МНР со упатство за странски новинари: „Македонец - македонски“, НЕ „северномакедонец - северномакедонски!”

Владата на Република Северна Македонија, уште еднаш им укажува на медиумите и на јавноста да не ги употребуваат придавките и термините ,,Северномакедонец“ и ,,Северномакедонски“, туку исклучиво Македонец и македонски, исто како и до сега, а и согласно Договорот од Преспа потпишан меѓу Македонија и Грција.

За таа намена владата веќе ги контактирала странските медиуми и агенции на сите можни нивоа со барање придавката northmacedonian да не се користи, за да не се одомаќини.

Од владата сугерираат и приватните медиуми и економски субјекти да ја користат новата терминологија согласно уставните промени, иако наведуваат дека не постои ,,јазична полиција‘‘ која ќе го надгледува именувањето, а се почитува и слободата на говорот согласно Уставот.

При тоа се наведува дека и во Грција се одвива истиот процес, па дури и се инсистира на коректно користиње на термините поврзани со Северна Македонија и во ЕУ и во Обединетите Нации.

Атина и Скопје се свесни дека одредени политичари нема да се придржуваат кон новонастанатата состојба, но, по стапувањето на сила на договорот досега не е испратена ниту една поплака од грчката страна.

Во однос на имињата на партиите во кои се содржи терминот Македонија, од владата велат дека не можат да инсистираат да ги променат, бидејќи се работи за доброволни организации на граѓани. Доколку нивната активност надвор од земјава се финансира од државата тогаш ќе мора да се наведе дека е од Република Северна Македонија.

Од владата информираа дека МАНУ свикало собрание на кое ќе се одлучи дали ќе се прифати името Академија на науките и уметностите на Северна Македонија или Национална академија на науките и уметностите, но сигурно е дека МАНУ ќе се задржи како кратенка за институцијата.

Допрецизирање на името чека и АРМ и сѐ уште не се знае која ќе биде кратенката за Армијата на Република Северна Македонија. 

 

извор:Ако.мк

Уште едно засилување за Борусија Дортмунд: Пристигнува и Брант!

Напаѓачот на германската репрезентација ќе биде нов член на клубот од „Вестфален“. „Милионерите“ жестоко кренаа во летниот преоден рок. До сега потрошија околу 70 милиони евра и тоа за Пако Алкасер кој го откупија од Барселона, на Нико Шулц од Хофенхајм и Торган Азар од Мехенгладбах.

Иако Баер Леверкузен обезбеди пласман во Лигата на шампионите, сепак Џулија Брант се одлучи за чекор понапред. Преговорите помеѓу директорот на Дортмунд, Михаел Цорк и агентот на фудбалерот се веќе во тек, а најважно од се е дека играчот изразил желба да го облече дресот на „милионерите“.

Трансферот би требало да изнесува 25 милиони евра, колку што е откупната клаузула во договорот помеѓу Брант и „фармацефтите“. Реално, Германецот вреди многу повеќе, но Леверкузен мораше да ја прифати оваа клаузула кога го продолжуваа договорот со фудбалерот.

2 работи што се неопходни за долга и среќна љубов

Сигурно не постои рецепт за среќна врска, но постојат некои работи без кои врската не би успеала. Доколку сакате да дознаете дали вашата врска има потенцијал, размислете дали ги има следниве 2 нешта.

1. Слични особини

Веројатно сте слушнале дека спротивностите се привлекуваат, но ако гледате на долгорочен план, потребно е да имате некои сличности со партнерот. Односно, потребно е да делите одредени ставови и погледи за животот. Сепак, доколку сте различни, не значи дека вашата врска е осудена на пропаст. Најважно е да наоѓате компромис и меѓусебно да се надополнувате.

2. Сексуална компатибилност

Доколку сте компатибилни и уживате во интимноста, сè друго може да функционира. Без сексуална компатибилност, врската ќе страда, без разлика колку добро се согласувате во другите области.

НАСА планира првата жена да ја прати на Месечината до 2024 година

НАСА планира првата жена да ја прати на Месечината до 2024 година благодарение на дополнителни приливи во буџетот кои ги одобри американскиот претседател Доналд Трамп, пишува Си-ен-ен.

„Само 12 луѓе оделе по Месечината. Сите биле мажи и сите биле Американци“, вели директорот за комуникации на НАСА, Нетини Инклан, додавајчи дека послениот човек на месечината чекорел во 1972 година.

Наведува дека ни една жена никогаш не чекорела по Месечината.

 

Доналд Трамп во понеделникот откри дека ќе издвои дополнителни 1,6 милијарди долари за НАСА за да можат да „се вратат на Месечината“.

„Под моја управа ќе ја направиме НАСА повторно голема и ќе ја вратиме на Месечината, потоа одиме на Марс“, објави Трамп.

Зголемувањето на буџетот е по иницијалното барање на НАСА за 21 милијарди долари што ќе овозможи повторно враќање на Месечината.

Администраторот на НАСА Џим Бриденстајн изјави дека инвестицијата ќе овозможи НАСА да тргне напред во дизајн, развој и истражување.

Најчитани

Твитови