Офарбајте ја косата на природен начин

Постојаното менување на бојата на косата подразбира поагресивни третмани кои ја оштетуваат и сушат косата. За да можете без страв да ја менувате бојата на косата, предлагаме да се свртите кон природните начини за фарбање.

Еве како да добиете плава, кафеава или црвена нијанса користејќи ги плодовите од природата.

Зелена кора од орев – костенлива коса

Ставете заштитни ракавици и излупете 15-20 ореви. Зелената кора исецкајте ја на што помали парчиња и сомелете ја. Додадете топла вода. Потребно е мешавината да стане кашеста. Добиената каша употребете ја за фарбање на косата, нанесувајќи ја рамномерно со помош на четка за фарбање. Оставете да делува на косата 15-20 минути и обилно исплакнете ја. На крајот исплакнете ја со алкохолен оцет кој ќе помогне да се фиксира бојата.

Лушпи од кромид и кора од даб – светлокафеава коса

Потребно е да измешате половина шолја лушпи од кромид и средно иситнета кора од даб. Мешавината прелијте ја со 1 литар зовриена вода и потоа варете уште еден час на среден оган. Почекајте еден час да  се излади смесата.

Натопете ја косата со мешавината и оставете да делува еден час. По делувањето добро исплакнете ја косата со топла вода и исушете ја. Испирањето со алкохолен оцет во последното плакнење ќе ви обезбеди потрајна боја.

Камилица – златно-плава боја

Потребно е само да земете 100 грама суви цветови од камилица и да ги сварите во половина литар вода. По варењето оставете ги цветовите да отстојат во водата уште половина час, а потоа процедете и натопете ја косата со добиената течност. Оставете да делува еден час. Потоа исплакнете ја и исушете ја косата.  Во последното испирање употребете алкохолен оцет.

Цвекло – црвена боја

Земете цвекло со средна големина, исецкајте го на поситни парчиња и сварете го. Кога ќе се свари, почекајте да се излади, а потоа испасирајте неколку парчиња од цвеклото во водата во која се вареше. Добиената мешавина употребете ја за фарбање на косата и оставете да делува 15-20 минути. Исплакнете ја косата со алкохолен оцет и исушете ја.

Доколку имате посветла коса ќе добиете целосен ефект и косата ќе ви биде црвена уште при првото фарбање на овој начин. Од друга страна, доколку имате потемна коса ќе треба да го повторите овој третман неколку пати.

Ситуации каде Кардашијан-Џенер си „краделе“ облека една од друга и копирале изглед!

Оние кои имаат сестра, знаат како е постојано да си менуваат, позајмуваат, а понекогаш и крадат облека, па дури истото некогаш се случува и помеѓу мајка и ќерка.

На оваа навика не се имуни ниту славните личности, кои можат да имаат што ќе посакаат, но сепак некогаш одлучуваат да го ископираат изгледот на мајката/ќерката/сестрата.

Можеби не сте забележале, но девојките од Кардашијан-Џенер семејството често го прават тоа и се појавуваат во ист аутфит, со мала промена во стајлингот.

Па така, мама Крис често знае да облече некое парче облека од богатиот гардеробер на ќерките, а и сестрите често си менувале облека и копирале меѓусебни стајлинзи низ годините.

Што се пребарувало најмногу на Google во 2018 година?

2018 година е пред крајот, но ќе остане во сеќавањата како многу интересна и турбулентна година за интернет заедницата.

Он-лајн просторот одамна е огледало на човештвото и настаните кои очигледно ја брануваат планетата. Ова ни овозможува кон крајот на секоја година да направиме аматерски психолошки профил на човечкиот род, според она што најмногу го пребарувал во годината која изминува.

Во топ 10 пребарувањата доминираат славните лица кои го изгубија својот живот во 2018 год.

Можеби и ќе претпоставите што најмногу се пребарувало на Google во текот на 2018 година, но еве ја и официјалната потврда:

 1. Светското првенство во фудбал

 2. Авичи

 3. Мек Милер

 4. Стен Ли

 5. Black Panther

 6. Меган Маркл

 7. Ентони Бордејн

 8. XXXTentacion

 9. Стивен Хокинг

10. Кејт Спејд

Зошто за време на славата се пали свеќа?

Свеќата е неопходен дел од ритуалите кои православните христијани ги спроведуваат за време на семејните слави.

Православните христијани кога имаат домашна слава, тие всушност го слават светецот заштитник на нивниот дом. Тогаш целото семејство се собира околу поставената маса, се споделуваат љубовта, слогата и мирот. По желба, се канат и гости.

Се верува дека славската свеќа е дар на семејството кон Бога. Таа претставува светлина на вербата и се пали при сечењето на славската погача. Според традиционалните верувања, молитвата и славската свеќа привлекуваат добра енергија и ја чистат душата од негативни елементи.

Многумина оставаат свеќата да гори во текот на целиот ден на славата, а остатокот од нејзе се пали за другите верски празници кои семејството ги слави. Може да се остави и под домашниот иконостас да догори.

Свеќите се неизоставна декорација за време на верските празници, а често се поврзуваат и со релаксирачки и медитативни својства, кои ги чувствуваат оние кои веруваат дека пламенот е светлина кон Бог и неговиот пат.

Најчитани

Твитови