ЕГО – најголемиот убиец на љубовните врски!

Многу често се поставува прашањето „Кој е најголемиот виновник за распаѓањето на една врска?“ Ова прашање нема еден единствен одговор. Некои ќе кажат дека најголемиот уништувач е недостатокот на доверба, разбирање, почит или пак интимност. Други велат дека љубомората, посесивноста и монотонијата се најчестите причини за распадот на врските. Многу луѓе тврдат дека единственото нешто за коешто не би можеле да прогледаат низ прсти е неверството.

Сите овие причини си имаат своја тежина и не би можеле да кажеме која е најоправданата од нив, бидејќи сите луѓе се различни, со различни сфаќања и приоритети. Сепак, постои еден убиец на љубовните врски кој е толку подмолен што понекогаш не се ни забележува. Тој може да ги уништи и долгогодишните врски, но и оние кои не ни започнале. Тој убива големи љубови, но и симпатии кои штотуку почнале да се раѓаат.

Станува збор за егото. Егото е како силен отров што го поматува разумот и ја зацрнува љубовта. Егото е тоа што им вели на партнерите „Немој да попушташ!“ и им создава притисок да останат „фраери“ до крај. Егото е причината за најголемиот број неиспратени пораки. Причината за сите неодговорени повици. За сите неискажани зборови и чувства неоткриени. За сите разговори што никогаш не се случиле и за сите големи љубови што никогаш не опстанале.

Егото речиси секогаш ја победува љубовта. Егото е тоа што не им дозволува на саканите да си ја признаат грешката. Не им дозволува да простат и да продолжат понатаму. Не им дозволува да му се јават на партнерот и да му кажат колку многу им недостасува. Не им дозволува дека си кажат дека сѐ уште се сакаат и покрај сите проблеми, потешкотии и пречки на патот.

Егото е тоа што им вели дека не смеат да попуштат! Дека мора да останат силни до крај. Никој не смее да прави будали од нив! Не смеат да ризикуваат да бидат повредени или посрамени. Што ќе кажат другите?! Што ќе каже светот ако се дознае дека тие први се извиниле? Што ако им се смеат поради тоа што решиле да простат? Што ако бидат прогласени за „папучари“ поради тоа што ја искажале својата љубов и ја покажале пред сите?

Љубовта не може да процвета ако е полевана со отровот наречен его. Со текот на времето ќе почне да венее и на крајот целосно ќе се исуши. А вие ќе останете горди. Горди на себе што не сте попуштиле и што сте останале силни. Горди што не сте дозволиле никој да си игра со вас. Горди што сте покажале кој е „главен“. Вашето его ќе остане недопрено, непрегазено и величествено.

Ќе тврдите дека врската не успеала поради љубомората, недостатокот на доверба, разбирање и интимност. Ќе се тешите дека не ви било судено и дека сигурно ве чека нешто подобро. Вашето его ќе порасне толку многу што ќе стане доволно големо за да ви застане пред очи и да ви го скрие вистинскиот поглед кон нештата. Но, длабоко во себе, еден тивок, речиси бесчуен внатрешен глас секогаш ќе ви вели: „Да се јавеше прв/а, можеби ќе победеше љубовта и ќе ја спасеше врската.“

Патите од хронични главоболки: Пробајте ги овие техники и ослободете се од болката за миг!

При главоболки создадени од стрес, болката се појавува поради грчeви на мускулите на вратот и рамењата, поради што се намалкува циркулацијата. Причина за тоа можат да бидат и проблеми со ‘рбетот, предолго седење или стоење во иста положба, долг престој во затворен простор, пушење, алкохол.

Масажа на третото око

Оваа техника помага при главоболка од замор. Опуштете се и длабоко дишете, па со вашиот прст допрете ја точката помеѓу двете очи. Оваа масажа на „третото око“ ќе помогне вашата главоболка полека но сигурно да исчезне.

Исхрана

Постојат главоболки кои можат да се појават и навечер, а можат да бидат проследени со симптом на течење на носот. Меѓутоа лекот за ваков тип на главоболка може да се крие токму во исхраната, па затоа во тие моменти најдобро е да консумирате повеќе вода, јаболка, и бадеми.

Визуелизација

Удобно седнете и затворете ги очите, па визуелизирајте ја главоболката - од каков тип и облик е таа. Потоа нагло визуелизирајте ги промените, во зависност од болката која ја чувствувате. Неколку пати длабоко вдишете и кога издишувате секогаш си замислувајте дека преку вашата уста ја испуштате болката.

Подолга и погуста за само 15 дена: Златни совети!

Како да ја направите вашата коса подолга и погуста за само 30 дена?

Сакате долга коса но не помислувате на кратење на истата. Важно е да ја кратите косата редовно ако сакате побрзо да ви порасне. Скратувањето не само што ќе ве ослободи од оштетените и распукани врвови, туку ќе ви помогне и да го одржите здравјето на косата.

Не заборавајте го регенераторот

Постои мит за тоа колку долго треба да го оставите регенераторот да делува, и тој мит е лажен. Спротивно на популарното верување, тој веднаш делува на косата. Покрај тоа ја штити косата од пешкирот додека е влажна. Немојте да мислите дека регенераторот е наменет само за некои видови коса. Потребно е да го користат сите.

Магични состојки

Пиво. Обидете се да го зовриете. Откако ќе зоврие додајте го вашиот шампон во него и измијте ја косата. Можете да го правите ова 2-3 пати неделно. Шампонот со пиво ќе ги отстрани сите нечистотии од косата и е одличен регенератор.

Неделна грижа со масла и маски

Маската или маслото за коса треба да ги користите еднаш неделно. Маслото нанесете го на сува коса и потоа лесно ќе можете да го отстраните со шампон. Можете да користите состојки како мед, лимон, авокадо, маслиново масло и сок од кромид за да направите маска за коса.

Правилно сушење на косата

Жените често ја врзуваат косата во пешкир после миење, но ова ја оштетува. Ако се обидувате да ја пораснете косата, држете се настрана од апаратите за обликување со топлина како фен и пегла. Секој вид топлина ја оштетува косата. Најдобро е да користите фен кога косата е барем 60% сува. Исто така нанесете спреј за заштита од топлина.

Дозволете ѝ на косата да дише

Ако сакате да порасне, немојте да ја врзувате косата. Влечењето предизвикано од врзувањето може да ја оштети. Косата е склона и кон инфекции кои го намалуваат нејзиниот раст. Па, потребно е одвреме-навреме да правите третмани против нив. Друго важно нешто е покривањето на косата. Топлината од сонцето може да ја оштети и вашата коса, не само кожата.

Поретко миење

Вистина е дека чистата коса расте побрзо, но честото миење нема да ви биде од многу помош. Секојдневното миење може да ја исуши косата и да ги отстрани природните масла. Исто така нежно масирајте ја главата додека ја миете или чешлате вашата коса.

Ги голтате лековите без вода? Последиците по здравјето може да бидат страшни!

Секој лек, било да е во форма на таблетка или капсула, треба да се зема со одредена количина течност. Но и покрај тоа, некои луѓе ги голтаат лековите „на суво“, без да знаат дека тоа може да наштети на нивниот организам.

Голтањето на таблетките може да предизвика низа несакани ефекти и наместо да ви помогнат, дополнително да го загрозат вашето здравје.

Најпрво, можете да го повредите хранопроводот, од ситни гребнатинки до сериозни оштетувања. Некогаш може да почувствувате нагони на повраќање или иритација на хранопроводот, а можно е и капсулата или апчето да се заглават и да предизвикаат непријатна болка додека да се стопат.

Некои лекови може да предизвикаат и иритација и оштетувања на слузокожата во желудникот. Затоа, секогаш читајте го упатството за начин на употреба на лекот и држете се до него.

Најчитани

Твитови