Мистиката на Змејот од Големо Езеро – Еве како настанало ледничкото езеро на Пелистер

За мистиката на Големо Езеро може да се увери секој намерник независно во кој период од годината ќе го посети овој предел. И пред два века мистичноста на Големо Езеро е опишана во преданието за Змејот од планината Пелистер, пренесено од народниот гениј во приказот на големиот Марко Цепенко. Змејот бил родум од Ниже Поле кој откако наполнил 40 дена летнал во дворецот чии двери се наоѓале под водите на Големо Езеро. Откако пораснал таму тој живеел со својата невеста од  Оптичари кој ја грабнал од веселба од сретсело.

Првата средба со ова езеро на надморска височина од 2.218 метри побудува восхит и вчудовидувачка мистика која не ве остава рамнодушен. Првиот впечаток остава трајно сеќавање за чудната енергија која извира од езерските длабочини.

А, Големо Езеро со своите 14,5 метри длабочина, со должина од 226 и широчина 175 метри, изгледа импозантно кога се посматра од сртот над езерото.. Нивото на водата варира од година во година, во зависност, пред се од врнежите  од снег во текот на зимата, од дождот и од температурата на воздухот. Затоа пак, штедроста на рекичката која истекува од под езерото, во текот на летото е постојана. Оттаму и називот на овој поток – Лаг Поток (Лагов Поток што би значело, поток кој не пресушува во текот на летото). Идентичен назив на Лаг Поток имаат и селата Лагово, Лагочереј, Лагадин, Лагаец, Лажец и Лажани и други места).

Големо Езеро е едно од постојаните езера на Пелистер и заедно со Мало Езеро, од народот се наречени Пелистерски Очи. И не без причина. Гледани од високо тие наликуваат на очи, не само по бистрината на водата туку и по формата и обликот на самите езера, иако се оддалечени на околу 45 минути пешачење.

Мистичната привлечност на Големо Езеро била една од причините крај езерото да биде изграден и планинарски дом уште во далечната 1951/52 година. Тој дом беше врталиште на многу битолски планинари. Дрвениот ентериер на овој објект имаше посебна убавина во кој беше вложена голема мајсторија и пред се многу љубов од изработувачите. Во овој објект во пресрет на Летните олимписки игри во Мексико Сити во 1968 година престојуваа членовите на југословенската репрезентација во борење – слободен стил, пред се заради таканаречените висински подготовки, бидејќи Мексико Сити се наоѓа на идентична надморска височина. За жал, пожарот кој се случи во овој дом во 1975 година беше и крај за овој репрезентативен планинарски објект. Со ангажирање на битолските планинари со помош на битолски фирми и градежници во непосредна близина на стариот дом во 1978/79 година беше изграден сегашниот планинарски дом со истото име Големо Езеро со капацитет од 50-тина легла.

Стотина метри подолу се наоѓа чешма изградена во 1950 година од страна на вработените во Националниот парк “Пелистер“ чиј прв директор беше доајенот на битолското и македонското планинарство Борис Алтипармак.

За да се стигне до Големо Езеро од Битола треба да се мине низ селото Ниже Поле и населбата “Стрежево“ лоцирана на околу 1.300 м.н.в. Патот води преку Дебел Рид кој се минува за околу 2,5 часа со средно темпо. Патем има три чешми со студена планинска вода која е добредојдена во услови на летни горештини. Патот по Дебел Рид е кривулест и со каменита подлога. На средината од рутата се наоѓа месноста Саракачански Колиби каде во минатото се наоѓало номадско село со бачило овци. Оттогаш останале остатоци од камени колиби за потребите на сточарите-номади. По преминувањето на Лаг Поток се доаѓа до една блага висорамнина од околу 1,5 до 2 километри по што се доаѓа до Големо Езеро.

Втора насока кон Големо Езеро е таа што минува по долината на реката Сапунџица, една од трите притоки што ја создаваат реката Драгор, заедно со Лаг Поток и Црвена Река. За разлика од патеката по Дебел Рид оваа насока е подолга и полесна за пешачење. До оваа патека се стигнува преку целта на ски-лифтот “Чука“, а земјениот пат води по долината на Сапунџица до месноста Дурмишова Чешма. Оттаму, на околу три часа пешачење, се стигнува до Орлови Бари, две сезонски езера кои кон крајот на летото пресушуваат. Во продолжение на стариот француски пат изграден во текот на Првата светска војна, по околу еден час пешачење, се стигнува  до посакуваната цел, а тоа е Големо Езеро.

До Големо Езеро се стигнува и од страната на Преспанско Езеро, поточно од селото Брајчино, а времетраењето на искачувањето изнесува околу 4 часа. Од страната на респа се доаѓа и од Претор и Сливница преку Два Гроба, а исто така пристап има и по Кранска Река од селата Крани и Арвати.

Освен по патеки за пешачење, до Големо Езеро се стигнува по земјен автомобилски пат со помош на теренско возило, со крос мотоцикл и со велосипед. Должината пак на оваа дестинација од Битола, преки Палиснопје, Широка до Големо Езеро изнесува околу 40 километри.

Инаку, посетеноста на Големо Езеро е најчеста во летниот период посебно во месеците јуни, јули, август и септември кога покрај планинари од Битола чести гости се и планинари од Македонија и од странство. Во летниот период добродојдено и е разладувањето во инаку студените води на Големо Езеро. Најхрабрите пак прават скокови од карпите кои се надвиснуваат над водата.

Мистичноста на пределот околу Големо Езеро е присутна особено во услови на обилен снег во текот на зимските месеци. Тогаш најдобар пристап до Големо Езеро се има со скии и со соодветна зимска опрема. Тоа можат да си го дозволат мал број искусни планинари бидејќи да се другарува со мистиката на Големо Езеро е привилегија само за одбрани поединци за кои храброста и одважноста се привилегија.

Многумина кои доаѓаат крај Големо Езеро, честопати се загледуваат до длабочините на езерото, каде очекуваат да здогледаат нешто необично. Можеби затоа што Големо Езеро е домот на Змејот кој таму живее со својата невеста,за кој пишуваше уште дедо Марко Цепенко.

извор: bitolanews.mk

Брачните терапевти тврдат: Разводот не е неуспех, туку доказ дека бракот бил успешен!

Бракот и понатаму може да се смета за успешен дури и ако заврши со развод, велат психотерапевтите. Брачните советници тврдат дека бракот е дизајниран со цел луѓето да можат да "растат" - и понекогаш ја "прераснуваат" таа врска.

Важно е да се прифатат промените во бракот, а не да се стравува од нив.

Хал Рункел, брачен терапевт од Атланта вели дека "бракот има една цел", а тоа е луѓето да постигнат личен раст во него. Во својата пракса тој вели дека никогаш не ги предомислувал партнерите ако тие одлучиле да се разведат, а според него, разводот не претставува неуспех.

"Бракот е совршено дизајниран за да ни помогне да пораснеме. Тој создава предизвици, ја открива нашата себичност и незрелост. А тоа е добра работа. Тој постојано бара од вас психички да растете и да се развивате, а тоа понекогаш значи и разделба од вашиот партнер", вели Рункел.

Њујоршкиот психолог Лаура Маркам се сложува со Рункел и додава:

"Да бидете способни да ги прифатите околностите и искуствата во животот како прилика за развој, а не како нешто што ќе ве направи среќни или несреќни е клучот за задоволство во врската".

Причини зошто Ви доцни менструалниот циклус а не е во прашање бременост!

Доколку менструалниот циклус Ви доцни не мора да значи дека станува збор за хормони, бременост или прерана менопауза. Обрнете внимание дали го запоставувате Вашето здравје, бидејќи тоа може да предизвика нарушен месечен циклус.

Некои од причините можат да бидат стресот, патувањата кои се шок за организмот и премалку сон. 

Стрес

Стресот може да се предизвика од трауматични настани како смрт или болест на блиска личност, раскинување, преселување или губење на работно место. Сите ситуации кои нагло се случуваат во Вашиот живот значително го зголемуваат нивото на стрес.

Имено, стресот влијае на делот на мозокот под името хипоталамус кој ги регулира хормоните во телото, помеѓу сè и менструалниот циклус, кој може да биде нередовен, а крварењата да се обилни или многу слаби.

Патување

Патувањата посебно оние подолгите можат да бидат голем шок за телото. Несоницата, нервозата и уморот се само некои од симптомите за нередовна менструација поради различните временски зони.

Таквите промени влијаат на циклусот, кој може да стане пократок или подолг. Но, не грижете се, менструацијата би требало да се нормализира после два до три циклуси.

Малку сон

Одмор не е седење пред ТВ, туку мора да се наспиете. Малку сон може да предизвика бројни негативни промени во организмот како пад на имунитетот, нервоза, умор и омалаксаност, но и пореметување кај менструалниот циклус.

Докажано е дека на човекот му се потребни 7 до 9 часа сон и поради тоа е потребно да се променат дневните рутини и да му овозможите на телото доволно време да се одмори.

Ангелика Кенова вистинска жива Барбика: Изгледа како кукла и живее под „стаклено ѕвоно“! (ФОТО)

На сите ни е познато дека девојките од Русија се исклучително убави и дека имаат многу додворувачи, но приказната на Ангелика Кенова е нешто што не го гледаме секој ден.

Таа никогаш не излегува сама од дома, бидејќи постојано со неа има телохранители. Имено, медиумите веќе пишуваа за тоа дека Ангелика е многу убава, па родителите ја штитат од момчињата.

Ангелика изгледа како човечка Барбика, а изгледа дека тоа предизвикува големо внимание. Таа истакнува дека нејзините родители постојано ја гледале како вистинска принцеза и дека не ја пуштале да излегува сама.

Не излегувала со момчиња, како другите девојки, не води нормален живот, бидејќи изгледа како кукла.

"Додека бев девојче, родителите ме претвораа во Барбика и ми беше драго што луѓето така ме доживуваа, бидејќи таа е идол на девојките ширум светот", рекла таа.

Напоменува дека немала пластични операции и дека сѐ што е на неа е природно. Меѓутоа, многумина не веруваат во нејзината приказна.

Додава и дека родителите ја тераат редовно да вежба, па признала дека сака да го напушти својот живот кој сега е под "стаклено ѕвоно" и да почне да живее како сите други нормални девојки.

Најчитани

Твитови