Ручек за мерак: Американска пита со пилешко и печурки!

Состојки:

  • 2 лажици маслиново масло
  • 150 гр. шампињони
  • 1 мал кромид
  • 1 чешне лук
  • 50 гр. путер
  • 2 лажици брашно
  • 300 мл. млеко
  • 200 мл. пилешка супа
  • рендано морско оревче
  • свежо мелен бел бибер
  • прстофат сол
  • грст свеж магдонос
  • 500г. готово тесто

Начин на приготвување:

1. Загрејте ја рерната на 200 степени.

2. Во тава сипете го маслиновото масло и пржете го пилешкото, додека не стане бело.

3. Во тава додадете шампињони (исечени на четврини) и пржете додека пилешкото не зарумени.

4. Пилешкото и печурките извадете ги од тавата и додадете сецкан кромид и лук, а притоа пржете ги 2-3 минути. Потоа измешајте го лукот со пилешкото и печурките.

5. Истопете путер во масло, додадете брашно, мешајте и држете на оган 2-3 минути додека не се добие воедначена смеса.

6. Во чинија измешајте пилешка супа и млеко, додадете оревче, сол и бибер. Потоа измешајте со смесата од брашно и мешајте додека не се изедначи. Варете ја смесата на пареа додека не се згусне, со постојано мешање.

7. Прелејте го сосот преку печурките и пилешкото и сипете исецкани, свежи печурки. Оставете да се олади.

8. Готовото тесто ставете го во калап и рабовите премачкајте со јајце. Оставете да се олади.

9. Направете отвори на питата  и ставете ги во рерна. Печете 20 до 25 минути.

Дневна доза смути: Здрава замена за кафе!

Денешниот предлог е за сите љубители на кафето. Од нашата нова омилена веб страна, smuti.mk., ви нудиме рецепт со кој ќе сакате да се расонувате секој ден.

За само неколку минути ќе го започнете денот свежи и енергични.

Потребно:

една голема лажица цимет

една банана

една шолја смрзнат јогурт од ванила

една шолја кафе

Подготовка:

Сите намирници се ставаат во одличниот Nutribullet, каде за само неколку секунди, со помош на неговото циклонско дејство и патентирани сечила, ќе го добиете вашиот омилен пијалок. Nutribullet целосно ги разложува замрзнатото овошје, јаткастите плодови и семките за вашето тело да може да ги апсорбира и искористи.

Во продолжение погледнете го и видео-рецептот од smuti.mk, каде ќе го видите подетално начинот на подготовка. Добијте ја потребната доза кафе. Здраво, вкусно, евтино. И, најважно, знаете што содржи!

 

извор: Fashionel.mk

Направите вкусно турско кафе по стар рецепт!

Има нешто посебно кај турското кафе. Иако можеби сè поретко се наоѓа во кафетериите, воглавно сите го пијат дома. Доколку сакате да го пиете турското кафе како луѓето во минатото, следете ги овие совети.

Пред сè, за добро турско кафе потребна ви е квалитетна мешавина, па немојте да штедите на тоа. Покрај тоа, малкумина знаат дека водата не треба да зоврие. Во ѓезвето се загрева водата до пред вриење, па се тргнува од ринглата.

Дел од водата се трга со филџан, а во останатиот дел се додава кафе (по една полна лажичка за секоја шолја).

Се промешува за да нема грутки, па ѓезвето се враќа на оган. Кога кафето ќе нарасне, повторно се трга од оган и се додава водата што ја истуривте на почетокот. Ѓезвето повторно се враќа на оган и се остава да зоврие.

Тргнете го ѓезвето од оган, почекајте неколку секунди и додајте лажичка студена вода. Тогаш кафето е подготвено за служење.

Ова се некои од најчестите грешки што ги правите додека подготвувате кафе:

Пречестото мешање го убива вкусот.

Доколку кафето се подигне неколку пати, се уништува пената и се губи вкусот.

Мешањето на свареното кафе ќе го измени неговиот вкус.

Доколку пиете благо кафе, најдобро е да го додадете шеќерот во водата додека е ладна. Односно, пред да го ставите и сварите кафето.

Кој плаче повеќе, мажите или жените?

Истражувањето направено во врска со емоционалното празнење, односно плачење покажа - верувањето дека жените плачат почесто е точно. Сепак резулатите се изненадувачки во однос на тоа колку редовно плачат мажите, ако се земе во обзир дека ниеден маж нема да признае дека некогаш плачел.

Припадничките на понежниот пол плачат просечно секој шести ден, а мажите еднаш во 3 недели...

Последното истражување на германски научници покажа дека жените ронат солзи 30-64 пати годишно, а мажите многу помалку, само 17 пати. Додека се деца до 13 години, девојчињата и момчињата плачат речиси подеднакво, но понатаму работите се менуваат.

Истражувањето покажало дека возрасните жени обично плачат долги временски периоди и тоа го прават подраматично за разлика од мажите. Времетраењето на просечно плачење кај жените е околу 6 минути, а кај мажите околу 2-3 минути.

Жените плачат почесто отколку мажите, затоа што на тој начин си ги олеснуваат своите емоции или го отфрлаат чувството на тага. Истото истражување покажало дека 65% од дамите плачат со липање, додека таква ситуација се случува само кај 6% од мажите.

Причините за плачење се разликуваат. Жените плачат кога ќе се соочат со ситуација или проблем за кој е тешко да се најде решение, но и со потсетувањето на тажни и тешки искуства од минатото. Од друга страна, мажите плачат кога сочувствуваат со некоја личност, а многу често поради прекин на љубовна врска.

Најчитани

Твитови