Што значи плачењето после секс за вас и вашиот партнер?!

Дали некогаш сте плачеле после секс или сте биле со некој што го направил тоа? Како и да е, ова искуство може да биде навистина интензивно и збунувачко. Најверојатното првото нешто што ќе си го помислите е дека се случило нешто ужасно. Но, вистинското значење на ова може да биде навистина комплицирано.

Плачењето после секс не секогаш значи дека партерот е тажен, во болка или дека е преплавен со емоции. Плачењето после секс може да значи речиси сè. Според доктор Џошуа Клапов, психолог, солзите по сексот можат да покажат што било, од емоционален стрес, до интензивно задоволство. Тој нагласува дека ако се случи, важно е да го разберете контекстот, односно причината. Погледнете за кои нешта експертите веруваат дека се причини за плачењето после секс.

Солзи од задоволство или среќа

Само затоа што некој плаче после секс, не значи дека треба да паничите. Постојат ситуации во кои солзите се всушност знак за нешто позитивно. Понекогаш плачењето по сексот може да биде сосема здрава работа. Тоа значи дека се искажувате сексуално откако сте имале многу потиснати чувства, а сега чувствувате среќа и љубов и сте преплавени со емоции. Плачењето е емоционален вентил и не значи дека не сте среќни.

Понекогаш солзите можат да бидат резултат од интензивни чувства на љубов и поврзаност. Ова се солзи радосници, но фокусирани на чувствата кон партнерот. Физичкото задоволство од сексот може да предизвика солзи, но во тој случај се помалку фокусирани кон партнерот, а повеќе кон вас.

Сексот може да предизвика моќни емоции

Сексот може да биде навистина интензивно искуство, па поради тоа можат да се појават и солзи. Тој може да направи вистинска поплава од емоции кои не мора да бидат директно поврзани со самото искуство. Некои од овие емоции можат да бидат чувство на намалено задоволство, вина бидејќи се чувствувате добро, каење за минати врски и слично. Резултатот од овие неповрзани чувства може да биде солзи по секс.

Понекогаш сексот може да ги вознемири жртвите на сексуално насилство. Ако не сте ги кажале вашите тајни и сексот ве потсетува на чувствата од тоа искуство, можно е да плачете по интимниот однос. Можеби повторно ќе се почувствувате како жртва и нема да знаете како да разговарате за тоа.

Анксиозност или срам од перформансот

Понекогаш плачењето е поради анксиозноста и срамот во сегашноста, особено заради чувства на неадекватност и лош перформанс. Ако почувствувате дека не сте доволно добри во кревет или дека не сте го задоволите партнерот, можно е да се појават солзи по односот.

Плачење од физичка болка

Плачењето по секс може да биде причинето и од нешто очигледно, како физичка болка. Понекогаш сексот може да биде болен, а кога чувствувате физичка или емоционална болка вие плачете.

Како најдобро да реагирате кога партнерот ќе заплаче по сексот?

Никогаш не треба да го игнорирате плачењето на партнерот. Најдобро е прво нежно да поставите некое од следниве прашања: Дали си во ред? Да не те повредив? Што можам да направам?

Можете да понудите поддршка така што ќе побарате дозвола да го прегрнете партнерот. Важно е да прашате бидејќи понекогаш во овие ситуации луѓето не сакаат да бидат допрени. Многу често луѓето не сфаќаат зошто партнерот плаче по сексуалниот однос. Ако не можете да го прочитате изразот на партнерот можете да го прашате: Како се чувствуваш? Што чувствуваш, што размислуваш и што те натера да заплачеш?

Најчесто ќе добиете одговор, но ако партнерот не сака да разговара никогаш не го притискајте да одговори. Тоа не значи дека вие сте причината за плачењето.

Кога да бидете загрижени?

Иако не е лесно да го гледате партнерот како плаче, нема потреба да бидете загрижени, особено ако тој или таа ви ја објасни ситуацијата. Обично ова се случува ретко. Но, ако плачењето е поради траума, болка или вознемирување, можеби треба да се загрижите. Комуницирајте, но немојте да создавате притисок. Ако забележите шема во однесувањето, важно е да реагирате. Ако на пример партнерот постојано плаче после сексуалниот однос, а не разговара со вас, потребно е да дознаете што се случува.

Клучни за справувањето со плачењето по сексот се нежноста и емпатијата и најважно од сè, немојте да судите. Факт е дека сексот може да предизвика нешта што не ги очекувате кога најмалку ги очекувате. Некои од овие емоции се моќни и неверојатни, а некои можат да бидат навистина болни. Само фокусирајте се на тоа да бидете овде за вашиот партнер и бидете добри кон себе без разлика дали вие или партнерот плачете по сексуалниот однос.

Погледнете и што откриваат истражувањата за плачењето после секс.

Папагалот со злобната насмевка (урнебесно видео)

Најверојатно на папагалов омилени му се негативците во филмовите, па решил и он да ги имитира. Колку само заразно се смее.

Бедра, стомак или задница: 5 закони за слабеење на секој дел од телото

Дали некогаш сте се запрашале зошто масното ткиво секогаш најмногу ви се таложи на одреден дел од телото? Науката вели дека дистрибуцијата на маснотиите е поврзана со одредени здравствени навики.

А ако знаете зошто најмногу се дебелеете во пределот на стомакот или бедрата, тогаш и најлесно ќе изберете режим на исхрана или телесни вежби кои ќе ви помогнат да ослабете.

Еве како да постапите со петте најкритични делови на телото.

1. Горен дел од телото

Масното ткиво најмногу се таложи на стомакот, грбот, рамениците, пределот на градите, и на рацете до лактите. Причина за вакво нешто е лошиот режим на исхрана и недостатокот на физичка активност. Воведете промени во исхраната кои вклучуваат внесување на 500 до 1000 калории помалку дневно, пет пати неделно вежбајте 30 до 60 минути, а најдобро е да се одлучите за кардио вежби (возење велосипед, брзо одење). Вежбите правете ги со темпо кое што не ви е напорно дури и ако разговарате со друга личност.

Вклучете и вежби за горниот дел од телото, како на пример склекови, вежби за стомачни мускули, екстензии и слично.

2. Подрачјето на стомакот од папокот до лумбалниот дел на грбот

Ако се дебелеете најмногу во пределот на стомакот, тоа може да биде знак за прекумерна работа на хормонот за стрес, кортизолот. Потрудете се да се храните поздраво, да консумирате храна богата со влакна, витамини и минерали, и да практикувате вежби кои вклучуваат и техники за полесно поднесување на стресот, како на пример јога или пилатес.

Ако вашиот стомак пак е постојано надуен, тоа може да биде последица од потешкотии при дишењето или прекумерна конзумација на алкохол. Намалете го вносот на алкохол или посетете го вашиот доктор ако имате проблеми со дишењето.

3. Подрачјето на стомакот од градите, како и целиот грб

Ова е знак дека не сте премногу физички активни, но и се храните лошо, односно прескокнувате оброци и потоа се прејадувате. Обидете се да внесувате пет умерени оброци дневно, да јадете помали порции и што повеќе здрава, нискокалорична храна. Освен тоа бидете и физички активни, движете се повеќе, пливајте и практикувајте вежби за грбот и стомакот.

4. Подрачјето на стомакот, бедрата и задникот

Ако ви се натрупува масно ткиво најмногу на оваа, за многу жени "критична зона", тоа е јасен знак дека не сте доволно физички активни. Фокусирајте се на вежби за издржливост на долниот дел од телото, а одличен избор би биле кружните тренинзи и велосипедизмот.

5. Подрачјето на стoмакот, задикот и целите нозе

Масното ткиво кое што го зафаќа долниот дел од телото, вклучувајќи ги и ножните листови, вообичаено е последица од бременост. При ваков проблем важи истиот совет како и под број 4, односно за подрачјето на стомакот, бедрата и задникот.

Конечно откриено: Kолку често паровите водат љубов?

Колку пати сте се запрашале колку често другите парови водат љубов и колку пати неделно е нормално да имате секс, а тоа да не претставува обична рутина? Американски доктор за сексуално здравје ви открива колку често паровите водат љубов.

Според најновите истражувања, паровите кои се во брак или долгогодишна врска имаат односи во просек два до три пати неделно.

Уште еден интересен податок е тоа дека просечниот маж доживува оргазам за две минути од почетокот на сексуалниот однос што најчесто е премногу брзо за неговата партнерка. За една жена се потребни пет до седум минути за таа да постигне оргазам.

Помладите парови дури сметаат дека е нормално да се води љубов и неколку пати на ден, додека паровите со возраст над 20 години имаат односи еднаш во три дена. Со годините сексуалната активност опаѓа, па паровите помеѓу 30 и 50 години водат љубов еднаш неделно, додека после педесетата година и помалку од еднаш неделно.

Сексот дефинитивно е најзастапен кога врската е на самиот почеток, па тогаш паровите се сексуално активни дури секој ден.

Сепак, не треба да се генерализираат ваквите работи, бидејќи секој пар за себе има различни афинитети и потреби. Па така, ако некому е повеќе до секс, други повеќе уживаат во некои други нешта. Нормален е единствено оној број кој вам најмногу ви одговара.

Колку често вие водите љубов?

Најчитани

Твитови