Како да постапите со партнерот доколку Ве „притиска“ да си ги кажете лозинките, а вие не сакате!

Вие и вашиот партнер знаете сè еден за друг. Ја знаете вашата омилена храна, омилени филмови, алергии и семејна историја. Се сакате целосно, но каде е границата помеѓу тоа да знаете сè и да ја почитувате вашата приватност?

На пример, можеби партнерот сака да си ги кажете лозинките, а вие не, и ова може да ве стави во тешка положба. Сепак, тоа е ваш телефон, ваш Инстаграм профил, ваш имејл и немате што да криете. Дали има потреба да ја споделите лозинката?

Ако воопшто не се согласувате со оваа идеја, а партнерот постојано ве притиска, може да биде тешко да најдете заеднички јазик. Добро е за почеток да се обидите да разберете зошто партнерот го сака тој чекор. Ова барање може да значи неколку нешта за кој било партнер, како на пример, симбол за близина и созревање во врската. Ако барањето е на оваа основа, најдете начин да ја создадете потребната близина така што ќе ви одговара и на двајцата.

Но ова барање може да значи и недостаток на доверба и желба за „душкање“. Ако барањето потекнува од проблеми со довербата, потребно е да најдете што го предизвикало тоа и како одново да ја изградите. Во овој случај можеби и ќе треба да се согласите и да ја кажете вашата лозинка. Кога ќе ја разберете причината на партнерот, ќе знаете и што му е потребно за врската да функционира и дали тоа е нешто што можете да му го дадете.

Ако сметате дека партнерот ви бара лозинка затоа што не ви верува, мора да разговарате за тоа Наместо веднаш да се почувствувате повредено или навредено бидејќи партнерот не ви верува, обидете се да ја најдете причината. Можеби проблемот е посериозен отколку што мислите. Откако ќе го разберете партнерот, вам ви е редот да објасните зошто не сакате да си ги кажете лозинките. Можеби едноставно сте личност што ја сака својата приватност и не сакате да споделувате сè.

На крајот од краиштата, не сте должни никому да ја кажувате вашата лозинка. Ако вашиот партнер има големи проблеми со довербата во врската, тоа е сосема друг разговор. Но ако причината е желба за поврзаност, објаснете му колку ви значи вашата приватност.

 

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови