Се разбудила по 72 часа клиничка смрт!

26-годишна Кинезинка во источната провинција Фуџијан се опоравува по 72 часа клиничка смрт.

Во моментот кога била хоспитализирана срцето и работело забрзано по што запрело. Откако изгубила свест, лекарите констатирале миокардитис – воспалениот на срцевиот мускул и таа била приклучена на апарати.

– Машината која ја користиме може да извршува функции на срцето и белите дробови. На тој начин одржува доток на крв во срцето по срцев застој, објаснува Јанг Ченгбин од болницата при Универзитетот Сијамен.

Срцето на пациентката не започнало да чука ниту по два часа. Меѓутоа, лекарите не сакале да ја прогласат за мртва, иако во термините на клиничка медицина, повеќе не била жива. Наместо тоа ја испратиле на Одделението за интензивна нега каде го одржувале нејзиното срце, белите дробови и бубрези, пренесува Танјуг.

– Таа е млада, никогаш претходно не била болна. Така да си реков дека ќе направам се што е во моја моќ да преживее, рекол Занг Минвеи од Одделението за интензивна нега.

Следното утро нејзиното срце повторно започнало да пумпа крв, а во следите 72 часа и се вратила и свеста.

– Кога ги отвори очите ја прашав дали е жедна и даме фати за рака доколку е. Кога го направи тоа, знаев дека ни се врати, раскажува др. Занг.

Невремето искрши автомобили во Крива Паланка (ВИДЕО)

Невремето кое вчера беснееше во Крива Паланка попладнето, направи голема штета.

Пукнати ветробрански стакла, оштетени објекти се само дел последиците, кои се гледаат во видеото од невремето постирано на сајтот на Курир.

Невремето се случи додека цела Македонија беше во жолта фаза.

Убиство го потресе Скопјe: Семејна драма заврши трагично

Скопјанка била убиена вчера вечер во скопската населба Шуто Оризари, објави 24 Инфо.

Убиството се случило околу 22 часот и 30 минути кога 31-годишната жена настрадала сакајќи да спречи тепачка меѓу двајца братучеди. Тие почнале расправија додека седеле и пиеле во дворот на едниот од нив, па едниот се вратил со нож, а сопругата на едниот од братучедите се обидела да ги смири и раздвои., но во хаосто таа била прободена.
Од МВР го потврдија убиството, а детали денеска.

За една недела 70 нови случаи на морбили

Министерството за здравство информира дека во текот на изминатава недела се регистрирани 70 нови случаи на мали сипаници што е за 17 случаи помалку во однос на претходната недела.

На Клиниката за инфективни болести се лекуваат вкупно 14 пациенти, од кои 12 возрасни и две деца. На одделот за интензивна нега продолжува лекувањето на 16-годишната пациентка со церебрална парализа и ЕPI по морбили и масивна пневмонија.

Кумулативно од почетокот на епидемијата во декември 2018, досега, во нашата држава се регистрирани 1.891 случај на мали сипаници со инциденца од 91,4 на 100.000 жители.

Вкупниот број на вакцинирани лица на возраст до 14 години со МРП вакцина од почетокот на епидемијата, пак, изнесува 29.857. Од нив, 15.250 деца се вакцинирани на територија на градот Скопје, додека пак, во останатиот дел од државата вакцинирани се 14.607 деца.

„Родители ја препознаа важноста за навремено вакцинирање на децата. Не постои друга поефективна медицинска технологија што го заштитила и го унапредила човековото здравје како вакцинацијата. Таа е единствената мерка за заштита од мали сипаници“, велат од МЗ.

Во извештајот на Европската Комисија се вели дека Министерството за здравство презеде чекори за контрола на ситуацијата со епидемијата, преку директна вакцинација во училиштата и детските градинки и со започнување на голема кампања за вакцинација.

„Само со стапка на вакцинација од над 95 отсто од населението, ќе обезбедиме колективен имунитет и ќе биде оневозможено ширење на вирусот меѓу популацијата. Сите деца што се невакцинирани, за да се заштитат од заболувањето, треба веднаш да се вакцинираат“ велат од Министерството.

Најчитани

Твитови