Сирена заробена во женско тело!

Своите ќерки веќе ги запишала на посебен курс за сирени на кој што и самата таа одела.

Хајдрун Барт (41) од Германија тврди дека е родена во погрешно тело и дека всушност е сирена. Своето слободно време го поминува пливајќи по езерата, но кога се појавува во јавен базен- спасителите не и дозволуваат да плива во него со „опашот“ кој го платила 1400 евра.

„Не смеам да пливам во јавни базени, велат дека заради мојот „опаш“ тоа е опасно, иако им ветувам дека можам да бидам многу внимателна. Малце ме разочара тоа“- рекла таа.

Оваа мајка на три ќерки, Милене (11), Силене (9) и Роселене (5) се заљубила во Ариел од „Малата сирена“ уште кога била мало девојче. Сакала да си замислува дека наместо нозе има „опаш“. Во текот на летото, 2016-та година собрала доволно пари да нарача и да купи „опаш“, кој што бил посебно дизајниран за неа. Платила 1400 евра. Тогаш почнала да го води својот „дупли живот“.

Присетувајќи се на своето детство, Хајдрун кажува дека на вратата од својата соба имала голем цртеж од сирената Ариел кој сама го направила. Се преправала дека и таа е Ариел затоа што имале слична боја на косата.

Кога малце пораснав се зачленив во драмска група и во една претстава глумев сирена која запознава морнари. Имав фустан кој личеше на сирена“- раскажа таа.

„Времето поминуваше, веќе имав свое семејство. Тогаш моите ќерки имаа две и четири години, беа целосно луди по сирени“- објасни Хајрун која моментално се чувствува дека е сирена, заробена во погрешно тело.

Дури и фактот дека сум глува укажува на тоа дека треба да живеам во море. Веќе имам црвена коса како Ариел, мислам дури дека малце изгледам како неа. Обожавам да бидам во вода, тоа многу ме радува. Не можам да замислам да живеам без тоа“- вели таа.

Своите ќерки веќе ги запишала на посебен курс за сирени на кој што и таа сама одела.

Направите вкусно турско кафе по стар рецепт!

Има нешто посебно кај турското кафе. Иако можеби сè поретко се наоѓа во кафетериите, воглавно сите го пијат дома. Доколку сакате да го пиете турското кафе како луѓето во минатото, следете ги овие совети.

Пред сè, за добро турско кафе потребна ви е квалитетна мешавина, па немојте да штедите на тоа. Покрај тоа, малкумина знаат дека водата не треба да зоврие. Во ѓезвето се загрева водата до пред вриење, па се тргнува од ринглата.

Дел од водата се трга со филџан, а во останатиот дел се додава кафе (по една полна лажичка за секоја шолја).

Се промешува за да нема грутки, па ѓезвето се враќа на оган. Кога кафето ќе нарасне, повторно се трга од оган и се додава водата што ја истуривте на почетокот. Ѓезвето повторно се враќа на оган и се остава да зоврие.

Тргнете го ѓезвето од оган, почекајте неколку секунди и додајте лажичка студена вода. Тогаш кафето е подготвено за служење.

Ова се некои од најчестите грешки што ги правите додека подготвувате кафе:

Пречестото мешање го убива вкусот.

Доколку кафето се подигне неколку пати, се уништува пената и се губи вкусот.

Мешањето на свареното кафе ќе го измени неговиот вкус.

Доколку пиете благо кафе, најдобро е да го додадете шеќерот во водата додека е ладна. Односно, пред да го ставите и сварите кафето.

Кој плаче повеќе, мажите или жените?

Истражувањето направено во врска со емоционалното празнење, односно плачење покажа - верувањето дека жените плачат почесто е точно. Сепак резулатите се изненадувачки во однос на тоа колку редовно плачат мажите, ако се земе во обзир дека ниеден маж нема да признае дека некогаш плачел.

Припадничките на понежниот пол плачат просечно секој шести ден, а мажите еднаш во 3 недели...

Последното истражување на германски научници покажа дека жените ронат солзи 30-64 пати годишно, а мажите многу помалку, само 17 пати. Додека се деца до 13 години, девојчињата и момчињата плачат речиси подеднакво, но понатаму работите се менуваат.

Истражувањето покажало дека возрасните жени обично плачат долги временски периоди и тоа го прават подраматично за разлика од мажите. Времетраењето на просечно плачење кај жените е околу 6 минути, а кај мажите околу 2-3 минути.

Жените плачат почесто отколку мажите, затоа што на тој начин си ги олеснуваат своите емоции или го отфрлаат чувството на тага. Истото истражување покажало дека 65% од дамите плачат со липање, додека таква ситуација се случува само кај 6% од мажите.

Причините за плачење се разликуваат. Жените плачат кога ќе се соочат со ситуација или проблем за кој е тешко да се најде решение, но и со потсетувањето на тажни и тешки искуства од минатото. Од друга страна, мажите плачат кога сочувствуваат со некоја личност, а многу често поради прекин на љубовна врска.

Како најлесно да ги преболите бившите?!

Сите знаеме дека раскинувањето никогаш не е лесно. Тоа е процес низ кој сите поминуваме различно. 

За да се поштедите од поголема болка и постапки за кои подоцна може да зажалите, бидете разумни и послушајте што вика науката за преболувањето на бившите.

Повеќе во видеото:

Најчитани

Твитови