Уште 24 часа не делат од започнувањето на ЗОИ

Во годините во коишто се одржуваат светските фудбалски првенства, глобална најава за спортските спектакли коишто се резервирани за летните месеци се Зимските Олимписки Игри. 23-тите Зимски Олимписки Игри од 9 до 25 февруари 2018 ќе се одржат во јужнокорејски Пјонгчанг, којшто ќе биде третиот азиски град-домаќин на оваа грандиозна спортска манифестација по јапонските Сапоро во 1972 и по Нагано во 1998 година. Ова ќе бидат први Зимски Олимписки Игри на коишто ќе бидат поделени повеќе од 100 комплети медали, ќе бидат промовирани лауреати и нивни придружници на пиедесталот во 102 дисциплини.

Пјонгчанг е оддалечен само деведесетина километри од димилитаризираната зона којашто ги дели Јужна и Северна Кореја, па близината на толку значаен и голем спортски настан до политички и воено нестабилно подрачје ќе биде една од спецификите коишто ќе ги следат овие ЗОИ. Официјалниот слоган на Игрите ќе биде „Страст. Поврзани“. „Страст“ ќе го симболизира Пјонгчанг 2018 како сцена на глобален спортски фестивал на којашто луѓето ќе ја доживеат возбудата на духот на олимпизмот, ќе споделат инспирации и ќе се запознаат со посебната корејска гостопримливост. „Поврзани“ ќе ги потенцира културните разлики и отвореноста на Пјонгчанг, во смисла дека сите генерации ќе можат во секое време и каде било да бидат во меѓусебни релации благодарение на врвните корејски технолошки достигнувања. Олимпискиот стадион со капацитет од 35 илјади гледачи, којшто има петтоаголен облик, ќе се користи само за церемонијалите на свеченото отворање и на свеченот затворање. По завршувањето на Игрите ќе биде урнат. 

Маскоти на Зимските Олимписки Игри 2018 се Сухоранг (бел тигар) и Бандаби (црна мечка). Сухоранг се смета за животно чувар на Кореја. На корејски јазик „сухо“ значи заштита, додека „ранг“ е произлезен од корејскиот збор за тигар. Азиската црна мечка Бандаби има полумесечина на градите. Тоа ја симболизира силната волја и храброста во корејскиот фолклор. „Банда“ е изведен од корејскиот збор за полумесечина, а „Би“ ја означува прославата којашто ја носат Овие Игри. 

Олимпискиот амблем на Пјонгчанг симболизира хармонија. Се состои од пет бои: жолта, зелена, сина, црвена и црна. Произлегува од мотивите на олимписките кругови и ги содржи петте бои коишто се корејско обележје. Пјонгчанг ќе биде уникатен град-домаќин поради близината на сите олимписки борилишта. Дури и до најоддалечените, како Алпенсиа ресортот, Јеонгсеон алпскиот центар, Бокванг снежниот парк, Гангнеун олимпискиот парк и Квандонг центарот за хокеј на мраз ќе се стигнува за помалку од половина час возење. Пјонгчанг ќе биде најмалиот град домаќин на Зимски Олимписки Игри по Лилехамер, каде што се одржаа ЗОИ во 1994 година.

За овие игри беше заинтересирана и Северна Кореја, којашто имаше идеја да биде своевиден кодомаќин, евентуално организирајќи ги скијачките натпреварувања во Вонсон, во провинцијата Гангвон. Сепак, организацискиот комитет на Игрите 2018 во Пјонгчанг ја одби ваквата понуда. Проценките се дека вкупните трошоци за Зимските Олимписки Игри во Пјонгчанг ќе изнесуваат 10 милијадри долари, што би било петпати помалку од Игрите во Сочи 2014, за коишто се смета дека се најскапите воопшто досега. Со оглед на географската местоположба, Пјонгчанг изгледаше сообраќајно изолиран од престолнината Сеул, којшто е оддалечен 125 километри.

Сепак, Јужна Кореја изгради нова железница меѓу двата града којашто го забрза патувањето. Дистанцата од Сеул до Пјонгчанг сега се менува за помалку од еден час. Интернационалниот Олимписки Комитет ја суспендираше Русија од овие ЗОИ во Пјонгчанг, поради долготрајната истрага за систематско користење допинг во оваа земја. Под олимписките обележја, ќе можат да настапат само оние руски спортисти коишто ќе докажат дека не користеле дстимулативни средства.

Ексклузивно на Првата програма на Македонската Телевизија со свечено отворање на 9ти февруари 12:00ч, во текот на 16-те натпреварувачки дена, екипата од 7 коментатори ќе покрива над 200 часа олимписка програма, при што најголемиот дел ќе биде во живо, во периодот од 02:00 до 15:30, но и одложни снимки во периодот од 15:30 до 23:00.

Психолозите тврдат: Сите ова го прават по сексуалниот чин, а навистина е ОПАСНО!

Британските психолози открија интересна работа поврзана со интимните односи, односно за моментите што следат по сексуалниот чин.

Без разлика дали вашата врска е солидна и долга, или сте на самиот почеток, сигурно се случило откако ќе имате секс, да имате голема желба да ги запознаете внатрешните пориви и чуства на вашиот партнер.

Психолозите тврдат дека овој модел на однесување е сосема нормален, бидејќи повеќето луѓе по сексуалните односи сметаат дека се најблиску до нивниот партнер и се склони кон емоционално отворање и доверување на нивните интимни тајни.

Иако во хармоничен емотивен однос ова е пожелна работа и тоа овозможува да се доближите и подобро да се запознаете со партнерот, експертите предупредуваат дека тоа може да биде многу штетно на почетокот на врската или во случај на површни односи.

Ако сметате дека вашата врска нема капацитет да стане долгорочна, може да жалите за зборовите што ги споделивте, или дека на некој начин вашиот партнер ќе го користи подоцна против вас.

Откриено што ја намалува машкоста за 1 см! Внимавајте ако го практикувате ова

За интимните односи и половите органи речиси и да нема тема која не е разработена и за која не е зборувано. Покрај методите и исхраната која влијае позитивно на големината на машкиот полов орган постои и нешто кое влијае и негативно.

Според студија објавена од „Journal of Sexual Medicine" потврдено е дека дури 20 отсто од машката популација има помал пенис дури и од просечниот, 12,5 цм во ерекција. На нашите простори просечната должина на машкиот полов орган е 14 цм во ерекција.

Она што негативно влијае и доведува до намалување на пенисот е нередовното мастурбирање и немањето сексуални акти.

За виталност и здрав пенис истражувачите велат потребно е барем два пати недлно да имате секс или да мастурбирате, особено ако сте на возраст од 18 до 30 години.

Навидум безначајно, но интересно - Зошто Меган Маркл мора да се поклони пред Кејт Мидлтон?

Иако и двете имаат 36 години и еднакви титули, од Меган се очекува да се поклони пред Кејт.

На поклонувањето со спуштање на глава и потклекнувањето Меган е навикната, бидејќи протоколот наложува дека таа тоа мора да го прави во присуство на членовите на кралското семејство, поготово оние кои се од повисок ранг од неа.

Бидејќи Кејт е омажена за идниот крал на Англија, Вилијам, таа е со повисок ранг од Меган.

Мажот на Меган, Хари е шестиот претендент на престолот во наследниот ред, додека неговиот брат Вилијам е втор, и се наоѓа веднаш за принцот Чарлс, кој би требало да го наследи, пишува британскиот „Експрес“.

Највисокиот женски чин во кралското семејство, кралица - консорт се доделува на жената на кралот кој владее. Таа нема да има политичка моќ, но ќе го дели неговиот општествен ранг и статус.

Иако Меган доби еден од највисоките рангови во кралското семејство, таа ќе мора да се поклонува пред сите членови на семејството кога не е во присуство на Хари, бидејќи не е од кралска крв.

Покрај поклонувањето, од Меган се очекува постојано да носи проѕирни најлонски чорапи. Тоа се очекува од сите дами во кралското семејство.

Најчитани

Твитови