Книга на неделата: „Се уште мислам на тебе“ од авторката Адел Паркс!

Уште еден роман на популарната авторка Адел Паркс пристигна кај нас. „Сè уште мислам на тебе“ е роман полн со приказни за стари пријателства, нова љубов, страста која ја носи со себе и сомнеж дали искреноста е секогаш најдобра опција.

После „Странецот во мојот дом“, „Мажи“, „Чевлите на другата жена“ и „Game over“ македонската читателска публика ќе има можност да чита уште една книга од популарната британска писателка Адел Паркс.

Промоцијата на новата книга на Паркс, ќе се одржи во среда, 11.09.2018 година во книжарницата Култура.

Адел Паркс е совремeна англиска писателка, родена во 1969 година во Англија. Дипломирала на Универзитетот Лестер, каде што студирала англиски јазик и книжевност.

Aдел отсекогаш сакала да стане писателка. Од нејзините изданија, три милиони копии се продадени и преведени на 26 различни јазици. За седумнаесет години има објавено седумнаесет романи и нејзиното име се има најдено на сите листи за најпродавани книги.

Има напишано 15 современи романи и два историски, „Резервни невести“ и „Ако одиш“, чие дејствие се одвива за време и по Првата светска војна.

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови