Извор на здравје - Корен од Лотус!

Коренот од лотус нуди широк спектар на здравствени придобивки поради неговиот богат нутритивен состав, вклучувајќи ја и неговата способност за подобрување на варењето, намалување на холестеролот, намалување на крвниот притисок, стимулирање на имунолошкиот систем, спречување на разни форми на рак, балансирање на расположението и ублажување на депресијата. Исто така ја зголемува циркулацијата на крвта и одржува соодветна ензимска активност во телото.

Често коренот од лотос се користи како зеленчук во азиската кујна, а се додава и во супи и јадења. Се користи и во природна или прашкаста форма во традиционалната билна медицина. За среќа, овој корен со благородно дејство можете да го најдете и кај нас, во докажаниот кинески ресторан „Ѕвезден океан“, каде што се вборјува во еден од многуте специјалитети, одлично искомбиниран со телешко месо во сос.

Многуте здравствени придобивки на коренот на лотус се должат на неговата уникатна комбинација на витамини и минерали, вклучувајќи калиум, фосфор, бакар, железо и манган, како и тиамин, Пантотенска киселина, цинк, витамин Б6, витамин Ц.

Кога зборуваме за содржината на витамините во коренот на лотосот, витаминот Ц е, секако, најистакнат. 100 грама корен содржат 73% од дневните потреби на овој моќен антиоксидант. Витаминот Ц е важна компонента на колагенот кој ја одржува силата на нашите крвни садови, органи и кожа и исто така е голем стимуланс на имунолошкиот систем. 

Витаминот А е уште еден суштински витамин пронајден во корените на лотусот, за кој се покажа дека ја подобрува кожата, косата и видот. Има одлична антиоксидантна способност и може да ја спречи дегенерацијата на очите, да им помогне на раните да заздрават побрзо и исто така чисти и кожни состојби и воспаленија.

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови