Неуромедика се повлекува од спонзорство на РФМ!

Поради прекршување на обврските од договорот за спонзорство меѓу РФМ и ПЗУ " Неуромедика", управниот одбор на приватната клиника реши да го прекине спонзорирањето на Македонската ракометна репрезентација. 

Во одлуката која беше донесена на 31.01.2018 година, се наведува дека во изминатите години од страна на  "Неуромедика" професионално се вршени сите медицински услуги.

„На Европското ракометно првенство 2018. ПЗУ Неуромедика Скопје со свој високо квалитетен и стручен тим составен од лекар специјалист по ортопедија и физиотерапевт вложи максимални напори за успешно и високо квалитетно целокупно медицинско обезбедување на ракометарите. ПЗУ Неуромедика Скопје пружаше медицински услуги и на самите припреми, вршеше санација на повреди при тренинзите, даваше медицински терапии, контроли и ги исполни сите обврски од Договорот, додека од страна на ПФМ не беше исполнета ниту една одредба од договорот по основ на објавување на реклама на спонзорот, лого на спортска опрема, медиумски воопшто не беше ниту во еден сегмент спомната нашата установа.“, се наведува во известувањето од Неуромедика.

 

Ексклузив.мк
Кристина А.

 

Ситуации каде Кардашијан-Џенер си „краделе“ облека една од друга и копирале изглед!

Оние кои имаат сестра, знаат како е постојано да си менуваат, позајмуваат, а понекогаш и крадат облека, па дури истото некогаш се случува и помеѓу мајка и ќерка.

На оваа навика не се имуни ниту славните личности, кои можат да имаат што ќе посакаат, но сепак некогаш одлучуваат да го ископираат изгледот на мајката/ќерката/сестрата.

Можеби не сте забележале, но девојките од Кардашијан-Џенер семејството често го прават тоа и се појавуваат во ист аутфит, со мала промена во стајлингот.

Па така, мама Крис често знае да облече некое парче облека од богатиот гардеробер на ќерките, а и сестрите често си менувале облека и копирале меѓусебни стајлинзи низ годините.

Што се пребарувало најмногу на Google во 2018 година?

2018 година е пред крајот, но ќе остане во сеќавањата како многу интересна и турбулентна година за интернет заедницата.

Он-лајн просторот одамна е огледало на човештвото и настаните кои очигледно ја брануваат планетата. Ова ни овозможува кон крајот на секоја година да направиме аматерски психолошки профил на човечкиот род, според она што најмногу го пребарувал во годината која изминува.

Во топ 10 пребарувањата доминираат славните лица кои го изгубија својот живот во 2018 год.

Можеби и ќе претпоставите што најмногу се пребарувало на Google во текот на 2018 година, но еве ја и официјалната потврда:

 1. Светското првенство во фудбал

 2. Авичи

 3. Мек Милер

 4. Стен Ли

 5. Black Panther

 6. Меган Маркл

 7. Ентони Бордејн

 8. XXXTentacion

 9. Стивен Хокинг

10. Кејт Спејд

Зошто за време на славата се пали свеќа?

Свеќата е неопходен дел од ритуалите кои православните христијани ги спроведуваат за време на семејните слави.

Православните христијани кога имаат домашна слава, тие всушност го слават светецот заштитник на нивниот дом. Тогаш целото семејство се собира околу поставената маса, се споделуваат љубовта, слогата и мирот. По желба, се канат и гости.

Се верува дека славската свеќа е дар на семејството кон Бога. Таа претставува светлина на вербата и се пали при сечењето на славската погача. Според традиционалните верувања, молитвата и славската свеќа привлекуваат добра енергија и ја чистат душата од негативни елементи.

Многумина оставаат свеќата да гори во текот на целиот ден на славата, а остатокот од нејзе се пали за другите верски празници кои семејството ги слави. Може да се остави и под домашниот иконостас да догори.

Свеќите се неизоставна декорација за време на верските празници, а често се поврзуваат и со релаксирачки и медитативни својства, кои ги чувствуваат оние кои веруваат дека пламенот е светлина кон Бог и неговиот пат.

Најчитани

Твитови