчето со ќибритчињата" во својот дом... по којзнае кој пат. Иако таа знаеше дека во градот не е обичај да се слави Бадник, сепак и беше непријатно што е принуден гостин во туѓа куќа. Се уште не ја имаше довршено мислата кога се најде во неговиот дом, со неговото семејство, пријатели и бадникова вечера. Баш кога помисли дека овој пат таа го изненадила, тој изненади пак. Се беше испланирано и спремно одамна само за да другарката не биде сама за Бадник. Најмагичниот Бадник на свет. Онаков каков што мислевте го има само во приказните.

И не е ова уште една “love story“ што треба да ја споделиш за да те прати среќа 100 години. Се шегувам. Ова е приказна во која сите ликови, настани и датуми се реални и вистинити. Приказна која се раскажува на внуците во старост.

Од тогаш не поминува ниту еден Божиќ без да помисли на братот и цимерката. Среќа е што ве имам. Човек не мора да има роднини за да има семејство.

А "девојчето со ќибритчињата"? Да. Тоа штотуку ви ја раскажа оваа бадникова приказна.

Добрите луѓе се секаде околу нас. Ако не можеш да пронајдеш еден, биди еден! Верувај во чуда и прави чуда!

Среќен Божиќ најмили.

Љубов и добрина да ви ја греат душата.

Допис од читателка

Превземање на оваа содржина, во целост или делови, не е дозволено освен со писмена дозвола од Еxclusive.mk во спротивно секое неовластено копирање ќе се фактурира согласно ценовникот на нашата редакција.

По поразот, уште една тажна вест за навивачите на Хрватска: Тој си заминува

По поразот од Франција во финалето на СП, Иван Ракитиќ е тажен, но и горд.

-Тажни сме. Бевме блиску до златото. Дождот што врнеше е како небото да плаче. Целиот свет денеска навиваше за Хрватска. Денеска имаше 100 милиони Хрвати. Сите се вљубија во нас. На тоа треба да бидеме горди. Ѝ честитаме на Франција за златото и едвај чекаме да си дојдеме дома, во Загреб.

-Бевме подобри. Се до третиот гол бевме многу подобра екипа. Ни дадоа четири гола од три шута. Штета, ама тоа е фудбал.

Пред почетокот на СП, Ракитиќ најави дека ќе се повлече од репрезентацијата.

Фотографијата што ја објави на Инстаграм по натпреварот отвора сомнеж дека навистина овој натпревар е последен за Ракитиќ во репрезентативниот дрес.

„За Лука, мојот брат. Ми беше најголема чест да го делам сево ова време со тебе. Те сака Ракета“, пишува Ракитиќ на посветата на дресот што му го подарил на Модриќ.

Посветата на Модриќ, која го содржи истиот текст, е во сегашно време, а таа на Ракета во минато, забележуваат хрватските медиуми.

Од 2007 до денес Ракитиќ одиграл 88 напревари за Хрватска и постигнал 13 гола.

Љубовен триаголник ги раздели Ирена и Орце - Пејачката со друг музичар (фото)

Фолк пејачката Ирена Спасовска и нејзиниот долгогодишен партнер, новинарот Орце Гелевски се разделија.

По 13 годишна врска во која невенчано живееја заедно, Орце пред десетина дена се иселил од нејзиниот стан, пишува порталот „7 дена“.

Според извори на порталот, причина за разделбата е тоа што Ирена имала друго момче, музичарот Амети Мухамедали- Мухи.

Дека е крај на врската потврдил и Гелевски.

-Да точно е дека се разделивме. За причините прашајте ја неа. Јас  нема што друго да кажам.  Мајка ми има проблем со здравјето и со неа деновиве сум по болници, вели Орце.

Пејачката негирала дека има друго момче.

-Да имавме некои одредени проблеми и затоа сметавме дека најдобро решение е разделбата. Немам друго момче, вели таа.

Пејчот Мухамедали за порталот рекол дека нема што да изјави.

„Јавна тајна е врската меѓу Ирена и Мухи. Цела естрада тоа го знае“, велат нивни колеги. Според нив Ирена и музичарот  веќе три години биле во врска и дека станува збор за голема љубов. Тоа ним им го раскажал и Мухи,  со уште многу детали од нивната врска. Тој живеел во странство, но од љубов кон  Ирена се вратил во Македонија и сега на свирките настапуваат заедно, пишува порталот „7 дена“

Целосен извештај: Владата потроши 180.000 евра за прославата за поканата од НАТО

Владата потроши вкупно 179.500 евра за прославата што се одржа во саботата во 15 града низ Македонија за поканата за членство во НАТО.

„Организацијата на целиот настан, обезбедувањето на соодветна техника, озвучување, осветлување, бини, редари, технички персонал, сценска опрема, ангажман на 40-тина изведувачи коишто настапија во 15 градови ширум Македонија, транспорт на опрема и технички персонал, промоција на настаните, графички и визуелни решенија и активности за промоција, а се вкупно со сите ставки чини 11 900 евра по град или вкупно 179 500 евра за прославата ‘Одиме напред – Македонија во НАТО и ЕУ’ во сите градови. Владата ангажираше исклучиво домашни изведувачи со кои беа склучени авторски договори за уметнички трудови, односно за музичко-сценски изведби, а изборот на градови беше определен согласно со рамномерна географска застапеност“, информира Владата.

Од таму велат дека трошоците за организацијата на настаните се скромни, по нормални пазарни цени. „За промоцијата на настаните не се потрошени средства за реклами во медиумите, ниту, пак, се потрошени какви било средства за организиран превоз на публика од едни во други градови“, велат од Владата.

Во продолжение интегрално го пренесуваме извештајот за потрошени средства:

Вкупната сума за реализација на настаните, разложена по ставки опфаќа:

1. Ангажман на 40-тина домашни изведувачи утврден со засебни авторски договори со секој од нив и вкупно за сите, во сите 15 градови и настапи на домашните изведувачи чини 75 500 евра.

Во секој договор е наведено дека ангажманот е за „прослава по повод поканата за Македонија за членство во НАТО“ со наслов „Одиме напред – Македонија во НАТО и ЕУ”. Трошоците за неколкуте изведувачи кои го откажаа ангажманот не се вклучени во пресметката и нема да се реализираат, а административната процедура со нив ќе се заврши по пат на спогодба.

2. Сценската опрема, бините, системите за озвучување и осветлување за 15 настани се реализирани од страна на компанија со којашто Владата на Република Македонија има склучено договор, врз основа на тендер и спроведена јавна набавка, којашто тековно врши услуги за изнајмување и ракување со опрема за аудио и видеоподдршка на настани во надворешен простор за потребите на државните институции.

Вкупната сума за сите трошоци за сцени и сценска опрема, за сите 15 места низ градовите, односно за сите 15 настани, чини 49 000 евра или околу 3 200 евра по град.

3. Сите други потреби и услуги за организација на настаните, што подразбира обезбедување на соодветна логистика, 150 редари, технички персонал, заштитни огради, 15 шатори, 15 гитарски засилувачи на звук и клавијатури, транспорт на опрема и технички персонал, чини вкупно, за сите 15 настани во градовите 35 000 евра или околу 2 300 евра по град.

За оваа ставка, преку соодветни законски постапки се спроведе тендер со три понуди за избор на најповолен понудувач, по што преку критериум најниска цена, избрана е компанија која ги реализираше услугите за организација на настаните.

4. Ангажман на лица за авторски труд за креативен концепт и реализација на промотивна кампања на социјални мрежи, графички решенија, видеопродукција, визуелизации на бините и постпродукција со вкупен износ од 20 000 евра или околу 1 300 евра по град.

Прославата ја поддржаа и локалните самоуправи, со организациска и логистичка помош.

Пренос на МРТВ не се реализираше бидејќи авторските договори со изведувачите не вклучуваа регулирање на авторски права за пренос во живо на национални телевизии и со цел да не се издвојува посебно ниту еден од 15 настани и 40 изведувачи ширум државата.

Најчитани

Твитови