Телефон кој ќе го сакате: Samsung прави свитлива смартфон батерија со капацитет до 6.000 милиампер часови

Samsung веќе некое време работи на прототип на паметни телефони со флексибилен свитлив екран наречен Galaxy X. Овој модел се очекува да го револуционизира дизајнот во мобилната индустрија.

Инженерите на компанијата продолжуваат да бараат начини да ги елиминираат сите технички пречки и да го забрзаат влегувањето на овој модел на пазарот. Еден од главните проблеми е потребата да се користи нов вид заоблена, свитлива батерија за напојување на смартфонот, објави Tech Radar.

Специјалисти од Samsung SDI создадоа сличен модел на батерија, но нејзиниот капацитет е едвај 210 милиампер часови, што е недоволно.

Новите информации на интернет откриваат дека компанијата сега има функционален прототип со таков дизајн, кој е со моќност од 3.000 до 6.000 милиампер часови. Samsung се надева дека ова ќе биде последната сериозна пречка која ја одложува премиерата на уредот на глобалниот пазар. Се очекува Galaxy X да има 7,3-инчен дисплеј кој се преклопува и се користи како два одделни екрани.

Повеќето аналитичари очекуваат тоа да се случи околу премиерата на Galaxy S10 на почетокот од 2019 година. Импресивниот дизајн, сепак, тешко дека ќе им овозможи на многу луѓе да го купат Galaxy X, бидејќи според првичните информации цената ќе биде околу 1.850 долари.

Поранешната пејачка на група „Луна“, денес работи на брод и изгледа посекси од било кога! (ФОТО)

Чеда Чворак и неговата група Луна променија многу постави. Но се чини дека онаа, кога беа дуо, а во „Луна“ покрај него вокалите ги пееше тогаш младата и непозната девојка од Лозница, Маја Марковиќ, беше најдобрата постава која му ги донесе најголемите хитови и популарност на дуото.

Маја Марковиќ откако си замина од „Луна“ се обиде да направи соло кариера која не траеше долго,  зашто слично како и нашата Ноне, замина да работи на прекуокеански брод.

Оттогаш не се занимава со музика, не барем студиски, иако знае да запее со бендот на големите прекуокеански лендкрузери на кои работи!

Додека беше на естрадата, речиси секогаш беше пристојна и закопчана до грло. За чудо, сега кога работатат тоа не го бара од неа, маја го покажа сиот свој телесен раскош, убавина и сексапил.

Инстаграм гори од нејзините секси фотографии на кои таа позира во костими за капење, покажувајќи го своето извајано тело, затегнатото газе и останатите облини.

Токму со такви фотографии Mаја ги почести сите оние што ја познаваат за својот роденден.

Знаци дека претерувате со кафе!

Ако се прашувате дали пиете премногу шолји кафе на ден, на добар пат сте да добиете позитивен одговор. Кафето нуди многу придобивки, но како и се друго, доколку се консумира во големи количини има негативни последици, за жал по нашето здравје.

Многумина не можат ни да го замислат животот без кафе, особено наутро. Сепак, прекумерното пиење кафе, посебно ако често пиете и газирани или енергетски пијалаци кои содржат кофеин, може да предизвика предозирање и зависнот.

Срцето ви е во петта брзина

Ако ви лупа срцето и прескокнува откако сте се напиле кафе, постои голема веројатност за тоа да е крив токму кофеинот. Некои луѓе се чувствителни и на помала количина кофеин.

Се чувствувате немирно и анксиозно

Можеби тоа го предизвикало утринското кафе. Некои луѓе се многу чувствителни на кофеин и почнуваат да чувствуваат немир, раздразнетост и анксиозност и по една шолја кафе со кофеин. На некои им смета дури и бескофеинското кафе.

Не можете да заспиете

Ова е причина зошто луѓето пијат кафе додека се уморни. Кофеинот го подига нивото на адреналин, па можете да се чувствувате поенергични и да не ви се спие. Тоа особено може да помогне во понеделник наутро кога ви треба екстра енергија.

Чувствувате глад

Некои луѓе се трудат со помош на кофеинот да го намалат апетитот, но пиењето кафе всушност може да има спротвен ефект. Кофеинот ја зголемува работата на хормонот кој пак, го зголемува чувството на глад.

Мислите дека не можете без кафе

Доколку помислата да се откажете од своето утринско кафе кај вас предизвикува благ напад на паника, тоа не е знак дека сте зависни? Сепак, не се трудете да пресечете нагло, обидете се да го намалувате внесувањето на кафе постепено, малку по малку, инаку може да ве изненади силен умор и главоболка.

Незаборавна забава: Кафана Тарапана го прослави својот прв роденден!

Галерија: 

Кафана Тарапана го прослави својот прв роденден! 

Една година исполнета со незаборавни моменти и уживање! Уникатно место за одлична забава, превкусна храна и загарантирано одлична атмосфера. После 1 година работа со над 100 забави, повеќе од 50 семејни прослави, дефинитивно станаа омилено место во градот на секоја генерација. Тарапана не е само обична кафана ова е кафана со душа во која се ужива во комбинација со вкусна храна и разновидна музичка програма.

Вчеравечер по повод една година постоење направија незаборавна роденденска забава. Како секогаш, и овој пат се потрудија на своите гости да им приредат повеќе од одлична забава. За атмосферата да биде вистинска "тарапана" се погрижија безвременскиот Дарко Филиповиќ и Dj Boban Nikolic.

Во продолжение погледнете дел од атмосферата:

Галерија: 

Најчитани

Твитови