8 работи кои треба да ги знаете за оргазмите во сон

Сметајте ги оргазмите во сон за дар од боговите!

Жените можат да доживеат оргазам во сон практично во секое време

Влажните сонови не се резервирани само за време на пубертетот. Едно истражување направено во 1986 година од страна на „Научното списание за сексуални истражувања“ открило дека 37% од жените кои учествувале во истражувањето искусиле оргазам во сон. Имајте на ум дека ова е само мало истражување во 80тите, а процентот не треба да се занемари.

Кога сонувате во фазата од сонот позната како РЕМ фаза, импулсите во вашето тело можат периодично да влеат повеќе крв во вашиот гениталенпредел, исто како кога сте возбудени. Понекогаш овој зголемен проток на крв резултира со оргазам. Ова е женската верзија на влажен сон. Дури и не мора да имате еротски слики во глава кога се случува ова.

Кај момците поголема е веројатноста да доживеат оргазам во сон кога не се сексуално активни

Влажните сонови се почести за време на пубертетот и адолесценцијата, пред момците редовно да мастурбираат или да имаат редовен секс. Но сосема е веројатно оргазмот во сон да се јави и кај постари мажи.

Мажите доживуваат многу ерекции во текот на ноќта кои не завршуваат со оргазам

Истражувањата покажуваат дека мажите имаат повеќекратки ерекции за време на ноќта, понекогаш тоа се целосни ерекции а понекогаш се делумни. Ова не значи дека цела вечер тие имаат секс во сонот, туку дека протокот на крв во пенисот се зголемува и намалува.

За некои луѓе полесно е да доживеат оргазам во сон отколку на јаве

Постојат жени кои не можат да доживеат оргазам со партнерот или додека мастурбираат, но можат да доживеат оргазам во сон. Објаснувањето може да лежи во тоа што сексуалните сонови вообичаено се ослободени од дистракции, стрес и анксиозност, кои се некои од нештата кои можат да ја попречат способноста да се доживее оргазам. Тука сте само вие, само вашиот ум и вашето тело кои водат љубов… со вас.

Сексуалните сонови се случуваат, иако вие не се сеќавате на нив

Можеби имате сексуален сон прво, па потоа искусувате поголем проток на крв во гениталниот предел, што потоа резултира со ерекција кај мажите или возбуда кај жените, или оргазам. Или пак се случува токму обратното: зголемениот проток на крв всушност ги поттикнува сексуалните сонови, што понекогаш може да доведе до оргазам. Истражувачите не се сосема сигурни што се случува. Но дури и ако се разбудите во сред оргазам и не се сеќавате на сонот, веројатно бил од сексуална природа.

Некои пози на спиење полесно можат да ве доведат до сексуални сонови… и оргазам во сон

Едно истражување од објавено во 2012 г. во списанието „Сонување“ открило дека спиењето на стомак се поврзува со поинтензивни сонови, како оние сексуалните, или пак сон во кој сте врзани, или не можете да дишите и сл. Тоа има смисла, бидејќи оваа поза овозможува поголем контакт на вашиот кревет и клиторисот/пенисот/пубичната коска, што може да предизвика возбуда.

Доживувањето оргазам во сон е сосема нормално и супер

Ова е како подарок од вашиот мозок. Тоа е само знак дека вашето либидо и вашите еротски фантазии работат како што треба. Никогаш не треба да се чувствувате виновни или чудно во врска со нив, дури и ако соновите кои ги имате ве изненадуваат. Соновите се симболични, тие не значат дека дефинитивно сакате да имате секс со вашиот поранешен партнер, вашиот колега или момчето што работи во продавницата од каде што купувате леб.

Но не се чувтствувајте како да мора да имате вакви оргазми

Исто како и свесните оргазми, и оргазмите во сон ќе се случат кога и ако се случат, а ако се обидувате да достигнете ваков оргазам со сила, веројатно нема да се случи. Можете да се обидете да мислите на секси работи пред да заспиете, да спиете на стомак или да заспивате со секси плејлиста, но не постои вистински начин кој ќе ви гарантира оргазам во сон. Но не грижете се, оставете ги работите да се случуваат по природниот тек. А ако веќе ви се случи уживајте во него.

Стилизирајте ја косата, со четка за заби!

Откако ќе ја стилизирате косата, едноставно испрскајте мала количина на лак за коса на четка за заби и нежно измазнете ги непослушните влакна, советува британскиот фризер Patrick Wilson

Познатиот британски фризер Patrick Wilson, кој работи со многу ѕвезди како Cindy Crawford и Kendall Jenner, откри зошто тој секогаш во фризерскиот прибор има четка за заби.

Тој вели дека четката за заби е одлично помагало за измазнување на непослушната коса и врвови.

– Таа е совршена алатка за усовршување на убавината на вашиот изглед, за беспрекорна завршна обработка. Понекогаш наједноставните трикови се најдобри кога станува збор за постигнување на изглед како на црвениот тепих – рече тој.

– Откако ќе ја стилизирате косата, едноставно испрскајте мала количина на лак на четката за заби и нежно измазнете ги неправилностите на косата – ја објасни постапката и препорачува инвестирање во четка со подобар квалитет, а не класична со која што повеќето луѓе ги мијат забите.

Тој ја демонстрирал оваа техника за време на фестивалот за убавина, Гламур во Лондон во 2019 година, на негова блиска пријателка и постојан клиент, пејачката Моли Кинг, која му беше модел во таа пригода.

„Кога Моли се појавува на телевизија или на црвениот тепих, мора да се осигураме дека нејзината коса ќе издржи добро“- рече тој.

Тикови за сите жени: Како да ги проширите чевлите кои ви се тесни?

Табелата со величини можеби била погрешна или стапалата ви се отечени; како и да е набиени палци и пликови по стапалата се загарантирани.

Растегнувањето обично се случува во ширина, а не во должина, бидејќи најдолниот дел од чевлите што е во директен контакт со земјата не може да се растегне многу. Затоа, колку и да ви се допаѓа одреден пар брендирани потпетици, не фрлајте си ги парите на број 38, ако всушност носите 39.

Употребете фен

Доколку се работи за кожени чевли, облечете два пара чорапи – колку подебели, толку подобро. Облечете ги чевлите и дувајте со фенот во нив на средна температура околу 30 секунди. Избегнувајте да дувате на едно место бидејќи може да ја оштетите кожата.

Повторете го процесот додека не почувствувате дека стапалото влегува полесно.

Ставете ги чевлите во замрзнувач

Наполнете една третина вода во мала ќеса за замрзнување. Заврзете ја убаво и осигурајте се дека нема дупка за да истече водата во чевелот. Ставете ја ќесата во чевелот во пределот на прстите, а потоа чевелот ставете го во замрзнувач додека водата не смрзне.

Кога мразот ќе се формира, може да го извадите чевелот дваесетина минути да се отпушти и потоа да ја повторите постапката сè додека не го растегнете доволно.

Купете растегнувач за чевли

Ова е едноставен алат и најмалку ризичен метод за растегнување на чевлите, односно нема да мора да се грижите дека ќе го уништите сјајот на новите чевли, ниту дека ќе ги оштетите со вода. Консултирајте се со чевлар за тоа каде може да се набави ваква алатка, инаку е достапна на amazon.com.

За да ги избегнете ваквите непријатни ситуации, најдобро е да се осигурате дека има барем 1 сантиметар простор од врвот на вашиот највисок прст на ногата до врвот на чевелот. Исто така, се препорачува да купувате чевли на крајот од денот, кога стапалата ви се малку отечени.

Лепа Брена не дозволи на Кија да биде дел од музички настан: „Или таа или јас - изберете!“

Кристина Коцкар беше предвидено да учествува на музички фестивал кој се одржа неодамна на Копаоник, каде што требало да настапи рамо до рамо со најголемите ѕвезди од регионот: Жељко Јоксимовиќ, Лепа Брена, Милица Павловиќ и „Парни ваљак“. И покрај желбата на луѓето од организацијата на фестивалот да ја донесат да пее, Кија беше исфрлена од листата на изведувачи, токму поради фолк кралицата Лепа Брена.

Таа буквално ги условила организаторите: “Или таа или јас”, бидејќи Брена смета дека не треба да споделува сцената со девојка од релно шоу, која има едвај двее-три песни и пее само од пред неколку месеци“ –  потврдил добро информиран извор, додавајќи дека по интервенцијата на фолк ѕвездата, организаторите и го откажале ангажманот на Кија.

 

извор: вистина.мк  

Најчитани

Твитови