Се откажала од глутен, месо и преработен шеќер a ова се промените на кои сведочи!

Откако ѝ била дијагностицирана ретка болест на срцето, која го погодува имунолошкиот систем, но делува и на работата на органите за варење, девојката именувана како Ела Вудвард одлучила да направи радикални промени, пред сè во исхраната. 24-годишната девојка решила да се откаже од месото, млечните производи, јајцата, шеќерот и преработките.

– На почетокот ми беше тешко, но одлучив да бидам истрајна во оваа одлука и да се хранам квалитетно и разновидно. Неколку месеци јадев една иста веганска храна, но потоа одлучив да го проширам менито и да започнам по малку и да експериментирам, изјавила Ела за британскиот Daily Mail. Нејзиното мени подразбира секојдневен внос на овесна каша со бадемово млеко и путер, како и бобинкасто овошје и чиа семиња. Тука се и здравите снегулки, интегралните житарки, чилито, карито и уште многу други интересни зачини кои и на најобичните јадења им даваат одличен вкус.

– Месото, млекото, јајцата, преработките и шеќерот воопшто не ми недостасуваат. Всушност, јас се чувствувам многу подобро без нив, имам повеќе енергија и ја држам својата болест под контрола, открива оваа девојка.Кога се работи за физичките активности, Ела не сака да претерува и да тренира премногу напорно, туку да ужива во активностите кои ја опуштаат, ѝ годат, и воедно се добри и за здравјето.

– Ги обожувам јогата, пилатесот, трчањето и вежбите со тегови, па наизменично ги комбинирам овие активности. Тие ме ослободуваат од стресот и ја чуваат мојата психа, вели Ела. Уште еден одличен ефект од оваа промена е што нејзината кожа комплетно се исчистила и Ела верува дека одрекувањето од млечни и месни производи има клучна заслуга за тој ефект.

Правила во исхраната на Ѓоковиќ: Прво чаша вода, па сè друго

Храната треба да се усогласи со потребите на телото, и на организмот да му се дава тоа што му треба и кога му треба.

Кога го сменил начинот на исхрана и намирниците што ги внесува во телото, Новак драстично напредувал во играта.

Во 2010 година Ѓоковиќ го сменил начинот на исхрана и тоа му донело неверојатен подем во светот на тенисот. Од 2011 година тој стана гладијатор на тениските терени, кој ги добива натпреварите и по шест часа игра.

Оттогаш Новак ги почитува овие свои 8 правила, кои ги опишува во неговата книгата „Сервирај за победа“.

1. Не јаде глутен и млечни производи

2. Шеќерот го сведува на минимум.

3. Неговата исхраната се базира на зеленчук, грав, риба, овошје, семки и здрави масла.

4. Со години не јаде црвено месо.

5. Најголемиот дел од неговото мени е од растително потекло.

6. Храната долго треба да се џвака за подобро да се свари.

7. Храната треба да се усогласи со потребите на телото, и на организмот да му се дава тоа што му треба и кога му треба.

8. Чаша со млака вода пие веднаш по станувањето.

Кралицата Летиција беспрекорна и во фустан кој може да си го дозволи секоја жена (ФОТО)

Кралицата Летиција (46) важи за една од жените со истенчен стил на облекување, па секое нејзино појавување привлекува големо внимание.

За разлика од многу славни дами кои не се оттргнуваат од брендираните парчиња облека, кралицата Летиција знае да облече и модели од комерцијални и поповолни брендови.

Така таа во кралската палата Зарзуела во Мадрид се појави во темносин фустан со бели коцкасти форми.

Моделот со кратки ракави и со копчиња на предната страна е украсен со џебови и има нееднаков раб, додека околу половината таа стави темносин ремен.

Со тоа комбинираше и високи потпетици од Каролина Херера од превртена кожа во истата боја.

Поради дојава за бомба 130 луѓе евакуирани од белградскиот аеродром

Од авион на Луфтханза на аеродромот „Никола Тесла“ во Белград утрово поради дојава дека е поставена бомба се евакуирани 130 патници и пет члена на екипажот, објавија белградските медиуми.

Контрадиверзионата единица Министерството за внатрешни работи била испратена на аеродромот по дојавата. 

Авионот бил подготвуван за лет до Франкфурт.

„Сите надлежни служби, вклучувајќи ги аеродромските служби, реагираа веднаш, во согласност со процедурите за обезбедување највисоко ниво безбедност на патниците и авионот како главен приоритет“, велат на аеродромот.

Воздушниот сообраќај на аеродромот „Никола Тесла“ Белград цело време се одвива според предвидениот ред на летање.

Најчитани

Твитови