Внимавајте: Опасни бактерите кои се отпорни и на најмоќните антибиотици!

Како последица на заразата од супербактерии отпорни на антибиотици секоја година умираат околу 33.000 Европјани, според податоците на Европскиот центар за превенција и контрола на болести (ЕЦДЦ) во чиј извештај се наведува дека тие болести се споредуваат со смртните последици од грип, туберколоза и ХИВ заедно.

Во анализата на ЕЦДЦ, бројот на инфекции отпорни на супербактерии се повеќе се зголемува, а евидентирани се голем број бактерии кои се отпорни и на најмоќните антибиотици од групата карбепенема-ЦРЕ. Станува збор за опасни и тешко излечиви ентеробактерии, резистентни и на најмоќните  антибиотици  меѓу хоспитализираните пациенти каде речиси е невозможно лечењето на инфекциите.

Карбапенеми се бета-лактамски антибиотици со широк спектар на делување и се последна линија на одбрана кај резистентните бактерии. 

Супербактериите се шират со огромна брзина, а најчеста причина е претераната употреба на антибиотици во одделите за интензивна нега, каде се лекуваат тешко болните пациенти. 

Стратегијата за спречување и контрола на бактериите отпорни на антибиотици налага координирана активност на ЕУ и Европската економска област (EEA) на глобално ниво, но имајќи ги во предвид различностите на случаевите се наметнува индивидуалнен пристап прилагоден кон секоја држава пооделно.

Лесната достапност, препишувањето без адекватна индикација и претераната употреба на антибиотици во земјоделството ја предизвикаа појавата и ширењето на овие бактериски врсти. Денес голем број бактерии во својот ген содржат поголем број гени кои се резистентни и отпорни на различни класи антибиотици.

Истовремено, поедини причинители во блиска иднина можат да станат резистентни на сите достапни антимикробни лекови, поради кои експертите предупредуваат дека се приближуваме на т.н. постантибиотска ера.

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови