Започнува 25-то СП во ракомет - еве го распоредот на преноси

Франција од денеска до 29.јануари ќе биде домаќин на Светското ракометно првенство. Французите ја браната светската круна, на шампионатот на кој фаворити уште се и олимпискиот шампион Данска, односно европскиот првак Германија.

Во Франција, со натпреварот помеѓу домаќинот и репрезентацијата на Бразил, во среда ќе започне 25-то Светско првенство, на кој меѓу 24-те репрезентации учеснички се наоѓа и Македонија.

Македонија во Франција деветти пат во историјата ќе учествува на Мундијалите, а најдобриот пласман го оставри пред две години во Катар кога заврши како деветтопласирана.

Боите на Македонија на Мундијалот во Франција ќе ги бранат: Никола Митревски, Кирил Колев, Благојче Трајковски, Никола Маркоски, Дејан Манасков, Гоце Ојлески, Гоце Георгиевски, Мартин Поповски, Стојанче Стоилов, Жарко Пешевски, Велко Маркоски, Филип Талески, Марко Нелоски, Кирил Лазаров, Филип Лазаров, Филип Миркуловски, Стефан Дрогришки, Ристо Арнаудовски и Влатко Митков.

Македонија натпреварите на Мундијалот ќе ги игра во Б групата, во Мец. Првиот меч со Тунис Македонија ќе го одигра 12.јануари од 17:45 часот, потоа на 14.јануари од 20:45 часот е мечот со Ангола, два дена подоцна од 17:45 часот е пресметката со Словенија, а на 18 и 19.јануари од 20:45, односно 17:45 часот противници на македонските ракометари ќе им бдат Шпанија и Исланд.

Најдобрите четирите репрезентации од секоја група ќе продолжат во групи пласман во осминафиналето, каде ќе вкрстуваат репрезентациите од А и Б, односно од Ц и Д групите.

СП Франција 2017:

Група А: Франција, Полска, Русија, Норвешка, Бразил и Јапонија
Група Б: Шпанија, Словенија, Македонија, Исланд, Тунис и Ангола
Група Ц: Германија, Хрватска, Белорусија, Унгарија, Чиле и Саудиска Арабија
Група Д: Катар, Данска, Шведска, Египет, Бахреин и Аргентина.

Преносот на телевиските екрани ќе го реализира Македонската радио телевизија согласно следниот распоред:

РАСПОРЕД НА ПРЕНОСИ ОД РАКОМЕТНИОТ МУНДИЈАЛ

среда, 11.01.2017
20.45 ФРАНЦИЈА-БРАЗИЛ

четврток, 12.01.2017
17.45 МАКЕДОНИЈА-ТУНИС
20.45 ШПАНИЈА-ИСЛАНД

петок, 13.01.2017
17.45 ГЕРМАНИЈА-УНГАРИЈА

сабота, 14.01.2017
17.45 ШПАНИЈА-ТУНИС
20.45 МАКЕДОНИЈА-АНГОЛА

недела, 15.01.2017
17.45 ФРАНЦИЈА-НОРВЕШКА

понеделник, 16.01.2017
17.45 МАКЕДОНИЈА-СЛОВЕНИЈА
20.45 ШПАНИЈА - АНГОЛА

вторник, 17.01.2017
20.45 ФРАНЦИЈА-РУСИЈА

среда, 18.01.2017
20.45 МАКЕДОНИЈА-ШПАНИЈА

четврток, 19.01.2017
17.45 МАКЕДОНИЈА-ИСЛАНД
20.45 ШПАНИЈА-СЛОВЕНИЈА

петок, 20.01.2017
17.45 ХРВАТСКА-ГЕРМАНИЈА
20.45 ДАНСКА-КАТАР

сабота, 21.01.2017
14.00 или 16.00 17-24.МЕСТО (ако игра МАКЕДОНИЈА)
18.00 1/8-ФИНАЛЕ
20.45 1/8-ФИНАЛЕ (ако игра МАКЕДОНИЈА)

недела, 22.01.2017
14.00 или 16.00 17-24.МЕСТО (ако игра МАКЕДОНИЈА)
18.00 1/8-ФИНАЛЕ
20.45 1/8-ФИНАЛЕ

понеделник, 23.01.2017
13.00 или 15.00 или 18.00 или 20.00 (ако игра МАКЕДОНИЈА)

вторник, 24.01.2017
17.00 или 19.00 1/4-ФИНАЛЕ
20.45 1/4-ФИНАЛЕ

четврток, 26.01.2017
20.45 1/2-ФИНАЛЕ

петок, 27.01.2017
20.45 1/2-ФИНАЛЕ

сабота, 28.01.2017
20.45 за 3.МЕСТО

недела, 29.01.2017
17.30 ФИНАЛЕ

Со големите таленти од Нота бенд до вистинска забава, среќа и насмеани лица! (ВИДЕО)

Група млади музичари и неоспорни таленти се доказ дека во музиката не е важен квантитетот како што е квалитетот.  Неодамна  се појавија и покажаа како треба да помине една веселба.

Овие млади момци, членови на музичката група Нота бенд од Кичево многу брзо се пробиваат низ музичките води и успешно им прикажуваат  на граѓаните од Кичево и останатите градови низ Република Македонија како треба да изгледа нивната прослава, исполнета со забава, љубов, харизма,  пред се среќни и насмеани лица што укажува на задоволство и желба за повторно дружење.

Групата брои 5 членови, од кои секој плени со својот талент и го прави тоа што најдобро го знае, гласовниот вокал го води Христијан Тришоски, клавијатурата најдобро ја владеат Калески Илија и Кузманоски Бојан, ударните инструменти ги води Богданоски Дејан и најмладиот член од оваа група Божиноски Даниел најдобро го прикажува својот талент со свирење на дувачки интрументи.  

Со својот богат репертоар, талент и владеење со разни музички жанрови, овие момци чекорат по вистинскиот пат и несомнено секој од нас ќе биде сведок за нивната успешна кариера во иднина.

Тага без крај! Приказната на Дејан го расплака Балканот, а неговиот татко: Синот ме посрамоти, го избркав од дома!

Откако тешката животна приказна на Дејан Кетиќ ги расплака сите во шоуто “Јас имам талент“, се огласи и неговиот татко Илија кој тврди дека за се е виновна мајката на Дејан, исто така дека тој го исфрлил својот син од кужата затоа што се напил.

- Не го оставив во дом, него неговата мајка. Кога избега од мене во Панчево, јас отидов да ја вратам назад заедно со бебето. Меѓутоа, додека стоев на станицата и купував автобуска карта, мајка му го однесе Дејан во полиција. Заедно со полицијата отиде во домот и им го предадоа Дејан - раскажал Илија за српски “Ало“.

-Остана во домот неколку години, потоа ја најдов и отидовме заедно да го извадивме. Тогаш се согласи заедно да го чуваме. Таа никако не сакаше дете, еднаш же го отруеше со расипано млеко и Дејан заврши на Институтот за мајки и деца. Повторно од болница го однесе во дом. Ми рече дека не може да го издржува и побегна во Италија. Дејан не сакаа да ми го дадат од домот затоа што не можеа да утврдат дека сум негов татко - кажува Илија и тврди дека повторно отишол кај Дејан за неговиот 16 роденден.

“Му кажав дека сум негов татко, но не сакаше да живее со мене“, кажал Илија.

-Живеам во кужа со сопруга и 3 деца, Дејан еднаш дојде дома пијан, со шише во рака. Тогаш му реков “или ќе престанеш да пиеш или ќе заминеш од куќава“. Тогаш замина и никогаш не се врати. Тогаш избега. Беше лето и можеше да спие каде сака. Моментално не сум економски моќен да му давам пари, моќам да му дадам соба за спиење и храна - објаснил Илија.

-Му кажав дека е храбар што се појавил на натпреварувањето, секоја чест. Ме посрамоти само што ја пееше таа автобиографска песна, а што не пееше некоја љубовна. Не требаше да ми ја посвети мене, јас се борев за него - заклучил Илија.

Популарно

Твитови