Совети како да помогнете некому при паничен напад!

Напад на паника се случува при ненадејно губење на контрола над емоциите. Панични напади најчесто имаат личности кои се постојано напнати, често се загрижени, со изразена потреба да им се допаднат на останатите и се трудат да им угодат на другите. Тоа се луѓе кои постојано внимаваат да не направат грешка, пречувствителни се и за себе постојано велат дека не трпат неправди.

Експерти за Guardian предлагаат седум начини на кои би можеле да помогнете во текот на паничен напад:

1. Останете прибрани

„Ако имате краток напад на паника можеби е корисно покрај себе да имате некој кој би ве охрабрувал со зборови дека тоа ќе помине“, вели професор по клиничка психологија и применета наука. Важно е нападот да помине и да не дојде до нови пречки. Само ако останете прибрани може да пружите некому сигурност

 2. Информирајте се

Повеќе од 13 проценти од луѓето се подложни на напади на паника, кои можат да бидат многу силни и вознемирувачки. Препознајте ги симптомите, нападите на паника можат да траат меѓу 5 и 30 минути, со симптоми како што се забрзано дишење, потење, забрзана работа на срцето, тресење и мачнина.

3. Поттикнете длабоко дишење

Охрабрете ја личноста во нападот на паника да дише полека и длабоко. Некои препорачуваат да броите на глас или да барате да ве гледаат додека мирно ја кревате раката горе и доле. Постојат и водичи за смирување кои вклучуваат вежби за дишење.

4. Обидете се со „спуштање на земја“

„Некои од симптомите на напади на паника не мораат да бидат втемелени во реалноста“, вели Мартин Антони, професор по психологија на Универзитет во Торонто. Техниките на приземјување или други начини да се чувствувате поврзани со сегашноста, можат да бидат делотворни. Затоа, фокусирајте се на текстура на ќебе, мирис на нешто или допри.

5. Не бидете одбојни туку добронамерни

Вашата реченица „не паничи“ може да биде добронамерна, но обидете се да избегнувате изрази и фрази кои би можеле да звучат одбојно. Немојте да ги омаловажувате, паничните напади се меѓу најинтензивните искуства низ кои може да минете.

6. Охрабрете ги

Паничните напади можат да бидат многу вознемирувачки, некои луѓе кои минале низ таа состојба чувството го опишуваат како да имале срцев удар или како да умираат. Важно е да ја уверат личноста која доживува напад дека не е во опасност. Симптомите, кои можат да се припишат на реакција на телото или борбата, обично се најсилни во првите 10 минути.

7. Прашајте што е потребно

Луѓето често се чувствуваат исцрпено по напад на паника. Внимателно прашајте ги дали сакаат чаша вода или нешто за јадење. Можно е да треперат или да им е претопло. Подоцна, кога ќе си дојдат на себе, може да ги прашате дали нешто од тоа им помогнало во текот на нападот.

Кој плаче повеќе, мажите или жените?

Истражувањето направено во врска со емоционалното празнење, односно плачење покажа - верувањето дека жените плачат почесто е точно. Сепак резулатите се изненадувачки во однос на тоа колку редовно плачат мажите, ако се земе во обзир дека ниеден маж нема да признае дека некогаш плачел.

Припадничките на понежниот пол плачат просечно секој шести ден, а мажите еднаш во 3 недели...

Последното истражување на германски научници покажа дека жените ронат солзи 30-64 пати годишно, а мажите многу помалку, само 17 пати. Додека се деца до 13 години, девојчињата и момчињата плачат речиси подеднакво, но понатаму работите се менуваат.

Истражувањето покажало дека возрасните жени обично плачат долги временски периоди и тоа го прават подраматично за разлика од мажите. Времетраењето на просечно плачење кај жените е околу 6 минути, а кај мажите околу 2-3 минути.

Жените плачат почесто отколку мажите, затоа што на тој начин си ги олеснуваат своите емоции или го отфрлаат чувството на тага. Истото истражување покажало дека 65% од дамите плачат со липање, додека таква ситуација се случува само кај 6% од мажите.

Причините за плачење се разликуваат. Жените плачат кога ќе се соочат со ситуација или проблем за кој е тешко да се најде решение, но и со потсетувањето на тажни и тешки искуства од минатото. Од друга страна, мажите плачат кога сочувствуваат со некоја личност, а многу често поради прекин на љубовна врска.

Како најлесно да ги преболите бившите?!

Сите знаеме дека раскинувањето никогаш не е лесно. Тоа е процес низ кој сите поминуваме различно. 

За да се поштедите од поголема болка и постапки за кои подоцна може да зажалите, бидете разумни и послушајте што вика науката за преболувањето на бившите.

Повеќе во видеото:

Ја идеализирате вашата врска – ова се четири јасни знаци дека ништо не е идеално!

Колку и љубовта од нас да бара компромиси и попустливост кон некои навики на нашиот партнер, постојат работи кои едноставно не треба да се толерираат во текот на врската. Се разбира, вие не сте единствената личност која толерира, исто така и вие сте склони кон грешки, спрема кои вашиот партнер е толерантен, но сепак, ако некои ситуации постојано се повторуваат, не треба да живеете во заблуда дека вашата врска е совршена.

Вашите потреби се подеднакво важни

Здравата врска подразбира дека и на двајцата ви е убаво и заедно  уживате во вашиот однос, затоа немојте да ги ставате потребите на вашиот партнер пред своите, поточно не го правите тоа постојано. Врската е терен на кој двете страни подеднакво уживаат во познатото. Значи, ако тој е вашиот приоритет, мора и вие да бидете негов, а ако не, не би требало да бидете пар, бидејќи кога сте сами, секој на себеси му е приоритет број еден.

Тој не стои на своите зборови

Се разбира, дека сите несогласувања ги решавате со мирен разговор, а кога ќе укажете на грешките на својот партнер, тој ветува дека тој нема повторно да ги повтори, но сепак, сè е сведено на празни ветувања. Ова е ситуација во која можете да видите дека вашиот партнер не човек од збор и дека со него не можете да планирате сигурна иднина, и тоа не е она што ви треба.

Секогаш имате оправдување за неговите постапки

Наместо да продолжите постојано да наоѓате оправдувања, за неговото, се почесто, неприфатливо однесување, време е да кажете доста и да обрнете внимание на работите во кои тој греши. Ако не е подготвен да се обиде да ги промени своите лоши навики, за да го подобрите вашиот однос, значи дека не му е доволно грижа и дека си е најважен сам на себе.

Немате повеќе самодоверба

Кога сте во здрава и среќна врска, вие блескате и сте полни со самодоверба, додека лошата врска на вас влијае спротивно. Ако сте во врска која што не ви одговара, потребно е поради својата и среќата на вашиот партнер, да ставите точка на оваа приказна.

Нема потреба да се залажувате дека сте во среќна врска, доколку  не сте. Важно е да се почитувате и да се сакате себеси и не дозволувајте да замижите пред некои транспарентни знаци. Колку порано свртите нова страница, толку побргу ќе ви бидат дадени нови шанси за среќа!

извор:попара.мк

Најчитани

Твитови