Жените се посреќни во врските, кога партнерите знаат интуитивно да препознаат како се чувствуваат!

Според едно истражување објавено во „Journal of Family Psychology“, жените се посреќни во врските кога нивните партнери знаат интуитивно да препознаат дека се чувствуваат лошо. Од друга страна, мажите се посреќни кога нивните партнерки се среќни. Студијата анализирала 156 хетеросексуални парови кои доаѓаат од различни социјални слоеви.

Иако овие резултати не се поклопуваат баш најдобро, една од докторките кои работеле на истражувањето, Др. Шири Коен, вели:

„Можеби станува збор за тоа дека жените кога ќе видат дека нивната нервоза се рефлектира врз мажите, сметаат како тоа е еден облик на рефлексија на емотивната инвестиција на мажот во врската, дури и во тешките времиња. Ова е во склад со она што се знае околу незадоволството на жените кое го чувствуваат често кога нивниот партнер станува емоционално повлечен и не е заинтересиран за решавање на некој конфликт“, вели докторката на науки од харвардскиот медицински факултет.

Направите вкусно турско кафе по стар рецепт!

Има нешто посебно кај турското кафе. Иако можеби сè поретко се наоѓа во кафетериите, воглавно сите го пијат дома. Доколку сакате да го пиете турското кафе како луѓето во минатото, следете ги овие совети.

Пред сè, за добро турско кафе потребна ви е квалитетна мешавина, па немојте да штедите на тоа. Покрај тоа, малкумина знаат дека водата не треба да зоврие. Во ѓезвето се загрева водата до пред вриење, па се тргнува од ринглата.

Дел од водата се трга со филџан, а во останатиот дел се додава кафе (по една полна лажичка за секоја шолја).

Се промешува за да нема грутки, па ѓезвето се враќа на оган. Кога кафето ќе нарасне, повторно се трга од оган и се додава водата што ја истуривте на почетокот. Ѓезвето повторно се враќа на оган и се остава да зоврие.

Тргнете го ѓезвето од оган, почекајте неколку секунди и додајте лажичка студена вода. Тогаш кафето е подготвено за служење.

Ова се некои од најчестите грешки што ги правите додека подготвувате кафе:

Пречестото мешање го убива вкусот.

Доколку кафето се подигне неколку пати, се уништува пената и се губи вкусот.

Мешањето на свареното кафе ќе го измени неговиот вкус.

Доколку пиете благо кафе, најдобро е да го додадете шеќерот во водата додека е ладна. Односно, пред да го ставите и сварите кафето.

Кој плаче повеќе, мажите или жените?

Истражувањето направено во врска со емоционалното празнење, односно плачење покажа - верувањето дека жените плачат почесто е точно. Сепак резулатите се изненадувачки во однос на тоа колку редовно плачат мажите, ако се земе во обзир дека ниеден маж нема да признае дека некогаш плачел.

Припадничките на понежниот пол плачат просечно секој шести ден, а мажите еднаш во 3 недели...

Последното истражување на германски научници покажа дека жените ронат солзи 30-64 пати годишно, а мажите многу помалку, само 17 пати. Додека се деца до 13 години, девојчињата и момчињата плачат речиси подеднакво, но понатаму работите се менуваат.

Истражувањето покажало дека возрасните жени обично плачат долги временски периоди и тоа го прават подраматично за разлика од мажите. Времетраењето на просечно плачење кај жените е околу 6 минути, а кај мажите околу 2-3 минути.

Жените плачат почесто отколку мажите, затоа што на тој начин си ги олеснуваат своите емоции или го отфрлаат чувството на тага. Истото истражување покажало дека 65% од дамите плачат со липање, додека таква ситуација се случува само кај 6% од мажите.

Причините за плачење се разликуваат. Жените плачат кога ќе се соочат со ситуација или проблем за кој е тешко да се најде решение, но и со потсетувањето на тажни и тешки искуства од минатото. Од друга страна, мажите плачат кога сочувствуваат со некоја личност, а многу често поради прекин на љубовна врска.

Како најлесно да ги преболите бившите?!

Сите знаеме дека раскинувањето никогаш не е лесно. Тоа е процес низ кој сите поминуваме различно. 

За да се поштедите од поголема болка и постапки за кои подоцна може да зажалите, бидете разумни и послушајте што вика науката за преболувањето на бившите.

Повеќе во видеото:

Најчитани

Твитови