Не е се така СЈАЈНО. Мрачните тајни на Дубаи!

1. Работниците работат 14 часа дневно на температура од околу 40 степени целзиусови

Дубаи се развива со неверојатна брзина, а додека ја читате оваа статија, градот веројатно добил барем една градба или пат во своја сопственост. Иако тамошните моќни луѓе можат да ги имаат сите пари на светот, сè уште им е потребна старата и „обична“ работна сила за да ги градат работите толку брзо. Проблемот е во тоа што богаташите мислат дека таа работна сила не би требало да се третира како останатите граѓани, па повеќето од нив живеат во ужасни услови и се изложуваат на опасности секој ден. 

2. Затвор поради бакнување во јавност  

Луѓето во Дубаи претежно се муслимани, што значи дека правилата, особено оние за интимноста, се многу строги. Сите оние „кул“ слики на Инстаграм лесно можат да ве залажат прикажувајќи го градот како либерално место, но тоа е најголемата грешка која можете да ја направите при посетата на Дубаи. Не само што бакнувањето е забрането, туку е илегално и да се држите за раце во јавност – а, туристите кои ќе ги прекршат тие правила плаќаат огромни казни. Ако решат да се побунат, им се заканува и затворска казна. 

3. Трговија со луѓе

Иако законите се строги кога станува збор за алкохол, дрога и секс, правилата не важат секогаш. Девојката може да се најде во неволја само ако чекори по улица со непокриени раце, но, кога ќе падне ноќ – сè се менува. Најстариот занает во светот цвета во Дубаи – постојат повеќе од 30 илјади проститутки кои отворено ја покажуваат својата кожа и наплаќаат по 500 долари на час. Но, тоа не е главниот проблем. Најголемиот проблем е што претприемачите и моќните луѓе ја поддржуваат проституцијата и заработуваат од неа, а белото робје е валканата јавна тајна на Дубаи пред која полицијата замижува, пишува Express.hr. 

4. Фрлање огромни количини на вода за пиење  

Со оглед на тоа што е лоциран во пустина, Дубаи мора да увезува вода. Се` додека парите таму „растат на дрво“, расфрлувањето со вода за пиење не го гледаат како проблем. На пример, таму постои голем број на голф игралишта за чие одржување се трошат околу 4 милиони литри вода на ден, само за тревата да остане зелена. Додека остатокот од светот се соочува со недостатоци на вода за пиење и навистина постојат луѓе кои умираат од жед, во Дубаи не се грижат за тоа се` додека можат на мира да играат голф. 

5. Кога ќе ја снема нафтата, сè ќе пропадне

Не е тешко да се изгради овој рај среде ништо сè додека се има изобилство на „црно злато“. Сите знаат дека областа на Средниот Исток значително зависи од нафтата и дека тоа им е единствената надеж на економијата. Но, се чини дека луѓето во ОАЕ не сфаќаат дека ништо не трае вечно, а прогнозите откриваат дека нафтата веројатно ќе ја снема за околу 20 години. Тогаш, или нема да биде доволна, или цената ќе биде толку висока, што луѓето ќе се префрлат на други извори на енергија. А, што ќе се случи тогаш со Дубаи? Најверојатно нивниот златен меур ќе експлодира, а скапите трошоци за одржување ќе ги однесат во губитоци. 

6. Луд расизам  

Во 21-ви век поголемиот дел од светот не го прифаќа расизмот како норма. Сепак, човечкиот род е подготвен да прави исклучоци, па на пример, никому не му е грижа што расизмот е движечка сила на Дубаи. Градот е брутално место со диви правила, каде што човекот вреди онолку колку што му вреди неговиот пасош. На пример, за иста работа во исто претпријатие, работниците од Европа и Америка добиваат двојно поголема плата од колегите од земјите од третиот свет. 

7. Работниците ги претвораат во робови, одземајќи им ги пасошите

Колку подлабоко се копа, толку повеќе излегуваат на виделина мрачните приказни и кривичните дела. Така, Дубаи е место каде што ропството сè уште е присутно. Секако, формално сè е легално, но во пракса луѓето од земјите како Индија, Пакистан и Кина се принудуваат да работат прекувремено за речиси никакви пари. Освен тоа, многу од тие несреќници не можат да го напуштат Дубаи, бидејќи владата или компаниите по нивното доаѓање им ги одземаат пасошите. Тоа не е сценарио од филм, туку суровата реалност на луѓето кои емигрирале таму со надеж за подобар живот, но наскоро откриле дека дошле во пекол. 

8. Отворено ја уништуваат околината  

Со помош на робовската работна сила, Дубаи забрзано се развива, а секој ден се појавуваат нови комплекси од никаде. Инвеститорите не сакаат да чекаат за нив, а од секое градилиште доаѓаат големи количини на ѓубре, канализација и хемиски отпад. Системите за заштита не можат да го следат темпото на развој, па компаниите го фрлаат својот отпад на некое друго место. Тоа обично го подразбира морето. 

9. Дивите животни таму не се диви

Богаташите од Дубаи имаат толку многу пари, што веќе не знаат на што да ги потрошат. Некои купуваат позлатени автомобили, други пливаат во млеко, но најновиот тренд е да набават егзотично и диво животно како домашно милениче. Шеиците повеќе не се задоволни со кучиња и мачки, туку купуваат тигри, пантери, лавови и слично. Притоа плаќаат тренери и дресери кои ги злоставуваат животните во обид да ги цивилизираат. 

10. Слободата на говорот е мит, а земјата е диктатура  

Ако некој изнесе јавно мислење со кое не се согласуваат моќните луѓе, добива телефонски повик од т.н. тајната полиција на Дубаи. Многу директно тие им даваат два избори – да замолчат или да изгубат се` што имаат. Освен тоа, дури 80 отсто од жителите се имигранти, а законот е толку комплициран, што не може да се стане полноправен граѓанин без многу пари и трпение, без оглед на тоа дали таму живеете 10 или 50 години. Ако странец проговори нешто лошо, едноставно го депортираат. 

Уште едно засилување за Борусија Дортмунд: Пристигнува и Брант!

Напаѓачот на германската репрезентација ќе биде нов член на клубот од „Вестфален“. „Милионерите“ жестоко кренаа во летниот преоден рок. До сега потрошија околу 70 милиони евра и тоа за Пако Алкасер кој го откупија од Барселона, на Нико Шулц од Хофенхајм и Торган Азар од Мехенгладбах.

Иако Баер Леверкузен обезбеди пласман во Лигата на шампионите, сепак Џулија Брант се одлучи за чекор понапред. Преговорите помеѓу директорот на Дортмунд, Михаел Цорк и агентот на фудбалерот се веќе во тек, а најважно од се е дека играчот изразил желба да го облече дресот на „милионерите“.

Трансферот би требало да изнесува 25 милиони евра, колку што е откупната клаузула во договорот помеѓу Брант и „фармацефтите“. Реално, Германецот вреди многу повеќе, но Леверкузен мораше да ја прифати оваа клаузула кога го продолжуваа договорот со фудбалерот.

2 работи што се неопходни за долга и среќна љубов

Сигурно не постои рецепт за среќна врска, но постојат некои работи без кои врската не би успеала. Доколку сакате да дознаете дали вашата врска има потенцијал, размислете дали ги има следниве 2 нешта.

1. Слични особини

Веројатно сте слушнале дека спротивностите се привлекуваат, но ако гледате на долгорочен план, потребно е да имате некои сличности со партнерот. Односно, потребно е да делите одредени ставови и погледи за животот. Сепак, доколку сте различни, не значи дека вашата врска е осудена на пропаст. Најважно е да наоѓате компромис и меѓусебно да се надополнувате.

2. Сексуална компатибилност

Доколку сте компатибилни и уживате во интимноста, сè друго може да функционира. Без сексуална компатибилност, врската ќе страда, без разлика колку добро се согласувате во другите области.

НАСА планира првата жена да ја прати на Месечината до 2024 година

НАСА планира првата жена да ја прати на Месечината до 2024 година благодарение на дополнителни приливи во буџетот кои ги одобри американскиот претседател Доналд Трамп, пишува Си-ен-ен.

„Само 12 луѓе оделе по Месечината. Сите биле мажи и сите биле Американци“, вели директорот за комуникации на НАСА, Нетини Инклан, додавајчи дека послениот човек на месечината чекорел во 1972 година.

Наведува дека ни една жена никогаш не чекорела по Месечината.

 

Доналд Трамп во понеделникот откри дека ќе издвои дополнителни 1,6 милијарди долари за НАСА за да можат да „се вратат на Месечината“.

„Под моја управа ќе ја направиме НАСА повторно голема и ќе ја вратиме на Месечината, потоа одиме на Марс“, објави Трамп.

Зголемувањето на буџетот е по иницијалното барање на НАСА за 21 милијарди долари што ќе овозможи повторно враќање на Месечината.

Администраторот на НАСА Џим Бриденстајн изјави дека инвестицијата ќе овозможи НАСА да тргне напред во дизајн, развој и истражување.

Најчитани

Твитови