Сакате да бидете БОГАТИ? Станете магнет за пари, еве како!

Ако можете да си го дозволите она што го сакате, тоа ќе ве направи среќни, можеби не долгорочно, но во тој момент сигурно да.

Ако немате доволно пари ќе се чувствувате заробени, несреќни и повлечени.

Жените особено имаат комплициран однос со парите, бидејќи за разлика од мажите, тие парите ги трошат на емотивен начин. Жените знаат шопингот да го користат како начин за подобрување на расположението, бидејќи купувањето го зголемува нивото на ендорфин, дури и ако подоцна доведува до каење.

Проблемот е во тоа што жените често не ја преземаат контролата над своите пари, многу жени финансискиот менаџмент им го препуштаат на мажите, татковците или експертите, дури и кога се финансиски самостојни.

Во својата книга „How To Become a Money Magnet“, авторката Мари-Клер Карлајл им помага на читателите да ги идентификуваат верувањата кои ги спречуваат да ги привлечат парите во нивниот живот и им нуди алатки за надминување на тие проблеми.

Таа за себе признава дека нема проблем со заработувањето, но не ги почитувала парите, трошејки многу, што подоцна ја довело до долгови. Пет години потоа спровела истражување во кое сакала да открие зошто и покрај добрата заработувачка и одличните квалификации не успеала да се збогати. На крајот дошла до заклучок дека во целиот процес на привлекување на парите кон себе најважна е љубовта, и тоа љубовта кон себеси.

Според нејзините објаснувања парите сами за себе немаат вредност. Ако се најдете во пустина се што би посакале е чаша вода, а не пари.

За почеток е најважно да сфатите колки пари имате или немате. Многумина толку многу се плашат од парите што не се свесни колку имаат или немаат.

Повеќето луѓе секогаш бараат некој друг кој ќе биде виновен што тие немаат пари, а овој начин на размислување ги доведува до поголеми проблеми.

Мари-Клер нагласува дека е најважно да сфатиме колку пари имаме и во согласнот со тоа и да трошиме, не обидувајќи се сами да си го зголемиме стандардот.

Втората цел е да дефинираме колки пари бараме и да се стремиме кон таа бројка, но не да трошиме однапред, бидејќи на тој начин се одалечуваме од саканиот износ, наместо да се приближуваме.

Дефинирајте се што сакате да постигнете и до кој датум. Претворете ја целта во парична вредност. За да можете дотогаш да постигнете толку, пресметајте колку пари месечно треба да издвојувате? Но бидете реални, таа сума треба да ја одвојувате од вашата плата.

Бидете одговорни кога зборувате за пари. Не треба да бидете негативни кон парите, ниту кон оние кои ги имаат или немаат.

Нешто што не можете да си го дозволите, јасно признајте дека тоа е така. А потоа запрашајте се како би можеле да стигнете до тоа. Купете го откако ќе пронајдете задоволувачко решение кое во исто време ќе биде реално и нема да ве доведе до долгови.

Ситуации каде Кардашијан-Џенер си „краделе“ облека една од друга и копирале изглед!

Оние кои имаат сестра, знаат како е постојано да си менуваат, позајмуваат, а понекогаш и крадат облека, па дури истото некогаш се случува и помеѓу мајка и ќерка.

На оваа навика не се имуни ниту славните личности, кои можат да имаат што ќе посакаат, но сепак некогаш одлучуваат да го ископираат изгледот на мајката/ќерката/сестрата.

Можеби не сте забележале, но девојките од Кардашијан-Џенер семејството често го прават тоа и се појавуваат во ист аутфит, со мала промена во стајлингот.

Па така, мама Крис често знае да облече некое парче облека од богатиот гардеробер на ќерките, а и сестрите често си менувале облека и копирале меѓусебни стајлинзи низ годините.

Што се пребарувало најмногу на Google во 2018 година?

2018 година е пред крајот, но ќе остане во сеќавањата како многу интересна и турбулентна година за интернет заедницата.

Он-лајн просторот одамна е огледало на човештвото и настаните кои очигледно ја брануваат планетата. Ова ни овозможува кон крајот на секоја година да направиме аматерски психолошки профил на човечкиот род, според она што најмногу го пребарувал во годината која изминува.

Во топ 10 пребарувањата доминираат славните лица кои го изгубија својот живот во 2018 год.

Можеби и ќе претпоставите што најмногу се пребарувало на Google во текот на 2018 година, но еве ја и официјалната потврда:

 1. Светското првенство во фудбал

 2. Авичи

 3. Мек Милер

 4. Стен Ли

 5. Black Panther

 6. Меган Маркл

 7. Ентони Бордејн

 8. XXXTentacion

 9. Стивен Хокинг

10. Кејт Спејд

Зошто за време на славата се пали свеќа?

Свеќата е неопходен дел од ритуалите кои православните христијани ги спроведуваат за време на семејните слави.

Православните христијани кога имаат домашна слава, тие всушност го слават светецот заштитник на нивниот дом. Тогаш целото семејство се собира околу поставената маса, се споделуваат љубовта, слогата и мирот. По желба, се канат и гости.

Се верува дека славската свеќа е дар на семејството кон Бога. Таа претставува светлина на вербата и се пали при сечењето на славската погача. Според традиционалните верувања, молитвата и славската свеќа привлекуваат добра енергија и ја чистат душата од негативни елементи.

Многумина оставаат свеќата да гори во текот на целиот ден на славата, а остатокот од нејзе се пали за другите верски празници кои семејството ги слави. Може да се остави и под домашниот иконостас да догори.

Свеќите се неизоставна декорација за време на верските празници, а често се поврзуваат и со релаксирачки и медитативни својства, кои ги чувствуваат оние кои веруваат дека пламенот е светлина кон Бог и неговиот пат.

Најчитани

Твитови