Стивен Хокинг тврди: Бог не постои, ниту пак живот по смртта!

По смртта на познатиот физичар Стивен Хокинг е претставена книгата „Brief Answers to the Big Questions“ во која ги дава одговорите на десетте најчести прашања што луѓето му ги поставувале, пренесува Independent.

Во универзумот на Хокинг нема место за Господ, бидејќи славниот космолог верувал дека светот што го познаваме е создаден од ништо.

„Нема Господ ни живот по смртта. Сигурно не постои ниту рај. Мислам дека универзумот е спонтано креиран од ништо според законите на науката“, вели Хокинг.

Во пораката наведува дека образованието и науката се во поголема опасност од претходно и дека експертите не се почитувани. Смета дека пред науката се наоѓаат огромни предизвици, како климатските промени, пренаселеноста, уништувањето на шумите, исчезнувањето на одредени видови и слично.

Кои се најчестите прашања што му ги поставувале:

1. Дали Бог постои? – „Не, никој не управува со нашиот универзум“.

2. Како сè започна? – „Со Големата експлозија“

3. Што има во црната дупка? – „Паѓањето во црна дупка дефинитивно е лоша вест. Ако тоа би било ѕвездена дупка би станале шпагети пред да дојдеме до хоризонтот“.

4. Можеме ли да ја предвидиме иднината? – „И да и не. Всушност, законите ни овозможуваат да ја видиме иднината, но во реалност тоа е премногу тешко“.

5. Дали е возможно патувањето низ времето?  - „Според нашите сегашни сознанија патувањето во минатото не може да се исклучи“.

6. Ќе преживееме ли на Земјата? – „Сегашниот светски поредок има иднина, но ќе биде многу поинаква“.

7. Дали постои интелигентен живот во вселената? –„Постојат облици на интелигентен живот, но мораме да бидеме внимателни во одговорот додека сè уште не се развиеме“.

8. Дали треба да ја колонизираме вселената? - „Очекувам дека во следните 100 години ќе можеме да патуваме било каде во Сончевиот систем“.

9. Дали ќе нè надмудри вештачката интелигенција? – „Вештачката интелигенција ќе биде добра во постигнување цели, но ако тие цели не се совпаѓаат со нашите, ќе имаме проблем“.

10. Како да ја обликуваме иднината? - „Запомнете да гледате горе во ѕвездите, а не доле во вашите нозе“.

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови