Животни совети кои секоја мајка треба да му ги предаде на својот син!

Некои животни лекции најдобро се учат на училиште, некои помеѓу луѓето кои ги нарекуваме пријатели, но најдобрите и најдрагоцени лекции се учат дома.

Многу често мајките ја потценуваат својата улога на учителки во животот на нивните синови. Реалноста е дека како ќерките, така и синовите, имаат потреба од мудрите зборови на личностите кои ги довеле на овој свет.

Еве кои скапоцени лекции секоја мајка треба да ги вреже во умот на својот син:

1. Не грижи се за тоа дали јас или твојата избраничка се гордееме со тебе, грижи се дали ти се гордееш со себе.

2. Не дозволувај егото да те спречи да кажеш „Извини“. Ќе изгубиш многу сакани личности и ќе пропуштиш многу шанси поради тоа.

3. Светот не се врти околу тебе. Можеби мојот да, но не и на останатите луѓе. Не биди себичен. Почитувај го туѓото време и секогаш биди точен.

4. „Валканиот“ хумор не е секогаш најзабавна варијанта да насмееш некого. Научи да бидеш забавен на достоинствен и културен начин. Зборовите можат да болат.

5. Девојките во реалниот живот не изгледаат како ангелите од Victoria’s Secret. Не се стреми кон идеалот за жена кој ти го пласираат медиумите и брендовите.

6. Најди личност која ќе знае да те насмее и која ќе те почитува и помини го животот со неа. Твојата љубовна врска ќе влијае на сите останати аспекти од твојот живот.

7. Третирај ја својата сопруга како кралица и таа ќе те третира како крал за возврат.

8. Однесувај се кавалерски кон сите жени, особено кон твојата избраничка. „До крајот на животот“ е прилично долг период за да го поминеш со личност која ја иритираат твоите манири. Биди џентлмен, употребувај го изразот „дамите први“, отворај ѝ ја вратата на саканата… кавалерството не треба да умре.

9. Не ја споредувај својата сопруга со мене. Штом ти си ја избрал да стои до тебе, таа е прекрасна на свој начин.

10. Биди силен, но нежен истовремено. Добрите момци завршуваат први, а не последни.

11. Искажувај ги своите емоции. Со потиснувањето на чувствата креираш темпирана бомба која кога-тогаш ќе експлодира. Наместо душата тивко да ти вреска од фрустрации, да го криеш срамот или да ја гризеш устата од возбуда, изразувај се слободно. Чувствата не се табу тема.

12. Жената може да направи речиси сè што можеш и ти, но твојата помош ќе биде секогаш добредојдена.

13. Ова е рерна, машина за перење, правосмукалка… Научи да ги користиш апаратите во домаќинството. Домашните обврски не се само за жени.

14. Ако девојка отсечно ти одговори „Ништо“ на прашањето „Што ти е?“, треба да знаеш дека те лаже.

15. Кондомите можат да ти го спасат животот.

16. Спуштај го капакот пред да излезеш од тоалетот. Некој треба да ја употреби веце шолјата по тебе.

17. Гордеј се со својот изглед и негувај го. Хигиената е пред сè.

18. Пријателите се најдобри партнери за танцување низ животот. Избери го квалитетот пред квантитетот. Опкружи се со добри луѓе.

19. Не започнувај кавга, но научи како да се одбраниш. Не ја користи тупаницата за да решиш проблем. Таа може да одземе живот. Користи зборови, не раце (освен во самоодбрана).

20. Неследењето на групата не те прави губитник, туку лидер сам на себе. Ако гледаш дека твоите врсници се на лош пат, не им се придружувај само за да се вклопиш. Не ги исмејувај послабите и поддржи ги оние кои се исмевани.

Стилизирајте ја косата, со четка за заби!

Откако ќе ја стилизирате косата, едноставно испрскајте мала количина на лак за коса на четка за заби и нежно измазнете ги непослушните влакна, советува британскиот фризер Patrick Wilson

Познатиот британски фризер Patrick Wilson, кој работи со многу ѕвезди како Cindy Crawford и Kendall Jenner, откри зошто тој секогаш во фризерскиот прибор има четка за заби.

Тој вели дека четката за заби е одлично помагало за измазнување на непослушната коса и врвови.

– Таа е совршена алатка за усовршување на убавината на вашиот изглед, за беспрекорна завршна обработка. Понекогаш наједноставните трикови се најдобри кога станува збор за постигнување на изглед како на црвениот тепих – рече тој.

– Откако ќе ја стилизирате косата, едноставно испрскајте мала количина на лак на четката за заби и нежно измазнете ги неправилностите на косата – ја објасни постапката и препорачува инвестирање во четка со подобар квалитет, а не класична со која што повеќето луѓе ги мијат забите.

Тој ја демонстрирал оваа техника за време на фестивалот за убавина, Гламур во Лондон во 2019 година, на негова блиска пријателка и постојан клиент, пејачката Моли Кинг, која му беше модел во таа пригода.

„Кога Моли се појавува на телевизија или на црвениот тепих, мора да се осигураме дека нејзината коса ќе издржи добро“- рече тој.

Тикови за сите жени: Како да ги проширите чевлите кои ви се тесни?

Табелата со величини можеби била погрешна или стапалата ви се отечени; како и да е набиени палци и пликови по стапалата се загарантирани.

Растегнувањето обично се случува во ширина, а не во должина, бидејќи најдолниот дел од чевлите што е во директен контакт со земјата не може да се растегне многу. Затоа, колку и да ви се допаѓа одреден пар брендирани потпетици, не фрлајте си ги парите на број 38, ако всушност носите 39.

Употребете фен

Доколку се работи за кожени чевли, облечете два пара чорапи – колку подебели, толку подобро. Облечете ги чевлите и дувајте со фенот во нив на средна температура околу 30 секунди. Избегнувајте да дувате на едно место бидејќи може да ја оштетите кожата.

Повторете го процесот додека не почувствувате дека стапалото влегува полесно.

Ставете ги чевлите во замрзнувач

Наполнете една третина вода во мала ќеса за замрзнување. Заврзете ја убаво и осигурајте се дека нема дупка за да истече водата во чевелот. Ставете ја ќесата во чевелот во пределот на прстите, а потоа чевелот ставете го во замрзнувач додека водата не смрзне.

Кога мразот ќе се формира, може да го извадите чевелот дваесетина минути да се отпушти и потоа да ја повторите постапката сè додека не го растегнете доволно.

Купете растегнувач за чевли

Ова е едноставен алат и најмалку ризичен метод за растегнување на чевлите, односно нема да мора да се грижите дека ќе го уништите сјајот на новите чевли, ниту дека ќе ги оштетите со вода. Консултирајте се со чевлар за тоа каде може да се набави ваква алатка, инаку е достапна на amazon.com.

За да ги избегнете ваквите непријатни ситуации, најдобро е да се осигурате дека има барем 1 сантиметар простор од врвот на вашиот највисок прст на ногата до врвот на чевелот. Исто така, се препорачува да купувате чевли на крајот од денот, кога стапалата ви се малку отечени.

Лепа Брена не дозволи на Кија да биде дел од музички настан: „Или таа или јас - изберете!“

Кристина Коцкар беше предвидено да учествува на музички фестивал кој се одржа неодамна на Копаоник, каде што требало да настапи рамо до рамо со најголемите ѕвезди од регионот: Жељко Јоксимовиќ, Лепа Брена, Милица Павловиќ и „Парни ваљак“. И покрај желбата на луѓето од организацијата на фестивалот да ја донесат да пее, Кија беше исфрлена од листата на изведувачи, токму поради фолк кралицата Лепа Брена.

Таа буквално ги условила организаторите: “Или таа или јас”, бидејќи Брена смета дека не треба да споделува сцената со девојка од релно шоу, која има едвај двее-три песни и пее само од пред неколку месеци“ –  потврдил добро информиран извор, додавајќи дека по интервенцијата на фолк ѕвездата, организаторите и го откажале ангажманот на Кија.

 

извор: вистина.мк  

Најчитани

Твитови