Изложба посветена на ликовното творештво на Димитар Кондовски

На 3 април (понеделник) 2017 година, во 19 часот во Македонскиот народен театар, со нова времена изложба посветена на ликовното творештво на Димитар Кондовски, во продукција на Музејот на МНТ, ќе бидат одбележани 72 години од изведбата на првата претстава „Платон Кречет“. Добар повод за апострофирање на уште еден ден за паметење во историјата на МНТ, но истовремено и во културната историја на Македонија, е 90 годишнината од раѓањето на несомнено најголемиот и најпродуктивен портретист, сценограф, костимограф, илустратор, уметник и ликовен педагог - Димитар Кондовски.Една од темите кои го преокупираат, а која е од особено значење за театрското културно паметење е речиси хронолошкото портретирање на театарските уметници, со кои катадневно соработува: тие се неговите пријатели, вткаени уште од најраните години во неговиот творечки простор.Така е создаден еден исклучително богат опус на „разговори-шепотења“ на уметникот со уметниците - скици и портрети на актери од сите генерации, со што Кондовски си го обезбедил местото на најголем хроничар на македонската театрска заедница. Токму затоа, авторките на изложбата Јасминка Намичева и Екатерина Намичева, преку годинешнава изложба ќе се обидат да откријат дел од „затскриениот свет “на Кондовски, изложувајки за прв пат пред публиката огромен број – портрети во најразлични сликарски техники, цртежи, сценографски скици, костимски анализи и безброј навидум безначајни прибелешки, од кои се родиле големите портрети на „македонската Мона Лиза“- примадоната Ана Липша-Тофовиќ; авангардниот портрет на актерот Кирил Ќортошев; пенливиот лебед на примабалерината Натка Пенушлиска; алхемичарски магичниот портрет на учителот Никола Мартиновски; на различен ликовен јазик но еднакво вонвременски-портретите на доајенот Трајко Чоревски - цела галерија на ликови кои дишат сеуште пред нас со безвременскиот здив кој со својата сликарска магија, Димитар Кондовски им го вдахна и ги воздигна во вечноста.

Без огромната заложба на г-ѓата Хилдегард Кондовска, која сесрдно излезе во пресрет при селекцијата на делата, оваа изложба ќе беше невозможна. Автор на фотографиите е Филип Кондовски, а стручен соработник е најголемиот познавач на делото на Кондовски - г-динот Емил Алексиев. Во рамките на виртуелниот концепт кој го развива веке неколку години Музејот на МНТ, и за оваа изложба ќе биде изготвена 360о витруелна тура, која ќе биде достапна на веб страната на МНТ.

Денеска ги славиме Партеније, ЛукаМастридија и илјада и тројцата маченици

Свети Партеније, епископ лампсакијски

Син на некој ѓакон од градот Мелитопол. Уште како дете добро ги помнеше зборовите на Евангелието и се трудеше да ги исполни. Се насели покрај едно езеро каде што ловеше риба, ја продаваше и им делеше на сиромасите. По Божја Промисла го избраа за епископ Лампсакиски. Го очисти градот од незнабоштвото, ги затвори идолопоклоничките храмови, изгради многу цркви и го утврди благочестието. Со молитва лечеше секаква болест, а особено имаше власт над злите духови. Еднаш кога сакаше да изгони зол дух од некој луд човек, злиот дух го молеше да не го изгонува. „Ќе ти дадам друг човек; во него влези и живеј“, му рече Партениј. „Кој е тој човек?“, праша демонот. „Јас сум“, одговори светителот. „Влези и живеј во мене!“ Кога го слушна тоа демонот побегна како од оган викајќи: „Кај можам да влезам во Божјиот дом?!“ Свети Партениј поживеа долго и својата обилна љубов кон Господ и кон луѓето ја покажа на дело. Во вечниот покој на Христос се пресели во 6 век.

Преподобен Лука Еладски

Родум од Касторија. Уште како дете никогаш не сакаше да вкуси месо и сиот живот го минуваше во чистота и молитва. Еднаш појде на нива со семе жито за да сее. Но патем поголемиот дел им го раздаде на сиромасите, а помалиот што му преостана го посеа. Даде Бог и од тоа малку семе се собра поголем род одошто порано кога го сееше целото количество. Потоа Лука побегна од својата мајка вдовица во манастир. Нажалена мајка му Го молеше Бога да ѝ ја објави тајната каде ѝ се наоѓа синот. И Бог ја услиши нејзината молитва. Игуменот на оној манастир три ноќи едно по друго ја сонуваше една жена како остро го напаѓа што ѝ го зеде синот единец. Тогаш игуменот му нареди на Лука веднаш да оди кај мајка му. Лука отиде, се виде со мајка му, но пак си замина, овој пат бесповратно. Живееше во покајание на т.н. Јованова Гора. Ноќе Му се молеше на Бога, а дење работеше во градината и на нивата не заради себеси, туку за сиромасите и посетителите. Се хранеше само со леб од јачмен. Бог му даде дар на чудотоворство. Се упокои мирно во Господ во 946 година. Од неговите мошти одвреме навреме течеше миро.

Преподобна Мастридија

Живееше во Ерусалим во строг подвиг. Еден млад човек се загледа во неа и почна да ѝ здодева. За да се спаси и себеси и тоа момче од грев, Мастридија зеде едно лонче со малку наквасен грав и се оддалечи во пустина. Во пустината помина седумнаесет години и за сето тоа време, со Божјата благодат, не ѝ снема грав ниту ѝ оветве фустанот. Се упокои мирно околу 580 година.

Илјада и тројца маченици во Никомидија

Пострадаа во времето на Диоклецијан.

 

Секојдневни корисни совети (Видео)

Како да го спречите појавувањето на флеки по облеката од потење, или сте ја накапале омилената бела блуза со црвено вино?

Погледнете ги овие неколку корисни совети со кои ќе ви се олесни животот:

Најчитани

Твитови