Андерс Холч Повлсен - милијардерот кој ги загуби своите 3 деца во масакрот во Шри Ланка!

Парот, заедно со нивната најмлада ќерка Астрид, се збогуваше со своите 3-те деца поради еден брутален и бесмислен чин.

Данскиот милијардер Андерс Холч Повлсен (46) и неговата сопруга Ана трагично изгубија 3 од нивните 4 деца во масакрот во Шри Ланка, во координирани терористички напади каде животите ги изгубија 290 луѓе.

Од рацете на терористите настрадаа Алма, Агнес и Алфред Повлсен.

Еден брутален бесмислен акт на радикална организација го промени ова семејство засекогаш.

Факти за семејството Повлсен:

Семејството Повлсен отсекогаш беше екстремно приватно за нивните деца. За 3-те девојчиња и едното момче се знаеја многу малку информации.

Сè до овој брутален напад семејството водеше прекрасен живот, а богатството на Повлсен беше проценето на 7.9 милијарди долари.

Андрес е могул во модниот свет и од своите родителите ја наследи успешната линија за облека „Бестселер“. Тој е доминантен сопственик на акции во модната компанија „АСОС“.

Семејството одмораше во главниот град на Шри Ланка, кога двајца терористи влегле во нивниот хотел, кој се сметал за безбеден тропски рај со поглед на Индискиот Океан.

За време на семејниот одмор Алма му дала на светот ретка можност да ѕирне во нивните животи и на својот Инстаграм профил објави неколку фотографии со нејзините браќа и сестри.

Семејството живееше на релација Данска – Шкотска, каде имаа огромен имот. Андрес ја обожава Шкотска, нејзината природа и отворен простор, а имотот таму го купил во 2006 година.

Андрес во Шкотска е најголемиот приватен сопственик на земјиште и поседува повеќе од 220.000 акри и со својата сопруга имале развиено проект „Re-Wilding Project”, кој ќе ја врати природата во Шкотска во нејзиното првобитно издание.

извор: crnobelo.mk

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови