Шампионот Оги престојува во Скопје Мериот хотел

Најпознатото инстаграм куче и миленик на голем број следбеници на социјалните мрежи, Шампионот Оги е гостин на Скопје Мериот хотел, што го прави хотелот единствениот висок бренд во Македонија кој го ужива епитетот „пријател на животните”. Во Скопје Мериот секоја соба е прилагодена за вдомување миленици соодветно на нивните потреби, лобито е отворено за нивно уживање, како и терасата на ресторанот каде што може да присуствуваат на убава вечера.

Специјалниот гостин на Скопје Мериот, западно Шкотскиот бел териер Оги што деновиве престојува во хотелот е миленикот на инстаграмџиите со околу 30.000 фанови и е познат скопски шармер. Оги е шампион од повеќе причини. Најпрво, титулата е добиена кога освоил награда за млад шампион на Македонија, а сега истата е прерасната во бренд, додека Оги ги освојува срцата каде и да отиде. Како вистинска ѕвезда со весел и дружељубив карактер, Оги престојуваше во премиер апартман и заедно со својот најдобар пријател уживаа во прошетка низ хотелот.

Како што луксузот во хотелиерството продолжува да расте, сè повеќе хотели, дури и големите франшизи, почнаа да ги отстрануваат сите забрани за гостите со миленичиња. Милениците се како дел од семејството, па затоа, внимателно се разгледуваат сите нивни потреби, грижа и благосостојба пред патување или одмор. За разлика од порано, кога сопствениците беа принудени да го остават домашното милениче на чување пред пат, сега постојат повеќе опции за најдобриот пријател на човекот да биде дел од патувањето и престојот.

Ситуации каде Кардашијан-Џенер си „краделе“ облека една од друга и копирале изглед!

Оние кои имаат сестра, знаат како е постојано да си менуваат, позајмуваат, а понекогаш и крадат облека, па дури истото некогаш се случува и помеѓу мајка и ќерка.

На оваа навика не се имуни ниту славните личности, кои можат да имаат што ќе посакаат, но сепак некогаш одлучуваат да го ископираат изгледот на мајката/ќерката/сестрата.

Можеби не сте забележале, но девојките од Кардашијан-Џенер семејството често го прават тоа и се појавуваат во ист аутфит, со мала промена во стајлингот.

Па така, мама Крис често знае да облече некое парче облека од богатиот гардеробер на ќерките, а и сестрите често си менувале облека и копирале меѓусебни стајлинзи низ годините.

Што се пребарувало најмногу на Google во 2018 година?

2018 година е пред крајот, но ќе остане во сеќавањата како многу интересна и турбулентна година за интернет заедницата.

Он-лајн просторот одамна е огледало на човештвото и настаните кои очигледно ја брануваат планетата. Ова ни овозможува кон крајот на секоја година да направиме аматерски психолошки профил на човечкиот род, според она што најмногу го пребарувал во годината која изминува.

Во топ 10 пребарувањата доминираат славните лица кои го изгубија својот живот во 2018 год.

Можеби и ќе претпоставите што најмногу се пребарувало на Google во текот на 2018 година, но еве ја и официјалната потврда:

 1. Светското првенство во фудбал

 2. Авичи

 3. Мек Милер

 4. Стен Ли

 5. Black Panther

 6. Меган Маркл

 7. Ентони Бордејн

 8. XXXTentacion

 9. Стивен Хокинг

10. Кејт Спејд

Зошто за време на славата се пали свеќа?

Свеќата е неопходен дел од ритуалите кои православните христијани ги спроведуваат за време на семејните слави.

Православните христијани кога имаат домашна слава, тие всушност го слават светецот заштитник на нивниот дом. Тогаш целото семејство се собира околу поставената маса, се споделуваат љубовта, слогата и мирот. По желба, се канат и гости.

Се верува дека славската свеќа е дар на семејството кон Бога. Таа претставува светлина на вербата и се пали при сечењето на славската погача. Според традиционалните верувања, молитвата и славската свеќа привлекуваат добра енергија и ја чистат душата од негативни елементи.

Многумина оставаат свеќата да гори во текот на целиот ден на славата, а остатокот од нејзе се пали за другите верски празници кои семејството ги слави. Може да се остави и под домашниот иконостас да догори.

Свеќите се неизоставна декорација за време на верските празници, а често се поврзуваат и со релаксирачки и медитативни својства, кои ги чувствуваат оние кои веруваат дека пламенот е светлина кон Бог и неговиот пат.

Најчитани

Твитови