Запознајте го човекот кој доби лото 14 пати!

Математичкиот гениј поминал повеќе години во своето истражување со цел да ја оствари целта за на крај да добие „алгоритам за бирање броеви“ заснован на метода која ја нарекол „комбинаторна компресија“.

Користејќи ја оваа метода Стефан тврди дека може прецизно да одреди пет од шест победнички броеви, што го намалува бројот на можни комбинации во лотото на „само“ неколку илјади, од претходните неколку милиони.

Со неговите пријатели се впуштил во ризик и купил огромен блок лото ливчиња, во кој ги внесол комбинациите од својата формула и освоил награда.

Џек потот изнесувал околу 15.000 фунти, а откако ги исплатил сите трошоци му останале околу 3.000 фунти. Тоа било доволно да започне нов живот надвор од земјата и повторно да се обиде со формулата.

Успеал да убеди неколку инвеститори да вложат пари и да изградат лото синдикат и направил паметен систем по кој компјутерите ги пополнуваат листовите со сите можни комбинации.

Добиле 12 лото награди и илјада помали награди низ Австралија и Велика Британија. Интересно е тоа што сопствениците на лотариите иако знаеле за оваа формула, сепак ги забраниле ливчињата кои се пополнети компјутерски, како и купувањето ливчиња на големо.

Но, Стефан имал резервен план. Го искористил својот профит да финансира скаути низ Америка како би одредил која лотарија би била најдобра за неговата идна шема. Основал фирма во Вирџинија, вработил 16 илјади луѓе да му печатат ливчиња и повторно освоил џек пот и многу други помали награди.

Од силна желба за оваа „лотоманија“, Стефан банкротирал во 1995. година, а потоа провел 20 месеци во затвор во Израел поради проневера. Сите американски држави од тогаш воведуваат закони со кои се забранува користењето на стратегијата на Стефан.

„Јас сум човек кој ризикува, но калкулирано. Шансите се на моја страна“, изјавил Стефан во 2012 година за еден романски весник.

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови