Далечината е тест колку далеку може да патува љубовта!

Сите ние по не знам кој пат се запрашуваме кој е одговорен за километрите кои не делат? Се чини, вечниот непријател на чувствата, далечината заедно со судбината ве води низ овие долги, болни и далечни патишта. И ако е тоа така, тогаш и изборот за заминување колку е лично ваш толку е и присилен акт на судбината. 

Некои велат дека далечината е најголемото искушение за љубовта. Ако љубовта е голема, уште толку ќе ја зацврсти, а ако е мала ќе ја изгуби на некоја попатна станица. 

Ти си мојот немир на далечина 

Кога животот не носи на различни страни или меридијани на светот, немирот е нашиот најверен сопатник. Немирни сме кога сме сами во далечина, кога телефонот и компјутерот не се доволно моќни за ги пренесат зборовите во вистинска смисла и вистинско време, кога сонуваме само еден миг да бидеме во прегратките на саканиот. Немирни сме кога чекаме одговор на пораката или телефонскиот повик, а немирот се храни со секој дел од секундата. 

Странци меѓу туѓинци 

Околу нас се ни изгледа туѓо кога не е покрај нас оној кој ни недостига. Секоја воздишка не потсетува на убавината на близината. Ако и вие барем еднаш во животот сте ги броеле месеците, деновите, па дури и часовите до средбата со некој драг, тогаш ви е познато да живеете далеку и да се чувствувате како странци меѓу туѓинци. 

Храбри сме да оставиме се зад себе 

Доволно сме храбри да оставиме се зад себе, пријателства, успешни деловни моменти, блиски и сакани, а навечер ни недостасува само бакнеж за добра ноќ. Токму таа храброст се ниша на најоддалечениот интервал од нашата личност. Храброста оди рака под рака со страдањето. Не постои ден да не помислите на саканиот на далечина, и да не се поколебате дали и тој го прави истото, не постои ноќ да не ги евоцирате заедничките спомени. 

И, кога ја прифативте судбината да дишете различен воздух со саканиот се додека не ја изберете вашата заедничка животна дестинација, ќе треба да посветите големо внимание на контактот со цел да се соочуваат нежните чувства. Клучот на врската на далечина е разговорот кој мора да биде искрен и отворен. Не треба многу да се потрудите за да не паднете на замките на убиецот на вашата љубов – далечината. 

Компјутерската технологија е на ваша страна 

Вистинската љубов нема никаква поврзаност со физичката близина. Може да сакате некој и да се наоѓа на другата половина на светот. И ако ви е некаква утеха, модерната технологија за комуницирање тогаш секоја чест за пронаоѓачите. Ако некогаш се чекало со месеци за одговор на писмо, денес тоа е возможно за помалку од минута. Интернетот ви нуди низа можности и опции за постојан контакт со саканата личност, односно за врската преку жица. Социјални мрежи, видео телефонски разговор преку „skype“, СМС пораки - на вас останува за кои ќе се одлучите. 

Ако вашите емотивни проценки ви говорат дека вреди да се борите за љубовта на далечина сторете го тоа без размислување. Согледајте ги важните вистини за една врска и пронајдете ги начините да успеете.

И не заборавајте љубовта е најсилна кога ја покажува својата слабост!

Сите очи вперени во неа: 47-годишната „Росалинда“ мами воздишки, во зелена креација!

Талија Соди мами воздишки каде и да се појави. 47-годишната мексиканска актерка, позната по улогата на „Росалинда“, изгледаше фантастично на забава по повод Греми во Беверли Хилс, Калифорнија.

На свечноста, убавата телевизиска ѕвезда носеше зелена креација со пердуви од колекција од сопствената модна линија, за која соработува со Macy’s.

 

Знаци дека си имате работа со психопат!

Според податоците кои ги даваат психолозите, од 1 до 4% од вкупното население на Земјата се психопати. Психопатските тенденции кај некоја личност можат да бидат скриени и тешко може да се открие.

Психопатијата е синдром кој е демонстриран од бездушноста кон другите луѓе, неспособноста да се сочувствува, да се почувствува искрено каење за повредување на други луѓе, лажење, егзистенција и нереални емоционални реакции.

1. Тие немаат емоции

2. Тие спијат многу малку

3. Сакаат да прават другите да се чувствуваат виновно

4. Тие се харизматични и сакаат да се центар на внимание

5. Тие се нарцисоидни

6. Тие лажат постојано

7. Тие се неодговорни

 

Легендарни грешки на реклами, ќе ве насмеат до солзи!

Покрај оние навистина добри и успешни има и такви реклами кои ќе ви го привлечат вниманието но со грешките кои ги имаат, по што и ќе ги запаметите... Во продолжение погледнете - легендарни грешки на реклами,  кои ќе ве насмеат до солзи! 

 

 

 

Најчитани

Твитови