Нашиот предлог за вашиот денешен ручек: Пилешко таријаки!

Состојки: 

  • 4 парчиња пилешки надкопан (или било кој друг дел од пилешко- копан, карабатак, стек)
  • 1 лажичка сол
  • 100 мл кока кола
  • 100 мл вода
  • 100 мл соја сос
  • 2 лажици мед
  • 50 мл јаболков оцет
  • 50 мл масло
  • 1/2 лажичка ѓумбир
  • 1/4 лажичка сув лук или 2 чешниња толчен лук по вкус црн бибер

Прилог - ориз на азиски начин со моркови

Таријаки пилешко

Таријаки сос се состои од смеса од соја сос, ѓумбир, масло, оцет, лук, мед, кафен шеќер, густин и вода. Тој се користи како прелив за многу меса. Кога се подготвува како Таријаки месо, тогаш сите овие состојки се користат при подготовката. Тука во овој рецепт измената е направена,така што наместо кафен шеќер се користи кока-кола. Тоа е бидејќи ќе се добие сличен ефект на карамелизирано слатко-кисело месо, но тоа ќе стане многу помеко од самата кока кола.

1. Месото се чисти и мие под млаз вода, а потоа се зачинува со сол, ѓумбир, црн бибер, лук.

2. Се запржува на силен оган, од двете страни, убаво да фати коричка.

3. Се подготвува маринада од вода, кока кола, соја сос, мед и оцет, се намалува на среден оган и се додава течноста во месото. Се остава да зоврие и потоа се намалува на тивок оган да се динста околу 25-30мин, со затворен капак.

4. Се динста додека да испари цела течност и се создаде на дното сос. Внимавајте немојте премногу да испари, целата карамела ќе ви остане на тавчето, наместо на месото.

5. Се послужува со ориз со морков, подготвен на азиски начин.

Лековити дејства на маслото од семки од тиква!

Во текот на годините се појавија многу здрави и популарни масла за јадење, што стана навистина збунувачки да се одбере вистинското.

Она што остана непроменето е хранливата вредност на маслиновото масло, а сега тоа добива нов „пријател“ што би требало да се најде на вашите полици во кујната.

Се работи за масло од семки од тиква, кое освен што е лековито и ароматично, е и суперхранливо бидејќи е полно со минерали, витамини, протеини и незаситени масни киселини.

Секако, најквалитетно е ладно цеденото и треба да се консумира како додаток во храна, без негова термичка обработка.

1. Ова масло е богато со олеинска киселина, која го намалува лошиот холестерол.

2. Богато е со витамините Д, Е и К, со магнезиум, железо, манган, бакар, цинк и селен.

3. Поради глутаминската киселина која ја содржи, може да се каже дека маслото од семки од тиква е и природен антидепресив.

4. Има диуретски ефект и ја подобрува работата на целиот уринарен систем.

5. Ја подобрува работата и на дигестивниот систем и ги прочистува цревата.

6. Ова масло има и козметичка примена. Можете да го користите за нега на коренот на косата. Масирајте ја кожата на главата со прсти потопени во масло од семки од тиква.

7. Поради својот вкус, додава нова димензија на аромите во салатите, сосовите, варениот или печен зеленчук, месото, но и во одредени видови колачи, како што се домашните ванилици.

Родителите vs. баби: Кој како го чува детето! Чиста вистина...

Баба ви има билка која е решение за секој здравствен проблем и главна грижа во животот и е да не сте гладни и да не ви студи.

Родителите знаат сè за нас, а бабите дури и малку повеќе. Ако ја прашате мајка ви кое ви е омилено јадење, ќе одговори како од пушка, но ако ја прашате баба ви, таа веќе ќе го има приготвено за вас.

И веруваме дека на ум ви доаѓаат уште илјада такви примери кога бабите се заложувале и повеќе од доволно за вас.

Како чуваат дете родителите vs. како чуваат дете бабите:

Од најдобри пријателки до непријатели: Еве зошто Кија Коцкар ја откачи Ана Кораќ!

Кристина Киа Коцкар и Ана Кораќ беа најдобри пријатели во првата сезона на реалното шоу „Задруга“, а тие продолжија со своето пријателство и по неговото завршување.

Сепак, се чини дека нешто крупно се променило, со оглед на тоа што на социјалните мрежи почнаа да циркулираат информации дека Киа ја „откачила“  Ана. Како главна причина, се наведува фактот дека Ана била во добри односи со Луна Ѓогани, откако обете влегоа во втората сезона на „Задруга 2“

Најчитани

Твитови