Exclusive.mk интервју со Дефне (Elçin Sangu): Во секоја смисла сум вљубена во Омер!

Многу пати се вели дека тоа што се случува на професионално поле не мора да е огледало на приватноста, но кога станува збор за турската актерка што ја игра Дефне во „Вљубениот ерген“ тоа не е така. Многу го  сака и почитува својот колега, главниот лик Омер. Животот и е динамичен и сака многу авантури, баш како во серијата. За ова и многу повеќе од интервјуто.

Македонската публика ве запозна преку улогата на Дефне, но колку таа девојка е блиска до Вас?

Дефне (Elçin Sangu): Уфф... Многу често ми е поставувано ова прашање. Знаете како, обично актерите сакаат да играат нешто што е спротивно на нивната природа, да влегуваат во друга кожа и карактер, па такаа и јас. Секако дека приватно не сум истата, но имам многу допирни точки со Дефне. Искрено сум динамична и сакам авантури. И да не заборавам хахаха сакам убави и умни мажи.

Покрај со актерство, со што се занимавате приватно и како влеговте во овие води, на глумата?

Дефне (Elçin Sangu): Покрај тоа што сум активна во снимањето на телевизиски серии јас сум и модел и по диплома оперска пејачка. Мислам дека овие неколку работи и тоа како се надополнуваат, зарем не? Што се однесува до тоа како влегов во сериите, се се случи спонтано. Особено во „Вљубениот ерген“ си имаше кастинг, се пријавив, сплет на околности и тоа е тоа.

Вашиот талент и тоа како добро го покажувате во серијата преку ликот на Дефне. Колку добро се живее од оваа професија и што е со наградите?

Дефне (Elçin Sangu): Може и ќе звучи нескромно, но за оваа серија, благодарение на Дефне имам добиено над 30 награди. Колку и да звучи чудно тоа е така и сум горда на успесите. Секако дека добро се живее, грев е да лажам. Но пак ќе речам, кога целосно ќе се предадеме на тоа што го сакаме резултатите и успесите се неминовни, а секако и добрата заработувачка.

Во серијата многу се сакате со Омер, но што е на приватно поле?

Дефне (Elçin Sangu): Хахаха секаде си се сакаме ние. Да во серијата тоа го наложува сценариото и самата приказна на тие кои ја осмислија серијата. Приватно се дружиме со Омер и другите колеги, секако кога имаме време. Слободно време се помалку имам, но за моите блиски луѓе сепак доволно.

Превземање на содржините од порталот Exclusive.mk во целост или делови, не е дозволено освен со писмена дозвола од Еxclusive.mk во спротивно секое неовластено копирање ќе се фактурира согласно ценовникот на нашата редакција.

Oбвинетите признаа вина за НАЈГОЛЕМИОТ ГРАБЕЖ НА БАНКА во историјата на Македонија

На вчерашното рочиште во Основниот суд Скопје 1 Скопје во врска со грабежот во Тутунска банка, четворицата обвинети опфатени со Обвинителен акт признаа вина за кривичните дела што им се ставаа на товар.

Како што соопшти Основното јавно обвинтелство ,  тие се изјасниле  за виновни дека со умисла и во повеќе временски поврзани дејствија, искористувајќи ја својата работна позиција и познавање на процесите на работата во банката, противправно присвоиле парични средства во значителен износ од 400.000 швајцарски франци и 375.000 евра. На 10.04 2017 извршиле кражба и на 2.000.000 швајцарски франци и 270.000 евра. Иако ги признале во целост наводите од Обвинителниот акт, обвинетите не откриле што сториле со украдените парични средства.

Согласно Обвинителниот акт, првообвинетиот се гонеше за сторени кривични дела – Затајување од член 239 став 5 во врска со став 3 и 1 и во врска со член 45, што значи дека делото е сторено повеќе пати во низа како повеќекратно остварување на истото дело, како и за сторено кривично дело – Тешка кражба од член 236 став 3 од Кривичниот законик. Второто лице се товареше за истите кривични дела – Затајување и Тешка кражба, но во врска со член 24 од Кривичниот законик, односно за помагање. Третиот обвинет со Обвинителниот акт се товари за кривичното дело – Тешка кражба со помагање, додека пак четвртото лице е обвинето за кривичното дело – Затајување во врска со член 22 од Кривичниот законик, односно за соизвршителство.

Откако обвинетите ја признаа вината, судијата закажа рочиште на 27.10.2017 година, на кое ќе бидат изнесени завршните зборови во предметот против нив. За кривичното дело – Тешка кражба од член 236 став 3, што се однесува на предмети во вредност од големи размери, пропишана е затворска казна од 3 месеци до 10 години. За кривичното дело од член 239 став 5 – Затајување, законикот пропишува затворска казна од една до 10 години.

Надлежниот обвинител кој постапува во предметот до судот достави и Обвинителен предлог против други четири лица, на кои како одговорни лица во банката врз основа на општ акт, со посебно овластување им биле доверени определен круг на работи, несовесно постапиле во вршењето на своите овластувања и должности и со тоа го овозможиле противправното присвојување на паричните средства во горенаведениот износ. Две лица се товарат дека сториле кривично дело – Несовесно работење во службата од член 353 став 5 во врска со член 45 од Кривичниот законик, што предвидува вршење кривично дело од продолжен вид, додека другите двајца се товарат за истото кривично дело – Несовесно работење во службата, но за негово еднократно сторување.

Постапката против овие четири лица продолжува одвоено.

Разголена и без грам шминка – селфито на Сека е хит на интернет

Пејачката Светлана Сека Алексиќ ги заинтригира своите фанови со фотографија која ја споделила на Инстаграм, а на која открива сѐ, а ништо не покажува.

Сека се фотографирала во својот дом прекриена само со капут со крзно и без шминка. Сепак, нејзиното беспрекорно лице не успеало да го намали воодушевувањето од деколтето кое Сека го покажала.

Нејзината фотографија за само неколку минути доби илјадници лајкови.

Се појави најлудиот кондом на светот за најмоќниот политичар (ФОТО)

Владимир Путин, претседателот на Руската Федерација, за роденден доби еден куп роденденски подароци. Од песни па преку разни животни, кучиња, мали тигри, кози и коњи, филмски реквизити…

Сега на ред дојде и кондом со неговите лик и име.

Новиот презерватив со име „Put in“, што во превод значи „стави го“, за првпат е виден на саемот за еротика во Њујорк.

Фотографијата на кондомот со интересната амбалажа ја постираше на социјалните мрежи една Русинка, а останува да погодуваме дали таа овој сувенир го понела со себе и го искористила.

Во секој случај, сите се воодушевени од овој предмет кој може да послужи како идеален подарок за љубителите на ликот и делото на Владимир Путин.

Најчитани

Твитови