НАСА: Марс не може да биде погоден за живот

Една од амбициите на Илон Маск, но и на човештвото воопшто, е еден ден Марс да биде погоден за живот. И тоа не со херметички затворени комплекси, туку со атмосфера како оваа на Земјата.

Сепак, според ново истражување на научници од НАСА, тоа не е можно, пишува списанието „Нејчр“.

Марс има водени испарувања и јаглероден диоксид во количества, што можат да предизикаат затоплување на планетата. Но, тоа може да се покаже како недоволно за создавање услови за живот каков што има на Земјата.

За тоа влијаат повеќе фактори, како што е недостигот на други гасови, неопходни за затоплување на Црвената Планета, смета Брус Жакоски, раководител на новиот труд. Освен тоа, атмосферскиот притисок таму е само еден отсто од тој на Земјата, а атмосфера исто така е неопходна за покачување на температурите на ниво доволно високо за да се задржи водата во стабилна течна состојба.

- Марс не може да биде прилагоден со сегашната технологија. Анализите покажуваат дека дури и при оптимални услови на искористување на јаглеродниот диоксид, тоа ќе ја затопли планетата само за 5 отсто од потребното, објаснува Жакоски.

Научниците ја разгледуваат и опцијата за „внесување" на потребните гасови преку пренасочување комети и астероиди кон Марс. Но, за тоа се потребни илјадници такви вселенски тела и тоа ја прави замислата непрактична.

Затоа, засега очекувањата се дека првиот чекор треба да биде изградба на научно-експерименталните бази на нашата соседна планета. 

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови