Дневен хороскоп (06.19.2017) Понеделник

ОВЕН

Ако денес се изненадите кога ќе видите колони од прекрасни мали креатури низ сокаците и улиците, ќе ви текне, се надевам, дека денес е први април, ден на шегата, од неодамна и ден на маските, а за некоја година верувам дека и на Рио ќе му бидеме конкуренција. Значи очекувајте некој денес да се обиде да ве излаже, а како мене ми стојат работите можеби и ќе успее посебно на финансиски план. Тоа сепак нема да биде првоаприлски обид, па не е згора да внимавате.

БИК

Денес ќе морате да внимавате на обиди да бидете излажани на некаков патетичен начин, но ако притоа забележите некакви инсинуации на тема на вашиот интимен живот или љубовнички статус, треба да си ставите прст на чело дали има основа за ваквите инсинуации. Ако нема, ви е гајле, можете и да ја прифатите играта, но ако има ќе треба да размислите за можните опасни последици од вашиот таен љубовен живот. Веќе премногу луѓе знаат за вашите активности, па иако некој последен дознава, сепак ќе дознае.

БЛИЗНАЦИ

. Се подразбира дека сите смислени лаги за вашата околина ќе пројдат мазно, бидејќи, како да речам, вие сте еден од мајсторите на лагата во зодијачкиот циркус, а и за мимикрија ве бива. Можете да бидете кој лик сакате. И без костим или шминка.

РАК

Денес вашата владетелка Месечината нема никакви аспекти со другите планети и небески тела на небото, и според старите астролошки ќитапи, на таков ден се добива уште една година од животот плус како бакшиш. Мислам денов можете да го направите посебен, и поради своите деца, и не мора да “пропадне” во дневната рутина, работа, дома. Еднаш во годината е први април, и секој е неповторлив. Забавувајте со своите најмали бидејќи и тие еден ден ќе речат дека им е доста глупирање на овој ден. А тоа ќе биде знак дека тие пораснале, а вие сте остареле.

ЛАВ

Познавајќи ве, мислам дека нема да имате никаков проблем да се прошетате со своите најмили онака горди поради нивниот костим и шминка, а секако и вашата креативност. Ќе стокмите еден куп на фотографии и снимки на камерата обележувајќи го настанот, а тоа е можеби е најзначајното што ќе го направите денов, бидејќи после низа години истово ќе ви изгледа како најголемо богатство. Нема вас да ве лажат денов, барем не онака запалено, настојчиво, бидејќи и така ви се укажува почитување.

ДЕВИЦА

Се надевам дека никаде не брзате и не туфкате секому дека брзате и имате работа и немате време за глупирање со вашите најмили, кои гордо ги шетаат костимите низ градските џадиња. Знам дека имате состаноци, обврски, знам дека вашиот претпоставен има деца на факултет, и дека нема поим што значи први април освен дека е дата во календарот. Сето тоа ми е познато, та и јас го живеам истиов живот, но можете ли барем на момент да бидете задоволни, ако не и среќни, поради среќата на вашите џуџиња.

ВАГА

Не се сомневам дека вие сте ги смилиле, ако не и направиле костимите за денешниот карневал и маскенбал, иако онака стегнати, наконтени и целите во крцкање не баш да се вклопувате во целата карневалска атмосфера, а не трпите хаос, макар и да е креативен. Денес е сепак убав ден за рекреативност на духовен план и можеб ќе треба малку повеќе да ја доживеете атмосферата на денешните случувања, за да го разберете сопствениот живот. Може да биде ем поучно, ем весело.

СКОРПИЈА

Бадијала фрчите и се премислувате како да фатите џада, бидејќи искрено речено ситуацијата со први април ве нервира, и сите тие преправања, маскирања, глупирања. Иако најдовте костими за најмалите доколку ги имате, другото е се губење на време. Ова е поради навистина големите обврски ама и поради мала непријатност и заборавање кога последен пат сте се опуштиле. Можеби е ова тој ден за опуштање. Обидете се, може да ви биде забавно.

СТРЕЛЕЦ

Мислам дека вашите деца ве обожаваат, бидејќи во првиот април сте целите влезени, исто како вашите најмали, со иста жар и сериозност, како од денешнава парада да зависи и судбината на светот. Ако така навистина се чувствувате, тогаш знајте дека од овој ден и вашето расположение што го ширите и пренесувате на другите и зависи иднината на светот, само што вашата околина тоа не го знае. Сите костими и маски се убави и нема место за победени и победници. Се согласувам. Не мора од сенешто да правиме политика.

ЈАРЕЦ

Еден доста патетичен ден е пред вас. Можеби и некој ќе се обиде апла да ве излаже и ќе наседнете, бидејќи одамна бевте мали и го мразевте денот кога сите се преправаа во нешто што не се, и се лажеа меѓусебно. Вие сте реални и практични и мразите какви било преправања. Сепак тоа не е причина да не им овозможите на своите најмали да се развеселат, со костимите и маските кои самите сте ги направиле. Во принцип за вакви работи не давате пари. Да, освен ако не запне другата половина.

ВОДОЛИЈА

Секогаш сте подготвени за џангрлак, па и со деца ако треба. Се плашам дека и вас едвај ве држи срцето да не се џитнете во некој костим на некој Марсовец или друг вонземјанин. Муабетот ми беше дека би било многу убаво барем денес да ги заборавиме постојните и дневните грижи и да не офкаме и стенкаме кај им текна баш денес да е маскембал, карневал и се друго на купче. Се надевам паметите колку бевте весели за овој ден на училиште кога можеби и немаше маски купени од странство, ама имаше доста шеги.

РИБИ

И вие сте подготвени со своите деца гордо да прошетате низ улиците и маалата и да ги покажете своите наследници костимирани и маскирани според вашите замисли. Нормално говорам за женскиот дел од знаков, кој сериозно си ја разбрал среќата и радоста на децата. Машкиот дел како помалку да се срами од целава ситуација. Нека не ве нервираат индиферентните минувачи и запенавените пензионери во политички муабети, кои око не фрлаат и насмевка не пуштаат на вашите горди и костимирани џуџиња. Нив штрковите ги донеле како големи и остарени.

извор:репотер

Oбвинетите признаа вина за НАЈГОЛЕМИОТ ГРАБЕЖ НА БАНКА во историјата на Македонија

На вчерашното рочиште во Основниот суд Скопје 1 Скопје во врска со грабежот во Тутунска банка, четворицата обвинети опфатени со Обвинителен акт признаа вина за кривичните дела што им се ставаа на товар.

Како што соопшти Основното јавно обвинтелство ,  тие се изјасниле  за виновни дека со умисла и во повеќе временски поврзани дејствија, искористувајќи ја својата работна позиција и познавање на процесите на работата во банката, противправно присвоиле парични средства во значителен износ од 400.000 швајцарски франци и 375.000 евра. На 10.04 2017 извршиле кражба и на 2.000.000 швајцарски франци и 270.000 евра. Иако ги признале во целост наводите од Обвинителниот акт, обвинетите не откриле што сториле со украдените парични средства.

Согласно Обвинителниот акт, првообвинетиот се гонеше за сторени кривични дела – Затајување од член 239 став 5 во врска со став 3 и 1 и во врска со член 45, што значи дека делото е сторено повеќе пати во низа како повеќекратно остварување на истото дело, како и за сторено кривично дело – Тешка кражба од член 236 став 3 од Кривичниот законик. Второто лице се товареше за истите кривични дела – Затајување и Тешка кражба, но во врска со член 24 од Кривичниот законик, односно за помагање. Третиот обвинет со Обвинителниот акт се товари за кривичното дело – Тешка кражба со помагање, додека пак четвртото лице е обвинето за кривичното дело – Затајување во врска со член 22 од Кривичниот законик, односно за соизвршителство.

Откако обвинетите ја признаа вината, судијата закажа рочиште на 27.10.2017 година, на кое ќе бидат изнесени завршните зборови во предметот против нив. За кривичното дело – Тешка кражба од член 236 став 3, што се однесува на предмети во вредност од големи размери, пропишана е затворска казна од 3 месеци до 10 години. За кривичното дело од член 239 став 5 – Затајување, законикот пропишува затворска казна од една до 10 години.

Надлежниот обвинител кој постапува во предметот до судот достави и Обвинителен предлог против други четири лица, на кои како одговорни лица во банката врз основа на општ акт, со посебно овластување им биле доверени определен круг на работи, несовесно постапиле во вршењето на своите овластувања и должности и со тоа го овозможиле противправното присвојување на паричните средства во горенаведениот износ. Две лица се товарат дека сториле кривично дело – Несовесно работење во службата од член 353 став 5 во врска со член 45 од Кривичниот законик, што предвидува вршење кривично дело од продолжен вид, додека другите двајца се товарат за истото кривично дело – Несовесно работење во службата, но за негово еднократно сторување.

Постапката против овие четири лица продолжува одвоено.

Разголена и без грам шминка – селфито на Сека е хит на интернет

Пејачката Светлана Сека Алексиќ ги заинтригира своите фанови со фотографија која ја споделила на Инстаграм, а на која открива сѐ, а ништо не покажува.

Сека се фотографирала во својот дом прекриена само со капут со крзно и без шминка. Сепак, нејзиното беспрекорно лице не успеало да го намали воодушевувањето од деколтето кое Сека го покажала.

Нејзината фотографија за само неколку минути доби илјадници лајкови.

Се појави најлудиот кондом на светот за најмоќниот политичар (ФОТО)

Владимир Путин, претседателот на Руската Федерација, за роденден доби еден куп роденденски подароци. Од песни па преку разни животни, кучиња, мали тигри, кози и коњи, филмски реквизити…

Сега на ред дојде и кондом со неговите лик и име.

Новиот презерватив со име „Put in“, што во превод значи „стави го“, за првпат е виден на саемот за еротика во Њујорк.

Фотографијата на кондомот со интересната амбалажа ја постираше на социјалните мрежи една Русинка, а останува да погодуваме дали таа овој сувенир го понела со себе и го искористила.

Во секој случај, сите се воодушевени од овој предмет кој може да послужи како идеален подарок за љубителите на ликот и делото на Владимир Путин.

Најчитани

Твитови