Писмо кое го обиколи светот - Кристијано Роналдо до Реал Мадрид: Решив да заминам

Кристијано Роналдо со писмо потврди дека тој одлучил да замине, им се заблагодари на сите во Реал Мадрид и рече дека дресот, грбот на клубот и Сантијаго Бернабеу секогаш ќе ги чувствува како свои каде и да биде.

Кристијано Роналдо по девет години го напушти Реал Мадрид, од денеска и официјално тој не е фудбалер на кралскиот клуб каде го помина главниот дел од кариерата. Португалецот со многу емоции се збогува со сите во клубот и потврди дека на негово барање се случува трансферот во Јувентус.

„Овие години поминати во Реал Мадрид и во градот Мадрид за мене веројатно беа најсреќните во мојот живот“.

„Имам само чувства на огромна благодарност за овој клуб, за овие навивачи, за овој град. Можам само да им се заблагодарам на сите за љубовта и вниманието кои ги добив“.

„Како и да е, верувам дека дојде време да отворам ново поглавје во мојот живот и токму затоа побарав од клубот да ми овозможи трансфер. Се чувствувам така и барам од сите, особено од нашите навивачи да ме разберат“.

„Тие беа апсолутно прекрасни сите овие девет години. Девет посебни години. Тоа беше возбудлив период за мене, но исто така и тежок бидејќи очекувањата во Реал Мадрид се на многу високо ниво, но многу добро знам дека никогаш нема да заборавам дека уживав играјќи фудбал тука на посебен начин“.

„Имав прекрасни соиграчи на теренот и во соблекувалната, ја чувствував топлината на невројатната публика и заедно освоивме три титули во Лигата на шампионите по ред и четири титули во пет години. И со нив исто така бев успешен на индивидуално ниво, имав задоволство да освојам четири Златни топки и три Златни копачки во овој период играјќи за овој исклучителен клуб“.

„Реал Мадрид ми го освои срцето на мене и на мојата фамилија, и затоа повеќе од било кога сакам да ви се заблагодарам, на клубот, на претседателот, директорите, моите колеги, сите техничари, доктори, физиотерапевти и неверојатните работници кои правеа да функционира се како што треба грижејќи се за секој детал“.

„Уште еднаш им благодарам бескрајно на нашите навивачи и на шпанскиот фудбал. За време на овие девет возбудливи години имав големите фудбалери пред мене. Моја голем почит за сите нив“.

„Долго размислував и знам дека дојде времето за нов циклус. Заминувам но овој дрес, овој грб и Сантијаго Бернабеу секогаш ќе ги чувствувам како свои без разлика каде сум“.

„Ви благодарам на сите и се разбира, како што и реков првиот пат на овој стадион пред девет години: Хала Мадрид!“, стои во писмото на Роналдо.

Едноставен, вкусен и совршен за велигденските пости: Направете си колач од кој прсти ќе излижете!

Состојки за кора:

400 мл вода

18 лажички меко брашно

13 лажички шеќер

3 лажички џем

мармалад по избор

100 г посен мелен кекс

4 лажички масло

2 лажички какао во прав

2 лажички сода бикарбона

Фил:

125 г маргарин

100 г шеќер во прав

100 г чоколадо

100 г мелени ореви

200 г мелен кекс

200 мл сок од портокал

Глазура:

100г чоколадо

3 лажички масло

Подготовка:

Вклучете ја рерната да се загрее на 180 степени. Во топла вода изматете 13 лажици шеќер. Додадете масло и џем и промешајте повторно. Потоа, додадете брашно, какао, сода бикарбона и кекс (може и ореви) и сѐ заедно изматете. Во плех со димензии 30 x 20 цм ставете хартија за печење и ставете ја смесата. Ставете ја кората на хартија за печење па ставете ја смесата. Печете ја кората 13 минути. Печената кора оладете ја.

Изматете го пенливо маргаринот со шеќерот во прав и додадете го мелениот кекс и со миксер изматете. Масата ќе биде густа и сува, но не грижете се, се додава сок. Потоа додадете го ренданото чоколадо и мелените ореви. Повторно со миксер вклучен со мала брзина соединете.

Потоа полека истурете го сокот и матете додека не добиете маса која може да се намачка на кора. Нанесете ја на кората и израмнете. Истопете чоколада со масло за глазура па прелијте преку колачот. Оставете чоколадата да се зацврсти и послужете.

Добар апетит!

 

Важни животни лекции кои ги научивме од книгите на Паоло Коелјо!

„Затоа што не живеам ниту во минатото ниту во иднината. Ме интересира само сегашноста. Ако можеш секогаш да се сконцентрираш на сегашноста, ќе бидеш среќен човек.“

1. Стравот е поголема препрека од самата препрека

„Кажете му на своето срце дека стравот од патење е полош од самото патење. И дека ниедно срце не патело кога ги барало своите соништа, бидејќи секоја секунда помината во потрага е средба со Бога и со вечноста.“

Секоја нова потрага бара блегување во неистражена територија – тоа е застрашувачки. Но, со секој голем ризик доаѓа голема награда. Искуствата кои сте ги стекнале со осварување на вашите соништа ќе направат сѐ да се исплати.

2. Она што е “вистина“ секогаш ќе трае

„Доколку она што човекот ќе го пронајде е направено од чиста материја, тоа никогаш нема да се расипе. И секогаш може да се врати. Ако она што сте го пронашле е само момент на светлост, како експлозија на ѕвезди, нема да најдете ништо на патот назад.“

Вистината може да биде прикриена со чад и огледала – таа секогаш ќе биде цврста. Кога барате „вистинска“ одлука, таа ќе биде онаа која ќе ги издржи тестовите на времето и тежината на испитувањата и проверките.

3. Прекинете ја монотонијата

„Кога секој ден е ист како претходниот, тоа е поради тоа што луѓето не ги препознаваат добрите работи кои се случуваат во нивните животи секој ден кога излегува сонцето.“

Благодарноста е пракса на пронаоѓањето на доброто во секој ден. Животот лесно може да почне да стагнира, да стане монотон, но тоа се менува во зависност од тоа што ќе избереме да видиме. Секогаш постои сребрена облога, ако ја побарате.

4. Прегрнете ја сегашноста

„Затоа што не живеам во минатото ни во иднината. Ме интересира само сегашноста. Ако можеш секогаш да се сконцентрираш на сегашноста, ќе бидеш среќен човек.“

Нема смисла да се живее во минатото и да дозволите тоа да ве дефинира, ниту пак да се изгубите и да се грижите за иднината. Но, во сегашниот момент, вие сте на полето на можностите – така ќе се вклучите во сегашниот момент и ќе го насочите вашиот живот.

5. Вашиот успех има ефект на бранови

„Тоа го прават алхемичарите. Тие покажуваат дека кога се трудиме да бидеме подобри од она што сме, сѐ околу нас станува подобро.“

Растењето, промените и еволуцијата се наоѓаат во ткивото на реалноста. Да се биде подобра верзија од себе создава ефект на бранови кој оди во корист на сите околу вас: вашиот животен стил, на вашето семејство, пријателите, вашата заедница.

6. Донесете одлука

„Кога некој ќе донесе одлука, тој во потполност впловува во силна струја која што го носи до места до кои никогаш не ни сонувал дека ќе дојде.“

7. Бидете нереални

„Јас го гледам светот во светлото на она што би сакал да се случи, а не она што всушност се случува.“

Некои од најголемите пронајдоци не би се случиле, доколку луѓето избрале да го прифатат светот онаков каков што е. Големите достигнувања и иновации почнуваат од начинот на размислување кој го игнорира невозможното.

8. Продолжете да се враќате

„Меѓутоа, тајната на животот е да паднеш седум пати и да станеш осмум пати.“

Затоа што осмиот пат може да биде вашиот успех. Некои од најголемите романи во историјата се објавени по стотина години. За среќа, тие автори никогаш не се откажале.

9. Фокусирајте се на сопственото патување

„Ако некој не е она што другите сакаат да биде, другите се лутат. Се чини дека сите имаат јасна визија за тоа како другите луѓе треба да ги водат своите животи, но не знаат ништо за својот живот.“

Лесно е да се биде под влијание на другите, но ќе останете мизерни ако на крај живеете туѓ живот. Нема ништо лошо во прифаќањето на совети и учењето од други, но погрижете се тоа да биде во склад со вашите желби и страсти.

10. Секогаш преземете мерки

„Постои само еден начин на учење. Тоа е низ акција.“

Може да учите, читате и слушате, но потполно искуство се сктекнува кога ќе преземете акција. Кога добро ќе се насочите кон метата, тогаш повлечете го чкрапалото.

Најчитани

Твитови