Совети и трикови за темелно чистење на вашиот дом

Доаѓа викенд и вие веднаш се фрлате на чистење, но и по неколку часа вашиот вложен труд не изгледа онака како што сте планирале. Ова се неколку совети и трикови како темелно да го исчистите вашиот дом:

Кујна

Кујната секогаш треба да биде беспрекорна, бидејќи во спротивно може да стане извор на зарази и бактерии. А тоа сигурно не го сакате! Прво и основно правило кај чистењето на кујната е да имате посебна крпа за чистење на сите површини. Не е препорачливо со иста крпа да го избришете мијалникот, а потоа даската за сечење. Исто така, имајте на ум дека влажните места се најголем извор на бактерии и дека задолжително треба да се менува сунѓерот за миење садови секоја седмица. Дополнително исполирајте ги славините со половина лимон, а вратете го сјајот на мијалникот со помош на маслиново масло кое ќе го втриете со мека крпа.

Тоалет

Друго место во вашиот дом на кое треба да се обрне посебно внимание е тоалетот. Секогаш е мокро па постои голем ризик од развој на бактерии. Внимавајте даската секогаш да биде спуштена пред секое пуштање вода, а чистете ја WC школката со еко средство за чистење.

Бидете темелни кога станува збор за плочките, особено околу кадата. Измешајте прашок за пециво и сок од еден лимон, истријте ја површината и избришете со хартиени крпи. Внимавајте и на тушот кој може да биде извор на различни болести и бактерии. Ставете ја батеријата од тушот во оцет, ставен во пластична ќесичка, заврзете ја и осавете да отстои во текот на ноќта. Следното утро темелно измијте ја.

Дневна соба

Најголема задача во дневната соба е гарнитурата за седење, прашината и подовите. Се треба редовно да се одржува. Гарнитурата за седење, во зависност од материјалот можете да ја поминете со правосмукалка, а доколку е кожна или од вештачка (еко) кожа, можете да ја исполирате со обични влажни марамчиња.

Кога бришете прашина почнете од највисоките полици надолу и задолжително исперете ја крпата по секое бришење.

Што се однесува до подовите, се препорачува благо да ја натопите крпата во благо средство за чистење паркети и да го пребришете подот, а потоа добро избришете со сува крпа.

Спална соба

Постелнината треба да се менува еднаш во неделата и да се пере на 60 степени или повеќе. Исто така секое утро треба кратко да ја проветрите просторијата. Перниците задолжително треба да се менуваат на секои две години доколку сакате здрав сон, а душекот треба да го поминете со правосмукалка барем два пати месечно.

„Trinity Strings“ женски бенд кој ги помести границите на македонската естрада: Направија преработка и видео запис кој дефинитивно е светско а наше! (ВИДЕО)

Три девојки, две вилиони, едно виолончело, талент и резултатот е нешто светско а наше. Нешто што прв пат и се случи на Македонија. Женски бенд кој ги помести границите на вообичаеното, веќе видено и слушнато. „Trinity Strings“ - нешто ново на естрадава, нешто повеќе од добро...

Во соработка со Роберт Билбилов и Зоран Зонде Стојановски направија одлична преработка на „Луд сум по тебе„ на Александар Тарабунов. 

Како звучи и изгледа видео записот погледнете во продолжение. Не само што е мелем за уши туку и за очи! 

Уживајте...

Колку ќе биде К-15 за 2018-та година, и до кога фирмите најдоцна треба да Ви исплатат!

Регресот за годишен одмор или К-15 и оваа година ќе им следува на вработените во приватните компании од македонското стопанство. Фирмите кои не го исплатиле во претходните 10 месеци ќе мораат тоа да го направат во ноември и декември, а во случај да не го исплатат предвидени се парични и затворски казни за работодавачите. 

Висината на К-15 се одредува врз основа на податоците за износот на просечната нето и бруто плата по вработен исплатена во поселдните три месеци. Врз основа на овие пресметки, минатата година тој износ беше најмалку 8.909 денари – најмалку 40% од просечната нето плата, а најмногу до 13.116 денари – најмногу до 40% од просечната бруто плата по вработен објавена за последните 3 месеци.

ДАЛИ ТРЕБА ДА СЕ ОЧЕКУВА ПОВИСОК К-15 ЗА 2018?

Зголемувањето на минималнецот од 10.080 на 12.000 денари и постојаниот пораст на просечната бруто и нето плата по вработен во Македонија се двата фактори коо влијаат на тоа работниците на крајот од годината да добијат поголем износ за К-15 во однос на оној кој беше исплатен минатата година.

Нашата пресметка врз основа на податоците на Државниот завод за статистика (ДЗС) за движењето на просечната нето и бруто плата во месец јуни покажа дека износот на К-15 за секој вработен во Македонија треба да се движи во интервал од 9.123 до 13.403 денари. 

Според обликот на носот откријте карактерни особини за одредена личност!

Звучи чудно, но е вистинито. Погледнете ги овие осум различни облици на носеви и кои карактеристики се врзуваат за нив, па самите проценете дали има вистина во тоа.

1.Нубијски нос

Овој облик на нос се издвојува од другите со својата должина. Мостот е речиси рамен, додека пошироката точка на носот е насочена надолу. Лицата со ваков облик на нос се љубопитни и радознали. Исто така се оптимистични, симпатични и секогаш се трудат да најдат решение за секој проблем.

2.Грчки нос

Обликот на овој нос потекнува од познатите грчки скулптури за кои бил карактеристичен. Тој се одликува со тоа што е тесен и прав. Луѓето со овој облик на нос се обично повлечени и не сакаат да бидат во центарот на вниманието. Мошне се практични и лојални. Тешко е да се разговара со нив отворено за емоциите.

3.Кукаст нос

Многумина го споредуваат овој облик на носот со оној што потсетува на птичји клун. Тој е свиткан од основата односно од веѓите до врвот на носот. Луѓето со ваков нос се креативни и пожртвувани. Страсно ги бранат сопствените верувања и не се плашат да ризикуваат за да ги постигнат сопствените цели.

4.Извиткан нос

Мошне е сличен на претходниот, но овој нос е превиткан од носната коска до врвот. Сепак врвот е значително пошилест. Луѓето со овој облик на нос се смета дека се мошне одлучни, мошне се посветени на својата работа и добри се во организација.

5.Копчест нос

Овој нос е мошне краток и делува мошне симпатично. Тоа е најпопуларниот облик, затоа што не ги нервира луѓето. Тие имаат прилично силна волја, сакаат да бидат директни и мошне се одлучни во тоа секогаш да го добијат тоа што го сакаат.

6.Рамен нос

Овој облик е најчест во Азија и малку е порамен од другите облици. Врвот на носот е кружен, а носниците се пошироки. Лицата со рамен нос имаат силен карактер. Тие се мошне темпераментни и страствени, а може мошне да се налутат ако некој си игра со нивното трпение.

7.Конкавен нос

Обликот на овој нос се одликува со мал лак на носната коска. Слично како и копчестиот нос и овој е мошне популарен затоа што не е мошне впечатлив и изгледа мошне нежно. Луѓето чијшто нос има ваков облик се великодушни и секогаш подготвени да им помогнат на другите. Мошне се чувствителни.

8.Накривен нос

Можеби називот на овој нос не е особено ласкав, но овој облик на носот укажува на нежен карактер. Мостот на носот се истакнува додека врвот е мошне заоблен. Лицата со ваков нос се мошне добри во тоа што го прават и знаат да ги сослушаат другите, што ги прави прекрасни пријатели или партнери. Мошне ги ценат лицата што цврсто стојат на земјата.

Најчитани

Твитови