Намирници и навики кои им шететат на бубрезите

Бубрезите се меѓу најважните органи во телесниот систем, тие ја филтрираат крвта, произведуваат хормони и апсорбираат минерали. Една од нивните најважни улоги е да се однесуваат како заштитници на телото од отрови затоа што ги елиминираат токсините и ги неутрализираат киселините. Овој мал орган дневно прочистува околу 200 литри крв. 

Поради се што прават за нашето тело треба да ги чуваме. Но истражувањата покажуваат дека бубрезите секојдневно се на удар на одредени штетни навики кои ги ослабуваат и оштетуваат. Болестите на бубрезите спаѓаат во збирот на т.н. „тивки болести“ чии симптоми не се покажуваат на самиот почеток на болеста туку дури кога ситуацијата ќе стане сериозна. Научните истражувања и искуствата на пациентите покажуваат дека бубрезите можат со години да ја извршуваат својата функција со намален капацитет (па дури и да работат само со 20%) без пациентот воопшто да забележи. Затоа превентивата и навременото реагирање се најважни за здравјето на бубрезите. Според мислењето на експертите овие штетни навики можат да ги оштетат вашите бубрези и ако ги практикувате размислете што треба да промените. 

Недостаток на вода во организамот

Најважна задача на бубрезите е филтрирање на крвта и елиминирање на токсините од организамот. Во извршување на оваа функција на бубрезите им помагаат течностите, поточно водата. Ако не внесуваме доволно течности бубрезите работат послабо и доаѓа до собирање на токсини во организот што може да дојде до оштетување. 

Вишок на сол во исхраната 

Златното правило вели дека не треба да се внесуваат повеќе од 5 грама сол дневно. Се што го надминува ова количество може да влијае на оштетување на бубрезите. Кога внесуваме солени продукти бубрезите работат повеќе бидејќи мораат да го излачат натриумот кој се наоѓа во солта. Вишокот на сол влијае и на крвниот притисок, како и на бројни други болести. 

Задржување на урина 

Често се случува одењето во тоалет да го одложуваме поради тоа што не сакаме да одиме во јавни тоалети или пак имаме обврски. Честото задржување на урина го зголемува притисокот на мочниот меур, а може да доведе и го откажување на бубрезите, појава на камен во бубрег и инконтиненција. 

Премногу шеќер

Неодамнешните истражувања покажуваат дека е доволно да се испијат два засладени пијалоци за да се зголеми нивото на протеини во урината. Појавата пак на протеините во урината е еден од првите знаци на потешкотии со бубрезите. Понекогаш внесуваме и до 10 пати повеќе шеќер од препорачаната доза, со што бубрезите се на постојат удар. 

Недостаток на витамини и минерали 

Недостатокот на витамини и минерали е преуслов за појава на бубрежни болести. Витаминот Б6 и магнезиумот го смалуваат ризикот од добивање камен на бубрег, па затоа во исхраната редовно вклучувајте намирници кои се богати со овие витамини и минерали.

Животински протеини

За здрави бубрези исхраната треба да изобилува со овошје и зеленчук. Секое внесување на протеини, особено од животинско потекло додатно ја оптеретува работата на бубрезите. Со тек на време тоа може да доведе до оштетување и намалување на функциите на бубрезите.

Недостаток на сон

Во текот на спиењето телото го обновува оштетеното ткиво на бубрезите, па затоа редовниот сон е нужен за одржување на здравјето на бубрезите. 

Премногу кафе 

Како солта така и кафето ги оптеретува бубрезите. Кофеинот може да го зголеми крвниот притисок со што бубрезите се под особен стрес, а со тек на време тоа може да доведе до нивно оштетување. Потрудете се да не пиете повеќе од две шолји кафе дневно. 

Лекови против болка

Искуството на пациентите покажува дека користењето на лекови против болка (како што се аспирини, ибопрофени и други слични лекови) може да доведо до нагло оштетување на бубрезите. Обидете се првенствено да бирате природни методи за ублажување на болка и заштитете ги вашите бубрези. 

Конзумирање алкохол 

Бубрезите нема да страдаат ако испиете една чаша вино, но долгорочната претерана конзумација на алкохол ги оштетува бубрезите. Алкохолот е токсин кој бубрезите мораат да го преработат и исфрлат од организмот. Како диуретик на телото му ја одзема драгоцената вода и така двојно неповолно влијае на работата на бубрезите. 

Месечниот циклус го открива животниот век!

Истражување на Универзитетот во Сан Диего чии резултати се објавени во списанието “Менопауза“ проучени се податоци од 16.000 жени во менопауза. Меѓу испитаниците кои ја добиле првата менструација ја добиле на 12 или повеќе години односно во менопауза влегле со 50 или повеќе години биле најмногу од оние кои доживеале 90 години.

“Откривме дека жените кои добиле менструален циклус после 16 година, имаа помали здравствени проблеми, како коронарни болести на срцето и жените кои влегуваат во менопаузата подоцна, често се со одлично здравје што може да биде објаснување на нашето откритие“, изјави авторот на студијата Аладин Шадиаб.

Секој прст на раката е поврзан со одреден орган: Доколку ги масирате 60 секунди болката од дел на телото ќе исчезне!

Јапонската древна медицина вели дека секој прст е поврзана со одреден орган во телото, како и дека за подобрување на работата на овој орган и за отстранување на некои вообичаени здравствени проблеми, како што се главоболка и затворот, можеме да влијаеме преку одреден прст.

Всушност, секој прст на нашата рака, според алтернативната медицина, е поврзана со некој орган и со одредена физичка болка.

За да ја отстраните болката, масирајте одреден прст и многу брзо симптомите треба да се ублажат или да исчезнат. Доволно е само 60 секунди триење да ја почуствувате промената на подобро.

Објаснување:

Палецот е поврзан со срцето и белите дробови. Масирајте го овој прст кога ќе почувствувате дека срцето ви чука (пре) силно и кога ќе се задишете и останете без воздух.

Показалецот е поврзан со бубрезите и бешиката. Масирајте го овој прст кога ве мачи затвор или диареа. Масирајте го и во случај да имате проблеми со слезината и желудникот.

Средниот прст е поврзан со жолчната кеса и црниот дроб. Масирајте го овој прст кога ќе ве мачи несоница, мигрена или кога во текот на возењето ќе почувствувате мачнина.

Четвртиот прст е поврзан со дебелото црево. Масирајте го овој прст, ако ве мачи главоболка, мигрена и вкочанетост и болка во вратот, што може да биде последица на слаба циркулација.

Малиот прст е поврзан со тенкото црево. Масирајте го овој прст кога ќе почувствувате тешкотија и нервоза.

Заборавете на антибиотици: Домашен сируп против кашлица! (Pецепт)

Сезоната на вируси започна, затоа навреме веднаш спречите ги бактериите. Главоболка, температура и кашлица се најчести симптоми. Затоа заборавете на антибиотици, бидедејќи ви нудиме природен начин како да превенирате и воедно излечите настинка со овој домашен сируп...

Состојки:

200 гр шеќер

300 мл вода

6 ловорови листови

1 лажичка жалфија 

1 лажичка бел слез

1 лажичка камилица

Подготовка:

Растопете го шеќерот на ниска температура за да добие кафеава боја. Додадете ги и останатите состојки и нека врие три минути. Тргнете од огин и кога ќе се олади сипете во стаклена тегла која претходно која ќе ја чувате во фрижидер.

Поголемите деца и возрасните нека конзумираат по една супена лажица неколку пати дневно, помалите деца по една кафена лажица.

Најчитани

Твитови