Како да најдете љубов, според вашиот хороскопски знак?

Сакате да ја најдете својата сродна душа? Хороскопот може да ви помогне...

Овен

Успорете малку. Уживајте во малите моменти. Престанете да се плашите од врзување. Не се плашете од времето кое го минувате со другата личност, така можете подобро да ги запознаете. Одете на кафе или пијачка, без агенда. Одете на мали авантури заедно. Не мора сите работи да се премногу сериозни.

Бик 

Прифатете дека не знаете сè за љубовта. Знаеме дека имате стандарди, но не морате постојано да им држите предавања на сите дека знаете сè. Не можете сите нешта да ги имате под контрола. Бидете трпеливи. Научете го тоа и сè ќе биде во ред.

Близнаци

Запаметете дека не морате сите нешта да ги земате сериозно. Слушајте, следете и потрудете се да останете во сегашноста. Исклучете го вашиот мозок понекогаш, особено кога размислува негативно или крева паника. Дишете. Барајте го тоа што го сакате. Бидете прво искрени со себеси, а потоа и со другите.

Рак

Знајте дека вие го заслужувате светот. Бидете претпазливи со своето срце и емоции, но не и параноични. Отидете си од оние кои не ве ставаат на прво место. Не се трудете да ги поправите луѓето, ќе се изморите. Бидете гласни кога нешто не ви се допаѓа или некој ве повредува.

Лав 

Следете ја понекогаш својата интуиција наместо да следите некаков план. Излегувајте почесто, но не го носете своето его со себе, во секоја ситуација. Слушнете ги малку и другите луѓе. Поставувајте прашања. Запаметете дека не сте секогаш најинтересната личност каде и да се појавите.

Девица

Дозволете и на својата прагматичност да ви даде насока во животот, но не и да контролира сè што правите. Преземајте ризици и бидете отворени кон своето срце. Не мислете дека сите нешта мора да се практични и спроведливи. Уживајте малку повеќе во животот. Дајте си малку повеќе слобода за тоа.

Вага

Правете ги работите бидејќи сакате, а не зошто морате. Престанете да ги задоволувате сите луѓе околу вас. Кога сте со некоја личност, посветете се на неа и не размислувајте на другите места каде можете да бидете и другите луѓе со кои можете да бидете. Верувајте му на вашиот инстинкт и така бирајте ги партнерите. Направете избори кои ќе ве направат среќни и игнорирајте што мислат другите за вас.

Скорпија

Дајте си шанса да бидете среќни. Бидете онакви какви што сте-  не се менувајте за другите луѓе. Бидете свесни за вашите негативни мисли, колку сте посвесни за нив, толку полесно можете да се ослободите од негативноста. Кога сте позитивни, можете да привлечете повеќе луѓе околу себе и да најдете љубов.

Стрелец

Направете го првиот чекор. Преземете ризици. Љубовта нема да дојде сама кај вас, ако не ја најдете самите. Запаметете дека само вие имате контрола над вашиот љубовен живот, не некој друг. Бидете среќни и позитивни и окружете се со позитивни луѓе.

Јарец 

Смејте се често. Запаметете дека логиката е важна, но не ви е потребна секогаш. Некои работи немаат смисла, но животот е таков, не барајте смисла во сè. Опуштете се, уживајте во животот. Така полека спонтано ќе ја најдете личноста која силно ќе ве засака.

Водолија

Отворете се, не градете ѕидови околу себе. Дозволете им на другите да ве видат и отворете се пред нив. Движете се во кругови каде можете да запознаете луѓе и не се плашете да ја покажете својата креативна страна.

Риби

Одлучете се што сакате. Одлучете дека заслужувате голема љубов и тргнете по неа. Престанете да се споредувате со другите и не идеализирајте премногу. Верувајте дека заслужувате нешто и така ќе го добиете тоа.  

Стилизирајте ја косата, со четка за заби!

Откако ќе ја стилизирате косата, едноставно испрскајте мала количина на лак за коса на четка за заби и нежно измазнете ги непослушните влакна, советува британскиот фризер Patrick Wilson

Познатиот британски фризер Patrick Wilson, кој работи со многу ѕвезди како Cindy Crawford и Kendall Jenner, откри зошто тој секогаш во фризерскиот прибор има четка за заби.

Тој вели дека четката за заби е одлично помагало за измазнување на непослушната коса и врвови.

– Таа е совршена алатка за усовршување на убавината на вашиот изглед, за беспрекорна завршна обработка. Понекогаш наједноставните трикови се најдобри кога станува збор за постигнување на изглед како на црвениот тепих – рече тој.

– Откако ќе ја стилизирате косата, едноставно испрскајте мала количина на лак на четката за заби и нежно измазнете ги неправилностите на косата – ја објасни постапката и препорачува инвестирање во четка со подобар квалитет, а не класична со која што повеќето луѓе ги мијат забите.

Тој ја демонстрирал оваа техника за време на фестивалот за убавина, Гламур во Лондон во 2019 година, на негова блиска пријателка и постојан клиент, пејачката Моли Кинг, која му беше модел во таа пригода.

„Кога Моли се појавува на телевизија или на црвениот тепих, мора да се осигураме дека нејзината коса ќе издржи добро“- рече тој.

Тикови за сите жени: Како да ги проширите чевлите кои ви се тесни?

Табелата со величини можеби била погрешна или стапалата ви се отечени; како и да е набиени палци и пликови по стапалата се загарантирани.

Растегнувањето обично се случува во ширина, а не во должина, бидејќи најдолниот дел од чевлите што е во директен контакт со земјата не може да се растегне многу. Затоа, колку и да ви се допаѓа одреден пар брендирани потпетици, не фрлајте си ги парите на број 38, ако всушност носите 39.

Употребете фен

Доколку се работи за кожени чевли, облечете два пара чорапи – колку подебели, толку подобро. Облечете ги чевлите и дувајте со фенот во нив на средна температура околу 30 секунди. Избегнувајте да дувате на едно место бидејќи може да ја оштетите кожата.

Повторете го процесот додека не почувствувате дека стапалото влегува полесно.

Ставете ги чевлите во замрзнувач

Наполнете една третина вода во мала ќеса за замрзнување. Заврзете ја убаво и осигурајте се дека нема дупка за да истече водата во чевелот. Ставете ја ќесата во чевелот во пределот на прстите, а потоа чевелот ставете го во замрзнувач додека водата не смрзне.

Кога мразот ќе се формира, може да го извадите чевелот дваесетина минути да се отпушти и потоа да ја повторите постапката сè додека не го растегнете доволно.

Купете растегнувач за чевли

Ова е едноставен алат и најмалку ризичен метод за растегнување на чевлите, односно нема да мора да се грижите дека ќе го уништите сјајот на новите чевли, ниту дека ќе ги оштетите со вода. Консултирајте се со чевлар за тоа каде може да се набави ваква алатка, инаку е достапна на amazon.com.

За да ги избегнете ваквите непријатни ситуации, најдобро е да се осигурате дека има барем 1 сантиметар простор од врвот на вашиот највисок прст на ногата до врвот на чевелот. Исто така, се препорачува да купувате чевли на крајот од денот, кога стапалата ви се малку отечени.

Лепа Брена не дозволи на Кија да биде дел од музички настан: „Или таа или јас - изберете!“

Кристина Коцкар беше предвидено да учествува на музички фестивал кој се одржа неодамна на Копаоник, каде што требало да настапи рамо до рамо со најголемите ѕвезди од регионот: Жељко Јоксимовиќ, Лепа Брена, Милица Павловиќ и „Парни ваљак“. И покрај желбата на луѓето од организацијата на фестивалот да ја донесат да пее, Кија беше исфрлена од листата на изведувачи, токму поради фолк кралицата Лепа Брена.

Таа буквално ги условила организаторите: “Или таа или јас”, бидејќи Брена смета дека не треба да споделува сцената со девојка од релно шоу, која има едвај двее-три песни и пее само од пред неколку месеци“ –  потврдил добро информиран извор, додавајќи дека по интервенцијата на фолк ѕвездата, организаторите и го откажале ангажманот на Кија.

 

извор: вистина.мк  

Најчитани

Твитови