Како да го подобрите сексуалниот живот?

Дали некогаш сте размислувале или сте утврдиле каков сексуален партнер сте…

Вие сте авантурист ако…

За вас сексот е возбуда од непознатото, големо истражување, изненадување и потрага по луди места за водење љубов. Вашето мото гласи: креветот и класичните техники се за стари луѓе без фантазија!

Никогаш не се двоумите да го направите првиот чекор, дури ни со нов партнер.

Ги испробавте сите техники и пози, вклучувајќи ги и оние полуакробатските.

Како да си го подобрите сексуалниот живот:

Доколку сте во врска со маж со кој ги делите ставовите и желбите, тогаш веројатно уживате во возбудлив секс. Меѓутоа, ако игрите во јавноста претставуваат единствен облик на ваша интимност, тогаш би требало да ги анализирате своите мотиви. Разновидноста е одлична – стимулира продукција на адреналин. Меѓутоа важен е и емотивниот, интимен секс, бидејќи додека се развива врската, нескротливоста не е секогаш возможна. Ако секогаш вие иницирате секс, дозволете му на партнерот да го направи првиот чекор и да го диктира ритамот на играта. Или ако сте навикнати гласно да го искажувате незадоволството за време на сексот, обидете се, за промена, да не пуштите ни глас! Ќе ви биде тешко, но секси.

Вие сте непоправлив романтик ако…

Спалната соба ви е полна со миризливи свеќи и масла, завеси од тантела и можеби со премногу детали!

Идејата да водите љубов на јавно место за вас претставува кошмар.

Избравте дестинација за меден месец пред да го запознаете партнерот со кој ќе одите.

Како да си го подобрите сексуалниот живот:

Постојат начини да уживате во сексот што не подразбираат инсталирање на посебно осветлување и планирање многубројни детали за создавање сексуално расположение. Обидете се барем еднаш да се ослободите од сите „помагала“ и да примените едноставен потег, како што е директен контакт со очите. Тоа гарантирано ќе ви создаде чувство на поголема блискост со партнерот. Кога сме веќе кај тоа, за мажите не постои поголема мотивација – сексот е пресуден за тој да ја искаже скриената „помека“ страна. По некоја свеќа или затемнето светло можат да бидат увертира во љубовната игра, но знајте дека само вие двајца, заради она што го правите, а не заради специфичното опкружување, сте најважните актери во љубовната игра.

Вие сте вистински срамежливко ако…

Премногу се срамите да ја споделите скриената сексуална фантазија – дури и со мажот што го сакате.

Сметате дека еротските сцени во филмовите се невкусни и претерани.

Се разболувате од загриженост и од размислување доколку тој не постигне оргазам.

Како да си го подобрите сексуалниот живот:

Никој не вели дека треба да изведувате стриптиз во спалната соба, ниту пак да врескате како порно-ѕвезда. Сепак препуштете му се на задоволството – со некој што го сакате и кому му верувате – бидејќи тоа е она вистинското. Веројатно се прашувате која е смислата да се однесувате спротивно на сопствениот карактер? Па вашиот партнер ќе стекне подобар увид во она што ви се допаѓа и што го сакате, а вие ќе го добиете токму она што ви одговара. Почнете со реченицата: „Ми годи кога ти (пополнете го празниот простор)“, а потоа исполните една од своите скриени фантазии. Оживувањето на фантазијата за време на секс ослободува од блокади и – релаксира. Сексот ќе биде подобар и за него, а вашите јасни идникации дека уживате ќе ви донесат поголема сигурност и на двајцата. Уживајте!

Беспрекорна кожа: Маска за лице од пиво која мора да ја пробате! (Рецепт)

Дали ви се верува дека ако во маската за лице учествува и пиво, тоа ќе даде неверојатно добри резултати за убавиот изглед на вашата кожа?

Потребни намирници:

Две лажици пиво,

Една лажица овесни јатки,

Една жолча од јајце,

Неколку капки масло од гроздови семки.

Начин на приготвување и употреба:

Исипете го пивото во овесните јатки и оставете половина час да набабрат. Во друг сад добро измешајте ги жолчката и маслото и додадете ги во овесните јатки.

Нанесете ја готовата маска на лицето, вратот и деколтето. Оставете да делува 30 минути и на крај измијте го лицето со млака вода.

Се препорачува маската да се прави 2-3 пати седмично во текот на еден месец.

19 годишната Сања од Скопје го воодушеви жирито на шоуто „Ѕвездите на Гранд!“ (ВИДЕО)

Кон средината на септември започна и новата сезона на регионалното музичко шоу „Ѕвездите на Гранд“ со нови правила, со нов член на жирито.

Во последната емисија на „Ѕвездите на Гранд“, настапуваше и 19 годишната Сања Тодоровиќ од Скопје.  По нејзината изведба, доби два гласa од Ана Бекута и Џорџе Давид. Но кога Снежана Ѓуришиќ ја претстави Сања и откри дека е од Макеоднија, жирито беше видно изненадено.

„Ти имаш огромен потенцијал“, истакна Јелена Карлеуша која беше воодушевена што Сања е Македонка, а толку добро отпеа на српски јазик.

Настапот на Сања погледнете го во видеото подолу на 57:07

Нова принова: Се породи сестрата на Кејт - Пипа Мидлтон!

Пипа Мидлтон и нејзиниот сопруг Џејм Метјуз станаа родители на момче, чие име се уште не е објавено.

Пипа се породи во истата болница каде што нејзината сестра Кејт ги роди трите деца. Момчето е тешко 3.628 грама, а извор близок тврди дека се чувстуваат добро. Портпаролот на принцот Вилијам и Кејт Мидлтон, изјави дека двајцата се возбудени поради Пипа и нејзиниот сопруг.

Пипа Мидлтон се омажи за менаџерот на хеџ фонд Џејмс Метјуз во 2017 година. Ова е уште една убава вест од Велика Британија, откако пред два дена стана јасно дека принцот Хари и неговата сопруга Меган исто така ќе станат родители следната година на пролет.

Најчитани

Твитови