Микс музички преработки кои звучат подобро и од оригиналите. Уживајте! (ВИДЕО)

На Интернетот постојат многу талентирани луѓе кои се надеваат дека ќе ја започнат нивната музичка кариера правејќи преработки на популарни песни и објавувајќи ги на Јутјуб.

Се разбира, постојат и познати артисти кои прават кавери, но има нешто неверојатно кога ќе слушнете странец како ја пее вашата омилена песна и прави да звучи поубаво и од оригиналот. Погледнете некои од најдобрите кавери за оваа година.

1. „Thru Your Phone“ – Морган Сеинт

Оригиналот е на Карди Би. Поп артистката ја објави својата компилација минатата година и е опишувана како микс од Лорд, Брудс и Бенкс.

2. „The Middle“ – Boyce Avenue и Енди Кејс

Поп рок бендот Boyce Avenue и 26-годишната Енди познати по нивните кавери направиле неверојатна верзија на песната на Зед, Марен Морис и Греј. Наместо да го зачуваат оригиналниот ритам, тие ја забавиле песната и ги истуриле нивните емоции во текстот.

3. „No Scrubs“ – Џорџа Смит

Џорџа Смит беше вклучена во „Get It Together“ на Дрејк од 2017-та година. Нејзиниот прв албум дебитираше минатиот месец, а нејзината верзија на познатата песна на TLC е само уште еден доказ за нејзиниот неверојатен талент.

4. „Your Song“ – Лејди Гага

Неодамна Гага направи кавер на познатата песна на Елтон Џон која оригинално беше издадена во 1970-та година. Навистина не можете да одлучите која верзија е поневеројатна.

5. „In My Blood“ – Чарли Пут

Песната на Шон Мендес е една од најдобрите поп песни за оваа година. Но, верзијата на Чарли е навистина подобра.

 

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови