Уште еден спектакл: Утре започнува Д Фестивал, светски ѕвезди доаѓаат во Дојран!

Топло лето, жешка забава и одлична програма на овогодинешниот Д Фестивал. Љубителите на алтернатива со нетрпение го очекуваат одржувањето на популарниот Д Фест, кој ќе започне на шести и ќе трае до осми јули кај Дојранското крајбрежје.

Фестивалот кој прв пат се одржа во 2011 година, и покрај тоа што е релативно нов, секоја година поминува во одлична атмосфера и со многу посетители. Доаѓаат домашни, но и интернационални туристи, а фестивалот и годинава ги постави шаторите на крајбрежјето.

На седмото по ред издание на Д Фестивал, најавени се големи музички имиња од домашната, но и светската музичка сцена.

Во петок, на шести јули настапи ќе имаат Горан Трајковски, Никифор, Гоце Саф, Чваре, Страјк, Who see, Conquering lion, Paul Van Dyk, Conspiracy, Kiklop and the banshee и многу други.

Во сабота, во пет минути до полноќ, на главната сцена концерт ќе одржи легендарната група Архангел, а настапи ќе имаат и Сашо Митревски, Јордан Костов, Fink, Saygon, RGB, Koala Voice, Frenkie и други.

На последниот ден од фестивалот, во недела, помеѓу музичките гости најавени се настапите на Дуке Бојаџиев, Бојан Петков, Man in a suit, KI, My baby, Palindrom и други.

Фестивалските билети веќе се пуштени во продажба. За три дена, без кампување цената изнесува 600 денари, три дена со кампување чини 650 денари, додека пак еднодневен билет без кампување е 350 денари.

Д Фестивал е единствениот летен музички фестивал на отворено во земјава. Покрај музичката програма која се одвива паралелно на четири фестивалски бини, Д Фестивал секоја година подразбира и раскошна разновидност на настани и случувања во дополнителната програма во ПлоштАРТ зоната и Фестивалскиот камп која вклучува филмски проекции, уметнички изложби и инсталации, работилници, дискусии, спортски активности и многу забавни содржини.

Инспиративни цитати од Алберт Ајнштајн!

Инспиративни цитати од Алберт Ајнштајн:

Имагинацијата е поважна од едукацијата.

Најтешка работа на светот за сфаќање е данокот на добивка.

Човек почнува да живее кога ќе успее да се надживее себе си.

Господ е многу комплексен, но не е злобен.

Никогаш не размислувам за иднината. И онака доволно брзо доаѓа.

Слабост во ставовите, претставува слаб карактер.

Науката без религија е бесмислена, религијата без наука е слепа.

Секој којшто не згрешил ништо, никогаш не пробал нешто ново.

Големите души често наидувале на агресивност од страна на малите умови.

Постојат два начини да го живеете својот живот: Едниот е да верувате во чуда, другиот, да не верувате во чуда.

Здравиот разум е збир на предрасуди кои ги формираме до осумнаесеттата година.

Единствената работа којашто ми пречи во учењето, е моето образование.

Мирот не може да се постигне преку сила. Единствено преку разбирање.

За решавање на проблемите не можеме да го користиме истиот начин на размислување како кога сме ги создале.

Ако А е успех во животот, тогаш А=X+Y+Z. Во равенката, X е работа, Y е забава, а Z е да ја држите устата затворена.

Две работи се бесконечни. Универзумот и човечката глупавост. Иако, не сум сигурен за универзумот.

Стравот од смртта е најнеоправданиот од сите стравови, бидејќи, не постои ризик од несреќа кога сте мртов.

Единствено живот проживеан за другите е живот вреден за живеење.

Најубавите работи во животот не се оние кои ги добиваме со пари.

Оној кој ги цени вредностите на културата, не може да не биде пацифист.

Национализмот е инфантилна болест. Тоа се сипаници на човештвото.

Немам некои посебни таленти. Јас сум само многу љубопитен.

Секој маж кој вози внимателно додека ја бакнува својата девојка, едноставно не обрнува внимание на бакнежот колку што би требало.

Настојувајте да не нижете успеси, туку да створите вредности.

Секоја будала може да знае по нешто. Поентата е да ги разбереш работите!

Во средиштето на тешкотијата, лежат безброј можности.

Малкумина се оние кои гледаат со своите очи и чувствуваат со своето срце!

Интуитивниот дух е божји дар, а рационалниот дух е верен слуга. Ние создадовме општество кое го слави слугата, а го заборава божјиот дар!

Животна трагедија е она што умира во човекот додека е сè уште жив!

Научете ги правилата и тогаш ќе играте подобро.

Мерата за интелигенција е способноста на човекот да се промени.

Пролетен тренд - Кошули со отворен грб!

Неверојатно женствени, а истовремено и елегантни, кошулите со отворен грб ќе бидат парче облека кое секоја жена ќе мора да го има во гардероберот за пролет 2019.

Внесуваат доза на сексапил без да откривате премногу, а одговараат на буквално секаков тип на панталони и фармерки.

Одлично се трансформираат од дневно во вечерно парче гардероба, па затоа може да ги носите и за дневните обврски, а штом облечете високи потпетици во комбинација со нив – имате добитна модна комбинација за сите свечености.

Знаци и ситуации по кои ќе препознаете човек без манири!

Домашното воспитување, културата и манирите се нешто што не смее да го заборавите во било која ситуација, во било кој дел од денот.

Во модерното време, човекот без манири најлесно ќе го препознаете во следниве ситуации:

1. Не знае за приватност во јавен тоалет.

2. Носот се празни брзо, подалеку од луѓе и уште подалеку од храна и пијалаци. Секој што ќе прекрши некое од овие правила, има недостаток на бон-тон.

3. Имаат храна меѓу забите и не се грижат да ја исчистат.

4. Забораваат да си го закопчат патентот.

5. Не обрнуваат внимание на тоа како им мириса телото.

6. Загризуваат премногу жешка храна, па ја ладат со отворање на устата.

7. Комплиментите им се граничат со манијакалност.

8. Не прашуваат пред да направат или објават фотографија со друг човек.

9. Постојано одат во тоалет кога треба да се плати сметката. Или немаат извадено кеш во нив.

10. Не го нудат своето седиште во јавен превоз на трудници и постари, изморени лица.

11. Носат искинати фармерки секаде, на секакви места и настани.

М. Д. | Црнобело

Најчитани

Твитови