Што кажува за вас формата на вашите усни?

Научниците и физиономите сметаат дека устата е една од најважните карактеристики на кои треба да внимавате доколку сакате да го откриете карактерот на некоја личност. Ние ги искажуваме нашите мисли вербално, па правејќи го тоа откриваме нешто за нашиот карактер и за нашите психолошки особености. Погледнете дали точно ќе го оцените вашиот карактер според формата на вашите усни.

Полни усни

Луѓето кои ја поседуваат оваа форма се создадени за да се грижат за некого. Ако имате ваква усна, додека сте биле мали сигурно сте потрошиле многу време хранејќи улични мачиња или помагајќи во засолништа за животни. Имате силен мајчински инстинкт и сакате да ги штитите другите. Во стресни ситуации секогаш прво мислите на другите, па потоа за себе. Овие луѓе најчесто се одлични родители.

Горната усна е поголема од долната

Личноста која има вакви усни, едноставно сака да прави сцени. Тие се емоционални, харизматични, го сакаат животот и привлекуваат внимание. Имаат високо мислење за себе и имаат способност да ги привлекуваат другите. Тие обожаваат да се центар на вниманието. Најинтересните пресврти и шеги доаѓаат од нив.

Долната усна е поголема од горната

Бидете искрени, вие не сте за работа во канцеларија. Како може некој да седи цел ден кога има толку интересни работи надвор? Луѓето со вакви усни навистина знаат што значи вистинска забава. Вам ви е потребен енергичен животен стил, нови познаства, нови места за посетување и нови импресии. Вие сте љубопитни, социјални и отворени сте кон сè што е ново. Вие сте од оние личности кои ги водат другите во авантури.

Обични усни

Луѓето кои имаат усни кои изгледаат сосема обично се оние кои имаат балансиран и разумен пристап кон извршување на која било задача. Нивната сила е во способноста да ги слушаат другите. Ја прифаќаат критиката и ги почитуваат мислењата на другите. Речиси невозможно е да ги налутите. И покрај ова, тие сакаат да се шегуваат и да се смеат. Чашата кај нив е секогаш половина полна.

Тенки усни

Луѓето со тенки усни често се осамени. Тие едноставно го сакаат тоа. Исто така се потпираат на себе и можат да се справат со секој проблем. Ако имате тенки усни вие сигурно немате потреба од друштво за да одите во музеј или на некое далечно патување. Но и покрај вашата љубов кон самотијата, вас ви е удобно и кога сте со луѓе. Брзо наоѓате заеднички јазик со сите и ги цените луѓето за нивните постапки.

Остар агол на филтрумот

Овие луѓе се многу креативни. Најчесто завршуваат како талентирани уметници или музичари. Имаат одлична меморија за лица и имиња, одржуваат контакт со сите што ги познаваат и секогаш знаат што се случува. Социјални се, сакаат да се искажат во која било форма и речиси секогаш постигнуваат добри резултати во нивната работа.

Заоблен филтрум

Ако имате вакви усни, веројатно сте внимателни, чувствителни и добри. Можете многу да се разочарате од која било несреќа и секогаш наоѓате време да им помогнете на другите. Помагањето на помалку среќните и грижата за светот околу вас е ваш повик во животот. Луѓето како вас се оние кои го „вртат“ светот.

Усна без филтрум

Овие луѓе се едни од најодговорните и најдоверливите. „Направи го тоа дури и ако боли“ е нивното мото. Тие не знаат што значи зборот „невозможно“ и крајните рокови не ги загрижуваат. Сè ќе се заврши точно на време. Нивните пријатели и семејство знаат дека можат да се потпрат на нив во каква било ситуација. Овие луѓе едноставно се појавуваат и го решаваат секој проблем во еден чекор.

Мали полни усни

Луѓето со овие усни се немирни и сакаат да кокетираат. Најважното нешто во нивниот живот им се чувствата и удобноста. Ако тие не се грижат за нив, никој нема да го направи тоа. Кога ќе ги запознаете може да ви изгледаат себични, но тоа всушност не е така. Тие се внимателни и посветени пријатели, луѓе кои ќе помогнат веднаш штом ќе забележат проблем. Не ги ставаат своите интереси пред оние на другите, но никогаш нема да направат нешто што ќе ги повреди. Поради овој принцип, работите обично излегуваат добро за нив.

Многу тенка горна усна

Луѓето со вакви усни поседуваат неверојатна способност за водење. Речиси како оган наместо крв да тече низ нив. Тие знаат како да ги убедат другите и знаат како да се држат до себе. Животната енергија како да зрачи од нив. Нивниот успех е гарантиран, без разлика што ќе се случи. Сепак, за нив е тешко да бидат во љубовна врска бидејќи главниот принцип во нивниот живот е да бидат некој, а не со некој.

Стилизирајте ја косата, со четка за заби!

Откако ќе ја стилизирате косата, едноставно испрскајте мала количина на лак за коса на четка за заби и нежно измазнете ги непослушните влакна, советува британскиот фризер Patrick Wilson

Познатиот британски фризер Patrick Wilson, кој работи со многу ѕвезди како Cindy Crawford и Kendall Jenner, откри зошто тој секогаш во фризерскиот прибор има четка за заби.

Тој вели дека четката за заби е одлично помагало за измазнување на непослушната коса и врвови.

– Таа е совршена алатка за усовршување на убавината на вашиот изглед, за беспрекорна завршна обработка. Понекогаш наједноставните трикови се најдобри кога станува збор за постигнување на изглед како на црвениот тепих – рече тој.

– Откако ќе ја стилизирате косата, едноставно испрскајте мала количина на лак на четката за заби и нежно измазнете ги неправилностите на косата – ја објасни постапката и препорачува инвестирање во четка со подобар квалитет, а не класична со која што повеќето луѓе ги мијат забите.

Тој ја демонстрирал оваа техника за време на фестивалот за убавина, Гламур во Лондон во 2019 година, на негова блиска пријателка и постојан клиент, пејачката Моли Кинг, која му беше модел во таа пригода.

„Кога Моли се појавува на телевизија или на црвениот тепих, мора да се осигураме дека нејзината коса ќе издржи добро“- рече тој.

Тикови за сите жени: Како да ги проширите чевлите кои ви се тесни?

Табелата со величини можеби била погрешна или стапалата ви се отечени; како и да е набиени палци и пликови по стапалата се загарантирани.

Растегнувањето обично се случува во ширина, а не во должина, бидејќи најдолниот дел од чевлите што е во директен контакт со земјата не може да се растегне многу. Затоа, колку и да ви се допаѓа одреден пар брендирани потпетици, не фрлајте си ги парите на број 38, ако всушност носите 39.

Употребете фен

Доколку се работи за кожени чевли, облечете два пара чорапи – колку подебели, толку подобро. Облечете ги чевлите и дувајте со фенот во нив на средна температура околу 30 секунди. Избегнувајте да дувате на едно место бидејќи може да ја оштетите кожата.

Повторете го процесот додека не почувствувате дека стапалото влегува полесно.

Ставете ги чевлите во замрзнувач

Наполнете една третина вода во мала ќеса за замрзнување. Заврзете ја убаво и осигурајте се дека нема дупка за да истече водата во чевелот. Ставете ја ќесата во чевелот во пределот на прстите, а потоа чевелот ставете го во замрзнувач додека водата не смрзне.

Кога мразот ќе се формира, може да го извадите чевелот дваесетина минути да се отпушти и потоа да ја повторите постапката сè додека не го растегнете доволно.

Купете растегнувач за чевли

Ова е едноставен алат и најмалку ризичен метод за растегнување на чевлите, односно нема да мора да се грижите дека ќе го уништите сјајот на новите чевли, ниту дека ќе ги оштетите со вода. Консултирајте се со чевлар за тоа каде може да се набави ваква алатка, инаку е достапна на amazon.com.

За да ги избегнете ваквите непријатни ситуации, најдобро е да се осигурате дека има барем 1 сантиметар простор од врвот на вашиот највисок прст на ногата до врвот на чевелот. Исто така, се препорачува да купувате чевли на крајот од денот, кога стапалата ви се малку отечени.

Лепа Брена не дозволи на Кија да биде дел од музички настан: „Или таа или јас - изберете!“

Кристина Коцкар беше предвидено да учествува на музички фестивал кој се одржа неодамна на Копаоник, каде што требало да настапи рамо до рамо со најголемите ѕвезди од регионот: Жељко Јоксимовиќ, Лепа Брена, Милица Павловиќ и „Парни ваљак“. И покрај желбата на луѓето од организацијата на фестивалот да ја донесат да пее, Кија беше исфрлена од листата на изведувачи, токму поради фолк кралицата Лепа Брена.

Таа буквално ги условила организаторите: “Или таа или јас”, бидејќи Брена смета дека не треба да споделува сцената со девојка од релно шоу, која има едвај двее-три песни и пее само од пред неколку месеци“ –  потврдил добро информиран извор, додавајќи дека по интервенцијата на фолк ѕвездата, организаторите и го откажале ангажманот на Кија.

 

извор: вистина.мк  

Најчитани

Твитови