Докажано: Мажите се плашат од паметни жени!

Мажите се плашат од интелигентни жени, покажува ново психолошко истражување на Економскиот факултет во Варшава, спроведено над 500 студенти кои прифатиле да учествуваат на така наречени „брзи состаноци“.

Целта на научниците била можноста да се предвиди дали на една личност би ѝ се допаднал некој во зависност од интелигенцијата или физичките одлики. Така, тие сметаат дека сега го нашле вистинскиот начин за тоа.

Што сакаат жените?

Физичката привлечност е релативна работа и секој има свои критериуми за тоа. 3атоа, како дел од експериментот, испитаниците ги оценувале луѓето спроти себе од еден до 10. А, експериментот покажа дека жените не секогаш отфрлаат еден грд маж, ако тој покаже малку повеќе ум.

Жените сакаат да видат дали е некој паметен и нивната одлука на крајот речиси еднакво зависи од интелигенцијата колку и од физичката привлечност. Маж со интелигенција оценета со 10 од 10, на пример, но со потпросечен изглед, има 30 отсто шанси таа да го повика повторно.

Кога мажите пак, бираат жена, таа треба да биде убава, а не мора да е и паметна.

Што сакаат мажите?

Истражувањата покажаа дека жените главно не се толку пребирливи како мажите. Кога мажот ќе ѝ даде на жената оценка четири за изглед и два за ум, тој е речиси сигурен дека нема да сака да ја види повторно, што не е случај кај жените.

Сепак, доколку оценката за изгледот е повисока, тој е сѐ поподготвен да каже „Да“, независно од интелигенцијата. Тоа би значело дека мажите многу повеќе го ценат физичкиот изглед на жената отколку умот.

Така, заклучокот е дека паметните жени честопати ги плашат мажите, оти овие пак, сметаат дека во такви услови, таа спроти нив ќе има превисоки очекувања и дека тоа е лошо за машкото его.

Веројатно затоа жените понекогаш и ја подзатскриваат својата интелигенција во обид да му се допаднат на партнерот.

За лице без брчки не Ви требаат скапи креми: Применете ги овие вежби и гледајте како се создава магија!

Против брчките, несаканите гласници на возраста, кремите и хируршките интервенции не се единственото решение.

Со одредени видови на мускулна гимнастика, исто така, може да се постигне многу. Ова е истовремено ефикасен начин за опуштање и пронаоѓање на внатрешен мир, велат експертите.

Со цел да се направат што е можно поефикасни вежби, тие треба да се прават дневно, наутро и навечер, во траење од пет минути.

* Против брчките помеѓу веѓите, стиснете ги веѓите шест секунди, како да се муртите, а по пауза од 10 секунди повторете ја вежбата.

* Растегнете ги усните со палците во насмевка на кловн, и со показалците притиснете ги надворешните делови од очите истовремено за да избегнете создавање нови брчки. Вежбата трае шест секунди, а потребни се 10 секунди пауза.

* Правете вежби со јазикот, наизменично испружете и вовлечете го јазикот против формирањето на подбрадок.

* За добра циркулација на крв, длабоко вдишете воздух и надујте ги образите, а потоа неколку пати префрлете го воздухот од една на друга страна на образите.

Рецепт на денoт: Посни полжавчиња со сусам!

1. Се замесува од сите состојки меко нелепливо тесто. Се остава да стаса. Се премесува и се сучи правоаголна кора која се премачкува со премазот. Се прави ролат и се сечат мали парчиња да дојдат како полжави.

2. Од страната на секое крукче-полжав се макнува во вода и се валка во сусам. Се оставаат да стасаат. Се печат во загреана рерна на 200С-35мин. 

Состојки

250 мл масло

500 мл вода 1 и пол квасец

4 лажици шеќер

1 лажица сол

1.200 гр брашно

Премаз

1 филџан вода

2 лажици брашно

2 лажици масло

прстофат сол

извор: moirecepti.mk

Идеални фризури за дами со густа коса!

Повеќето жени копнеат по коса полна со волумен и користат многу beauty производи за барем визуелно да го постигнат ефектот на густа коса.

Од друга страна, жените кои имаат многу густа коса имаат големи потешкотии да изберат идеална фризура. Најголем проблем за луѓето со густа коса претставуваат деновите кога косата е непослушна, бидејќи тогаш е нескротлива и не постои ништо со што можете да ја фиксирате и соберете, за да не се распадне за половина час.

Ако имате долга, густа коса, страничните плетенки се идеален избор на фризура за дневни, casual комбинации. Ако сакате формална фризура за работа, убаво исчешлајте ја косата и направете фризура што ќе го задржи секој прамен на свое место.

Од друга страна, ако сте обожавател на бохо стилот, извлечете неколку прамени, за целата фризура да добие messy изглед.

Пунџата е исто така фризура, која ќе ја скроти вашата коса во текот на денот. Најубави се пунџите со волумен, кои изгледаат стилски и богато, па затоа се најдобар избор за девојки со долга и густа коса.

Можете да се одлучите за ниска или висока пунџа, неуредна или совршена балетска пунџа, сè ќе изгледа беспрекорно.

Најчитани

Твитови